Minni framlög á vinnumarkaði næstu árin

Ríkisstjórnin gerir ráð fyrir að greiða 36 prósentum minna á vinnumarkaði og í atvinnuleysisbætur í ár en í fyrra, þrátt fyrir að búist sé við meira atvinnuleysi í ár.

Bjarni Benediktsson fjármálaráðherra
Bjarni Benediktsson fjármálaráðherra
Auglýsing

Búist er við því að útgjöld ríkissjóðs á vinnumarkaði og í atvinnuleysisbætur dragist saman um rúman þriðjung í ár, þrátt fyrir að meira atvinnuleysi sé spáð heldur en í fyrra. Einnig er gert ráð fyrir samdrætti í málaflokknum árin 2022 og 2023, en talið er við að hann verði um 100 milljörðum krónum minni árið 2023 en hann var í fyrra. Þetta kemur fram í nýrri fjármálaáætlun ríkisstjórnarinnar fyrir árin 2021-2024

Mikil aukning frá 2017

Samkvæmt áætluninni hefur mikil aukning átt sér stað í útgjöldum hins opinbera í félags- húsnæðis- og tryggingarmálum frá árinu 2017, meðal annars vegna hækkun frítekjumarks atvinnutekna aldraðra, lengingu fæðingarorlofs, aukinna stofnframlaga til byggingar leiguhúsnæðis fyrir tekjulága, auk nýsamþykktra laga um hlutdeildarlán.

Einnig skrifar ríkisstjórnin að framlög til málefna aldraðra og öryrkja hafi aukist um 27 milljarða króna á tímabilinu, meðal annars vegna hækkunar á bótum almannatrygginga, fjölgunar á lífeyrisþegum og breytinga sem hafa falist í að draga úr krónu á móti krónu skerðingum.

Auglýsing

Samdráttur næstu árin

Samkvæmt fjármálaáætluninni fyrir næstu fjögur árin er hins vegar búist við 11 prósenta samdrætti í málaflokknum í ár, úr 373 milljörðum króna í 333 milljarða króna. Þyngst vega þar útgjöld hins opinbera á vinnumarkaðinn og í atvinnuleysisbætur, en gert er ráð fyrir að sá liður minnki um tæpa 53 milljarða króna í ár, úr 148 milljörðum í 95 milljarða.

Samkvæmt nýjustu þjóðhagsspá Hagstofu er þó búist við að ársmeðaltal atvinnuleysis verði meira í ár heldur en í fyrra. Í ár er gert ráð fyrir að atvinnuleysið nái 7,8 prósentum, en að meðaltali náði það 6,4 prósentum.

Á næstu árum er svo búist við að útgjöld hins opinbera á vinnumarkaðnum dragist enn frekar saman, en samkvæmt fjármálaáætluninni munu þau minnka um rúman þriðjung árið 2022. Árið 2023 er svo gert ráð fyrir enn frekari samdrætti í málaflokknum, en þar er búist við útgjöldin nemi um 50 milljarða króna, sem er tæpur þriðjungur af útgjöldunum árið 2020.

23 milljarðar í hlutabætur

Ríkisstjórnin hefur ráðist í fjölda aðgerða á vinnumarkaði til að sporna gegn áhrifum yfirstandandi kreppu. Einna stærst er hin svokallaða hlutabótaleið, sem vinnuveitendur geta að öllu óbreyttu sótt um til 31. maí í ár. Á síðasta ári voru 23,5 milljarðar króna greiddir út í hlutabætur, en gert var ráð fyrir að þær myndu nema 34 milljörðum króna.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Upplýsingar um alla hluthafa og hversu mikið þeir eiga í skráðum félögum hafa legið fyrir á opinberum vettvangi undanfarið. Þetta telur Persónuvernd stríða gegn lögum.
Persónuvernd telur víðtæka birtingu hluthafalista fara gegn lögum
Vegna nýlegra lagabreytinga hefur verið hægt að nálgast heildarhluthafalista skráðra félaga í Kauphöllinni í samstæðureikningum á vef Skattsins. Persónuvernd telur þessa víðtæku birtingu fara gegn lögum.
Kjarninn 18. júní 2021
Flókið að fást við fólk sem lætur sannleikann ekki þvælast fyrir sér
Kerfið brást Helgu Björgu harðlega eftir að hún upplifði stöðugt áreiti borgarfulltrúa Miðflokksins í um tvö ár án þess að geta borið hönd fyrir höfuð sér. Málið hefur haft margvíslegar alvarlegar afleiðingar á andlega og líkamlega heilsu hennar.
Kjarninn 18. júní 2021
Horft frá Nauthólsvík yfir á Kársnes og að Hamraborg, þar sem Kópavogsbær stefnir á uppbyggingu þéttrar byggðar meðfram væntum borgarlínuleiðum.
Telur kjörnum fulltrúum skylt að rýna í hugmyndir um ódýrari Borgarlínu
Bæjarfulltrúi Sjálfstæðisflokksins í Kópavogi vill rýna betur í hugmyndir um ódýrari Borgarlínu, sem lagðar hafa verið fram að undanförnu, svo vilji sveitarstjórna sé skýr í málinu. Einnig viðrar hún sérstakar áhyggjur af rekstrarkostnaði.
Kjarninn 18. júní 2021
N1 er vinsælasti viðkomustaður þeirra sem hafa notað nýju ferðagjöf stjórnvalda.
Bensínstöðvar, baðlón og skyndibitastaðir vinsælust hjá notendum nýrrar ferðagjafar
Yfir 10 þúsund manns hafa nýtt nýja ferðagjöf stjórnvalda og um 50 milljónir króna verið greiddar út. Kunnugleg nöfn raða sér í efstu sæti þeirra fyrirtækja sem tekið hafa við mestu en baðlónið Sky Lagoon kemur nýtt inn á lista og tyllir sér í annað sæti.
Kjarninn 17. júní 2021
Guðjón Sigurðsson
Alþjóðlegur MND dagur 20. júní 2021
Kjarninn 17. júní 2021
Már Guðmundsson, fyrrverandi seðlabankastjóri.
Fyrrverandi seðlabankastjóri fékk fálkaorðuna
Forseti Íslands sæmdi fjórtán manns fálkaorðunni á Bessastöðum í dag.
Kjarninn 17. júní 2021
Gunnar Smári Egilsson, formaður framkvæmdastjórnar Sósíalistaflokksins.
Vilja endurvekja sjálfstæðisbaráttuna
„Eins og fyrri kynslóðum tókst að umbreyta íslensku samfélagi með sjálfstæðisbaráttu almennings þá mun okkur takast það einnig. Þeim tókst það og okkur mun líka takast það.“ Sósíalistaflokkurinn sendi frá sér tilkynningu í tilefni af 17. júní.
Kjarninn 17. júní 2021
Ólafur Ólafsson
Mannréttindadómstóll Evrópu vísar kæru Ólafs Ólafssonar frá
MDE hafnaði í morgun með afgerandi hætti að Rannsóknarnefnd Alþingis hefði brotið gegn rétti Ólafs Ólafssonar til réttlátar málsmeðferðar.
Kjarninn 17. júní 2021
Meira úr sama flokkiInnlent