Stjórnir MP banka hf. og Virð­ingar hf. hafa ákveðið að taka upp form­legar við­ræður um sam­ein­ingu félag­anna. Þetta kemur fram í sam­eig­in­legri frétta­til­kynn­ingu frá félög­un­um. „Með sam­ein­ingu MP banka og Virð­ingar yrði til öfl­ugt fjár­mála­fyr­ir­tæki sem væri leið­andi á fjár­fest­inga­banka­mark­aði og einn stærsti aðili í eigna­stýr­ingu á Íslandi. Ekki er hægt að segja til um hve langan tíma við­ræður munu taka, en allt kapp verður lagt á að hraða þeim eins og hægt er,“ segir í til­kynn­ing­unni.

Eins og greint hefur verið frá í Kjarn­anum síð­ustu tvær vikur hafa hlut­hafar Virð­ingar og MP banka átt í óform­legum við­ræðum um sam­ein­ingu í sum­ar, auk þess sem horft hefur verið til sam­ein­ingar við önnur fyr­ir­tæki á fjár­mála­mark­aði, meðal ann­ars Íslensk verð­bréf.

Virð­ing er alhliða verð­bréfa­fyr­ir­tæki sem veitir fjár­fest­inga­tengda þjón­ustu á sviði eigna­stýr­ing­ar, mark­aðsvið­skipta, fyr­ir­tækja­ráð­gjafar og rekst­urs fram­taks­sjóða, að því er segir í til­kynn­ing­u.    Virð­ing hefur starfs­leyfi sem verð­bréfa­fyr­ir­tæki og starfar undir eft­ir­liti Fjár­mála­eft­ir­lits­ins.

MP banki hf. á rætur sínar að rekja til árs­ins 1999 og starfa um 70 starfs­menn hjá bank­an­um. MP banki sér­hæfir sig í að veita alhliða þjón­ustu á sviði eigna­stýr­ingar og fjár­fest­ing­ar­banka­starf­semi ásamt því að veita íslenskum fjár­fest­um, spari­fjár­eig­endum og atvinnu­lífi sér­hæfða banka­þjón­ustu, að því er segir í til­kynn­ingu. Afkomu­ein­ingar MP banka eru eigna­stýr­ing, banki og mark­að­ir.

For­maður stjórnar MP banka er Þor­steinn Páls­son, fyrr­ver­andi for­sæt­is­ráð­herra og sendi­herra, en for­maður stjórnar Virð­ingar er Kristín Pét­urs­dótt­ir. Hún er jafn­framt stærsti hlut­hafi Virð­ing­ar.