Neita að upplýsa um fjölda útgefinna neyðarvegabréfa

Nýlega var reglugerð samþykkt í dómsmálaráðuneyti sem veitir utanríkisráðherra heimild til að óska eftir því að ÚTL gefi út vegabréf til útlendings ef sérstakar ástæður eru fyrir hendi. Utanríkisráðuneytið upplýsir ekki um fjölda útgefinna vegabréfa.

Frá utanríkisráðuneytinu við Rauðarárstíg.
Frá utanríkisráðuneytinu við Rauðarárstíg.
Auglýsing

Utan­rík­is­ráðu­neytið telur sér ekki fært að svara fyr­ir­spurn Kjarn­ans um fjölda vega­bréfa sem gefin hafa verið út á grunni reglu­gerðar sem var breytt í apr­íl. Í svari frá ráðu­neyt­inu segir að ekki sé hægt að svara fyr­ir­spurn­inni með vísan til 9. og 10. grein upp­lýs­inga­laga en grein­arnar fjalla um tak­mark­anir á upp­lýs­inga­rétti vegna einka­hags­muna ann­ars vegar og tak­mark­anir á upp­lýs­inga­rétti vegna almanna­hags­muna hins veg­ar.

Þann 26. apríl var í dóms­mála­ráðu­neyt­inu sam­þykkt breyt­ing á reglu­gerð nr. 560/2009 um íslensk vega­bréf en tvær greinar bætt­ust við reglu­gerð­ina í kjöl­far breyt­ing­ar­inn­ar. Fyrri greinin veitir utan­rík­is­ráð­herra heim­ild til að óska eftir að Útlend­inga­stofnun gefi út vega­bréf til útlend­ings ef sér­stakar ástæður eru fyrir hendi.

Auglýsing

Getur gilt í eitt ár

„Í því til­viki getur Útlend­inga­stofnun veitt slíkt vega­bréf til útlend­ings þótt við­kom­andi upp­fylli ekki kröfu 16. gr. um að hann sé lög­lega búsettur á Íslandi. Gildi vega­bréfs fyrir útlend­ing má binda við til­tekið svæði. Gild­is­tími vega­bréfs ræðst af þeim ástæðum sem gera útgáfu þess nauð­syn­lega en skal þó aldrei vera lengri en tólf mán­uð­ir,“ segir í fyrri grein­inni sem bætt var við reglu­gerð­ina.

Sú síð­ari veitir utan­rík­is­ráð­herra heim­ild til að fela sendi­skrif­stofum Íslands og kjör­ræð­is­mönnum að gefa út neyð­ar­vega­bréf til útlend­inga ef sér­stakar ástæður eru fyrir hendi og að fengnu sam­þykki útlend­inga­stofn­un­ar. Hámarks­gild­is­tími slíkra vega­bréfa er einn mán­uður en ræðst ann­ars „af þeim ástæðum sem gera útgáfu þess nauð­syn­lega“.

Kjarn­inn fal­að­ist eftir upp­lýs­ingum frá utan­rík­is­ráðu­neyt­inu um útgáfu vega­bréfa á grunni þess­ara breyt­inga og sendi ráðu­neyt­inu almenna fyr­ir­spurn í tveimur lið­um. Spurn­ing­arnar sem sendar voru til ráðu­neyt­is­ins voru eft­ir­far­andi: „Hversu mörg vega­bréf hafa verið gefin út á grunni þess­arar reglu­gerð­ar­breyt­ing­ar?“ og „Hvenær voru þau vega­bréf gefin út?“

Mik­il­vægir einka- og almanna­hags­munir tak­marki aðgengi

Líkt og áður segir sá ráðu­neytið sér ekki fært að svara fyr­ir­spurn­inni á grunni 9. og 10. greinar upp­lýs­inga­laga og upp­lýs­inga­beiðni Kjarn­ans var þar af leið­andi synj­að. Þá var í svar­inu bent á kæru­heim­ild til úrskurð­ar­nefndar um upp­lýs­inga­mála en kæru­frestur er 30 dag­ar.

Í 9. grein upp­lýs­inga­laga er fjallað um tak­mark­anir á upp­lýs­inga­rétti vegna einka­hags­muna en hún hljóðar svo: „Óheim­ilt er að veita almenn­ingi aðgang að gögnum um einka- eða fjár­hags­mál­efni ein­stak­linga sem sann­gjarnt er og eðli­legt að leynt fari, nema sá sam­þykki sem í hlut á. Sömu tak­mark­anir gilda um aðgang að gögnum er varða mik­il­væga [virka] fjár­hags- eða við­skipta­hags­muni fyr­ir­tækja og ann­arra lög­að­ila.“

Í 10. grein upp­lýs­inga­laga er fjallað um heim­ild til að tak­marka aðgang almenn­ings að gögnum þegar mik­il­vægir almanna­hags­munir krefj­ist. Greinin er í sex liðum og þar segir að hafi gögn að geyma upp­lýs­ingar um eft­ir­far­andi, þá sé heim­ilt að tak­marka aðgang að þeim:

  1. öryggi rík­is­ins eða varn­ar­mál,
  2. sam­skipti við önnur ríki eða fjöl­þjóða­stofn­an­ir,
  3. efna­hags­lega mik­il­væga hags­muni rík­is­ins,
  4. við­skipti stofn­ana og fyr­ir­tækja í eigu ríkis eða sveit­ar­fé­laga að því leyti sem þau eru í sam­keppni við aðra,
  5. fyr­ir­hug­aðar ráð­staf­anir eða próf á vegum hins opin­bera ef þau yrðu þýð­ing­ar­laus eða skil­uðu ekki til­ætl­uðum árangri væru þau á almanna­vit­orði,
  6. umhverf­is­mál ef birt­ing gagn­anna getur haft alvar­leg áhrif á vernd þess hluta umhverf­is­ins sem upp­lýs­ing­arnar varða, t.d. heim­kynni fágætra teg­unda líf­vera, stein­da, stein­gerv­inga og berg­myndana.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Formenn stjórnarflokkanna þriggja kynntu nýjan stjórnarsáttmála í nóvember 2021.
Allir formenn stjórnarflokkanna tapað umtalsverðu trausti á kjörtímabilinu
Formaður Framsóknar hefur tapað meira trausti það sem af er kjörtímabili en hinir leiðtogar ríkisstjórnarinnar. Vantraust á hann hefur líka aukist meira en í garð hinna formannanna.
Kjarninn 26. nóvember 2022
Breytt áform á Mýrdalssandi og skömmum hreytt í umsagnaraðila
Viðhorf Umhverfisstofnunar er „sjálfhverft“ og afstaða Samtaka ferðaþjónustunnar „ósanngjörn“. Tékkneska stórfyrirtækið EP Power Minerals lætur stofnanir og aðra umsagnaraðila fá það óþvegið.
Kjarninn 26. nóvember 2022
Ekki í forgangi hjá Landsvirkjun að selja raforku til vinnslu hrávöru
Orkufyrirtækin segja eftirspurn eftir raforku gríðarlega og að forgangsraða þurfi samtölum við áhugasama kaupendur. Lítil umframorka sé í kerfinu ólíkt því sem talsmaður sementsrisans Heidelberg Materials hélt fram á íbúafundi á dögunum.
Kjarninn 26. nóvember 2022
Elon Musk, eigandi Twitter og ríkasti maður í heimi.
Musk veitir brottrækum á Twitter „almenna sakaruppgjöf“
Eigandi Twitter hefur boðið fyrrverandi Bandaríkjaforseta og fleiri brottræka velkomna aftur á samfélagsmiðilinn. Ákvörðunina byggði hann, að hluta til, á skoðanakönnun á eigin prófíl.
Kjarninn 25. nóvember 2022
Andrés Ingi Jónsson, þingmaður Pírata, spurði dómsmálaráðherra um nagladekk.
Fleiri sektaðir fyrir nagladekkjanotkun utan leyfilegs tímabils í ár en fjögur árin á undan
Ekki er ljóst á hvaða lagaheimild það er byggt að sekta ekki fyrir notkun nagladekkja fyrstu vikurnar eftir að bann við notkuninni tekur gildi ár hvert. Þrjár af hverjum fjórum sektum í ár hafa verið gefnar út á höfuðborgarsvæðinu.
Kjarninn 25. nóvember 2022
Verið getur að tugþúsundir laxa hafi sloppið úr kvíum Arnarlax síðasta sumar.
Arnarlax getur ekki gert grein fyrir afdrifum tugþúsunda laxa – „Vítavert aðgæsluleysi“
Matvælastofnun hefur lagt stjórnvaldssekt á laxeldisfyrirtækið Arnarlax upp á 120 milljónir króna fyrir að hafa brotið gegn skyldu um að tilkynna um strok á fiski og beita sér fyrir veiðum á strokfiski.
Kjarninn 25. nóvember 2022
Jeffrey Epstein.
Þolendur Jeffrey Epstein höfða mál gegn Deutsche Bank og JPMorgan
Viðskiptabankar Jeffrey Epstein hunsuðu „rauð flögg“ og gerðu honum kleift að stunda mansal og brjóta á fjölda kvenna. Þetta er rökstuðningur kvenna sem ætla í mál við tvo banka vestanhafs.
Kjarninn 25. nóvember 2022
Ragnar Þór Ingólfsson er formaður VR.
Formaður VR segist hafa verið niðurlægður þrisvar á sólarhring og sleit því viðræðum
VR er búið að slíta viðræðum um gerð kjarasamnings. Tilboð sem félagið fékk frá Samtökum atvinnulífsins í gærkvöldi um 14 mánaða samning var kornið sem fyllti mælin. Yfirlýsingar seðlabankastjóra og Bjarna Benediktssonar skiptu einnig sköpum.
Kjarninn 25. nóvember 2022
Meira úr sama flokkiInnlent