Atli Fannar Bjarka­son, rist­jóri Nútím­ans, er vef­hetja árs­ins 2015 á Nexpo verð­laun­unum sem haldin var í kvöld. Verð­launin voru veitt í Bíó Para­dís við hátíð­lega athöfn. Vef- og mark­aðs­fólk var í fyr­ir­rúmi á Nexpo í ár, en því til við­bótar var lögð sér­stök áhersla á nýsköpun á Íslandi.

Að því til­efni voru veitt verð­laun í tveimur nýjum verð­launa­flokk­um. Sprota­fyr­ir­tæki árs­ins var valið og besti mark­aðsár­angur sprota­fyr­ir­tækis sömu­leið­is. QuizUp-­fyr­ir­tækið Plain Vanilla vann í flokk­unum sprota­fyr­ir­tæki árs­ins og Meniga í flokknum besti mark­aðsár­angur sprota­fyr­ir­tæk­is.

Les­endum Kjarn­ans gafst kostur á að kjósa um fimm til­nefn­ing­ar í átta flokkum hér á vefnum í lið­inni viku. Áður hafði net­verjum gef­ist kostur á að til­nefna þá sem þeim þótti skara framúr á liðnu ári. Sér­stök dóm­nefnd tók þá við til­nefn­ing­unum og valdi þá fimm sem þóttu eiga verð­launin skil­ið.

Verð­launa­hafar Nexpo 2015

App árs­ins er Strætó appið frá Strætó BS. Gamla appið var ræki­lega tekið í gegn og útlitið bætt, en helsta við­bótin var greiðslu­mögu­leiki í app­inu. Not­endur þurfa ekki lengur að vera með klink eða strætómiða og geta því nýtt snjall­sím­ann til þess að greiða far­gjöld.

Vefur árs­ins er Blær.is. Vef­ur­inn þykir ein­stak­lega vel hann­aður og nýtir nútíma­tækni til þess að birta áhuga­vert efni. Blær virkar á öllum tækjum án þess að efnið líði fyrir það.

Her­ferð árs­ins er Heim um jólin frá Icelanda­ir, þar sem spilað var á til­finn­ingar áhorf­enda. Ekki var annað hægt en að tár­ast örlítið und­ir­ ­lok aug­lýs­ing­ar­inn­ar.

Verð­laun fyrir staf­rænt mark­aðs­starf árs­ins fékk Nova fyrir Nova Snap. Notkun Nova á nýmiðl­inum Snapchat þykir ein­stak­lega frum­leg­ur, en þar sáu þjóð­kunnir ein­stak­lingar um að skemmta lands­mönnum í stuttum 5-10 sek­úndna mynd­brot­um.

Óhefð­bunda aug­lýs­ing árs­ins er Örugg borg  frá UN Women á Íslandi. Augýs­ingin sýndi óhugna­legan raun­veru­leika byggðan á reynslu­sögum kvenna um allan heim á nýstár­legan hátt, þar sem áhorf­endur upp­lifðu tvær hliðar sam­tímis með því að tengja snjall­sím­ann við mynd­band­ið.

Plain Vanilla vann í flokk­in­um sprota­fyr­ir­tæki árs­ins. Plain Vanilla hefur farið sigu­för um heim­inn með ávana­bind­andi app­inu QuizUp og hefur verið í sam­starfi við fyr­ir­tæki eins og Coca-Cola í kringum HM í fót­bolta og HBO í tengslum við Game of Thro­nes.

Dóm­nefndin valdi svo Meniga fyrir besta mark­aðsár­angur sprota­fyr­ir­tæk­is. Meniga bætti nýju appi í þjón­ustuflóru sína á árinu og þar sem not­and­inn getur fundið betri kjör í nágrenni sínu.