Nýjasta ein­tak franska skop­mynda­blaðs­ins Charlie Hebdo kom úr prentun í morgun og er nú til sölu víða um heim. Á for­síð­unni er, eins og við var búist, skop­mynd af Múhameð spá­manni þar sem hann heldur á skilti með fra­s­anum „Je suis Charlie" (Ég er Charlie). Fyrir ofan mynd­ina stendur „Tout est pardonné" (allt er fyr­ir­gef­ið).

Ren­ald Luzi­er, skop­mynda­teikn­ar­inn sem teikn­aði for­síð­una, sést hér að neðan tár­votur útskýra hvernig hún varð til.

Blaðið er gefið út í þremur millj­ónum ein­taka, en venju­legt upp­lag þess er 60 þús­und ein­tök. Það er einnig gefið út á sex tungu­mál­um. Blöð voru prentuð á frönsku, ítölsku og tyrk­nesku auk þess sem útgáfur á ensku, spænsku og arab­ísku er að finna á net­inu.

Nýtt mynd­band af Kou­achi-bræðr­unum

Hryðju­verka­árás­irnar sem framdar í París í síð­ustu viku eru þær mann­skæð­ustu sem  hafa átt sér stað í Frakk­landi frá árinu 1961, en þá stóð Alsírska stríðið yfir. Árás­irnar hófust á mið­viku­dag, fyrir einni viku síð­an, þegar ráð­ist var inn í höf­uð­stöðvar skop­mynda­rits­ins Charlie Hebdo. Þar voru tveir lög­reglu­menn og tíu starfs­menn blaðs­ins myrt­ir. Árás­ar­menn­irnir voru tveir bræð­ur, Said Kou­achi og Cherif Kou­achi. Þeir réð­ust sér­stak­lega á blað­ið, og ákveðna starfs­menn þess, vegna teikn­inga sem það hafði birt af Múhammeð spá­manni.

Charlie Hebdo var gefið út í þremur millj­ónum ein­taka í dag og á sex tungu­mál­u­m.

Á fimmtu­dag myrt­i A­me­dy Couli­ba­ly, sem sagð­ist vera vit­orðs­maður bræðranna, lög­reglu­konu í Par­ís.

Bræð­urnir voru báðir drepnir í áhlaupi lög­reglu síð­degis á föstu­dag. Þeir höfðu þá tekið gísl og héld­ust við í lít­illi prent­smiðju rétt utan Par­ís­ar. Sam­tímis var ráð­ist inn í verslun í aust­ur­hluta Par­ís­ar, sem rekin er af gyð­ing­um, þar sem önnur gísla­taka var í gangi. Þar hafði Amedy Couli­baly tekið minnst sex gísla. Couli­baly hafði hótað að myrða gísla sína ef reynt yrði að hand­sama Kou­achi bræð­ur. Couli­baly var drep­inn í áhlaupi lög­reglu en hann hafði áður drepið fjóra gísla.

Í gær­kvöldi birtu fjöl­margar frétta­stofur víða um heim nýtt mynd­band af Kou­achi bræðr­unum á meðan að á árásinni á Charlie Hebdo stóð.

https://www.youtu­be.com/watch?v=a7K­pex8O9QE