Barack Obama Banda­ríkja­for­seti hefur beðið banda­ríska þingið um sam­þykki fyrir hern­að­ar­að­gerðum gegn Íslamska rík­inu. Þetta er í fyrsta sinn frá því að þingið kaus um Íraks­stríðið árið 2002 sem þingið er beðið um sam­þykki fyrir hern­að­ar­að­gerð­um.

Sam­kvæmt til­lög­unni eru ekki tak­mörk á því hvar hægt væri að ráð­ast gegn Íslamska rík­inu en ekki væri hægt að ráð­ast í lang­tíma­að­gerð­ir, heldur er til­lagan tak­mörkuð við þriggja ára aðgerð­ir. Sam­kvæmt frétt New York Times um málið stendur til að forð­ast inn­rás og her­nám, en hægt væri að ráð­ast í „tak­mark­aðan land­hern­að“ til við­bótar við loft­árás­ir, sem Banda­ríkin hófu gegn Íslamska rík­inu í fyrra.

Hér má lesa til­lögu Obama. 

Obama sendi þing­inu bréf ásamt til­lög­unni þar sem fram kemur að hann hafi oft lýst yfir vilja sínum til að vinna með þing­inu til að koma í gegn máli af þessu tagi með stuðn­ingi þvert á flokka. Hann sagði að til­lagan sem hann hefur nú sent heim­ili ekki stór­tækar aðgerðir eða aðgerðir til langs tíma eins og ráð­ist var í í Írak og Afganistan, en að heim­ild þings­ins myndi veita sveigj­an­leika til þess að ráð­ast í björg­un­ar­að­gerðir og sér­tækar árás­ir.

Þessi frétt er í vinnslu.