Óboðlegt að láta eins og forseti Alþingis hafi „húsbóndavald yfir ríkisendurskoðanda“

„Hér hefur verið sett hættulegt fordæmi og bara ég mótmæli þessu,“ sagði þingmaður Samfylkingar á þingi í dag þegar hann ræddi skipan ráðuneytisstjóra í nýju menningar- og viðskiptaráðuneyti Lilju Alfreðsdóttur.

Jóhann Páll Jóhannsson þingmaður Samfylkingarinnar.
Jóhann Páll Jóhannsson þingmaður Samfylkingarinnar.
Auglýsing

Jóhann Páll Jóhanns­son þing­maður Sam­fylk­ing­ar­innar gerði skipan rík­is­end­ur­skoð­anda í emb­ætti ráðu­neyt­is­stjóra nýs menn­ing­­ar- og við­­skipta­ráðu­­neytis að umtals­efni undir liðnum störf þings­ins á Alþingi í dag.

Kjarn­inn greindi frá því í síð­ustu viku að Skúli Egg­ert Þórð­­ar­­son, sem verið hefur rík­­is­end­­ur­­skoð­andi frá árinu 2018, hefði verið skip­aður ráðu­­neyt­is­­stjóri nýs ráðu­neytis Lilju Alfreðs­dóttur menn­ing­ar- og við­skipta­ráð­herra.

Þing­mað­ur­inn sagði í ræðu sinni að nýlega hefði þing­mönnum verið til­kynnt að for­seti Alþingis hefði fall­ist á beiðni menn­ing­ar­ráð­herra um að rík­is­end­ur­skoð­andi yrði fluttur yfir í nýtt ráðu­neyti og skip­aður ráðu­neyt­is­stjóri.

Auglýsing

Þetta hefði verið gert, sam­kvæmt til­kynn­ingu á vef Alþing­is, á grund­velli 36. greinar laga um rétt­indi og skyldur starfs­manna rík­is­ins, en sam­kvæmt ákvæð­inu „getur stjórn­vald, sem skipað hefur mann í emb­ætti, sam­þykkt að hann flytj­ist í annað emb­ætti er lýtur öðru stjórn­valdi, enda óski það stjórn­vald eftir því“.

„Ef við skoðum nú aðeins grein­ar­gerð­ina frá því að starfs­manna­lög voru sett þá kemur þar skýrt fram að ákvæðið snýst um heim­ildir ráð­herra – að heim­ilt sé að flytja mann úr einu emb­ætti í annað þótt emb­ættin heyri undir tvo ráð­herra. Tvo ráð­herra. Þetta skiptir máli.

Því við skulum hafa það alveg á hreinu að rík­is­end­ur­skoðun er ekki hluti af fram­kvæmda­vald­inu og rík­is­end­ur­skoð­andi heyrir ekki undir neinn ráð­herra – þetta er sjálf­stæð eft­ir­lits­stofnun sem starfar á vegum Alþingis rétt eins og umboðs­maður Alþing­is,“ sagði þing­mað­ur­inn.

Skað­legt að beita lög­unum með þessum hætti

Jóhann Páll hélt því fram að með „þessum gjörn­ingi“ væri verið að mis­beita 36. grein starfs­manna­laga. „Það myndi engum detta það í hug að ráð­herra gæti til dæmis teygt sig yfir á svið dóms­valds­ins og sótt sér þangað dóm­ara og fært yfir í ráðu­neytið sitt, en lögin gera heldur ekki ráð fyrir að ráð­herra teygi sig yfir á svið lög­gjaf­ar­valds­ins og eft­ir­lits­stofn­ana þess og sæki sér þangað emb­ætt­is­mann.“

Hann sagði enn fremur að það væri skað­legt að beita lög­unum með þessum hætti og óboð­legt að láta eins og for­seti Alþingis hefði eitt­hvert hús­bónda­vald yfir rík­is­end­ur­skoð­anda, að for­seti „féllist á“ flutn­ing hans yfir til ráðu­neyt­is.

„Rík­is­end­ur­skoð­andi er sjálf­stæður í sínum störf­um, hann er trún­að­ar­maður Alþingis – alls Alþingis – hann er kos­inn af Alþingi og honum verður ekki vikið úr starfi nema með sam­þykki Alþing­is.

Hér hefur verið sett hættu­legt for­dæmi og bara ég mót­mæli þessu. Þetta stríðir gegn þrí­skipt­ingu rík­is­valds, þetta er virð­ing­ar­leysi gagn­vart Alþingi og gagn­vart þeim eft­ir­lits­stofn­unum sem starfa á vegum Alþing­is. Og við hér í þessum sal getum ekki setið þegj­andi undir þessu. Við getum það ekki. Við verðum að taka þetta til skoð­un­ar,“ sagði hann að lok­um.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Áfengi spilar afar stjórt hlutverk í danskri unglingamenningu.
Danskir menntaskólar endurhugsi drykkjumenninguna
Danska heilbrigðisstofnunin hefur sent menntaskólum landsins bréf þar sem óskað er eftir því að hætt verði að gera áfengi hátt undir höfði á viðburðum á vegum skólanna.
Kjarninn 14. ágúst 2022
Vilja gera óperuna aðgengilega fyrir Íslendinga
Kammeróperan ætlar að flytja meistarverkið Così fan tutte eftir Mozart íslensku á óperukvöldverði í Iðnó. Safnað er fyrir verkefninu á Karolina fund.
Kjarninn 14. ágúst 2022
Korn frá Úkraínu loks á leið til Afríku á barmi hungursneyðar
Flutningaskip á vegum Sameinuðu þjóðanna er á leið til Afríku með fullan farm af korni frá Úkraínu. Um er að ræða fyrstu kornflutninga frá Úkraínu til Afríku síðan Rússland réðst inn í Úkraínu.
Kjarninn 14. ágúst 2022
Vindmyllurnar sem yrðu notaðar í vindorkuverið í Hvalfirði yrðu um 250 metrar á hæð. Þær yrðu á fjalli sem er 647 metrar á hæð og því sjást mjög víða að.
Vindorkuverið hefði „veruleg áhrif á ásýnd“ Hvalfjarðar og nágrennis
Hvalfjörður er þekktur fyrir fjölbreytt og fallegt landslag. Stofnanir segja „mjög vandasamt“ að skipuleggja svo stórt inngrip sem vindorkuver er á slíku svæði og að það yrði „mikil áskorun“ að ná sátt um byggingu þess.
Kjarninn 14. ágúst 2022
Mikið var látið með HBO Max þegar streymisþjónustan var kynnt til leiks vorið 2020 og hún auglýst gríðarlega.
Bylting á HBO Max veldur því að veitan kemur seinna til Íslands og efnisframboð minnkar
Bið Íslendinga eftir HBO Max mun lengjast um rúm tvö ár. Ástæðan er sameining móðurfélags HBO við fjölmiðlarisann Discovery. Ný stjórn er í brúnni og allt virðist vera gert til að spara pening.
Kjarninn 14. ágúst 2022
Kristjanía er eins konar undraland í miðri Kaupmannahöfn.
Kristjaníubúar fá tilboð
Danska ríkið hefur gert íbúum Kristjaníu tilboð sem felur í sér umtalsverðar breytingar frá núverandi skipulagi. Íbúum „fríríkisins“ myndi fjölga talsvert ef breytingarnar ganga eftir. Samningaviðræður milli íbúanna og ríkisins standa yfir.
Kjarninn 14. ágúst 2022
Fjármálaeftirlit Seðlabanka Íslands birti samkomulag um sátt við FX Iceland í liðinni viku.
Fékk 2,7 milljóna króna sekt fyrir margháttuð og alvarleg brot á peningaþvættislögum
Annmarkar voru á flestum þáttum starfsemi gjaldeyrisskiptamiðstöðvar sem hóf starfsemi snemma árs 2020. Fyrirtækið stundaði meðal annars áfram viðskipti við aðila eftir að peningaþvættiseftirlitið hafði sent tilkynningu um grunsamleg viðskipti þeirra.
Kjarninn 13. ágúst 2022
Um er að ræða enn eitt skrefið í margþættri rannsókn á tilraunum Trump til þess að halda völdum.
Geymdi háleynileg gögn heima hjá sér
Meðal þess sem alríkislögreglan lagði hald á í húsleit á heimili Donalds Trump voru háleynileg gögn sem ekki má opna nema undir öryggisgæslu innan ríkisstofnana Bandaríkjanna.
Kjarninn 13. ágúst 2022
Meira úr sama flokkiInnlent