Alþing­is­mað­ur­inn Ótt­arr Proppé er einn í fram­boði til for­manns Bjartrar fram­tíðar á árs­fundi flokks­ins sem fram fer í dag. Áður hafði Guð­laug Krist­jáns­dótt­ir, for­seti bæj­ar­stjórnar í Hafn­ar­firði og sveita­stjórn­ar­full­trúi flokks­ins þar, til­kynnt um fram­boð til for­ystu­starfa fyrir flokk­inn, meðal ann­ars í emb­ætti for­manns. Sam­kvæmt frétt sem birt­ist á heima­síðu Bjartrar fram­tíðar fyrir skemmstu kemur hins vegar fram að Guð­laug sæk­ist nú ein­vörð­ungu eftir emb­ætti stjórn­ar­for­manns flokks­ins. Það gera Bryn­hildur S. Björns­dóttir (gjald­keri og vara­þing­maður Bjartrar fram­tíð­ar), Preben Pét­urs­son (vara­þing­maður Bjartrar fram­tíð­ar) og Matth­ías Freyr Matth­í­as­son.

Ótt­arr tekur við for­mennsku af Guð­mundi Stein­gríms­syni, sem er ekki í fram­boði á fund­in­um. Bryn­hildur Pét­urs­dóttir verður nýr þing­flokks­for­maður Bjartrar fram­tíð­ar. Um það var tekin ákvörðun á þing­flokks­fundi í gær. Hún tekur við af Róberti Mars­hall.

Kosið verður um for­mann og stjórn­ar­for­mann Bjartrar fram­tíðar klukkan 14:30 í dag. Úrslit verða kynnt klukkan 16:50 og hægt er að horfa á beint streymi frá fund­inum hér að neð­an.

https://www.youtu­be.com/watch?v=J9YtX6vqIHc

 

Ótt­arr Proppé til­kynnti um fram­boð sitt til for­manns 28. ágúst síð­ast­lið­inn með stöðu­upp­færslu á Face­book.

 

Nokkur ólga hefur verið innan Bjartrar fram­tíðar und­an­farin miss­eri, og gagn­rýndi Heiða Kristín Helga­dótt­ir, fyrrum stjórn­ar­for­maður flokks­ins, Guð­mund Stein­gríms­son, for­mann hans, vegna slæmrar stöðu flokks­ins í við­tali við Kjarn­ann, en flokk­ur­inn mælist nú með aðeins fjög­urra pró­senta fylg­i. Miðað við það fylgi myndi Björt fram­tíð ekki ná inn manni í kom­andi kosn­ing­um. ­Flokk­ur­inn mæld­ist með um 20 pró­sent fylgi í könn­unum  í fyrra­haust.

Í kjöl­far gagn­rýni sinnar á Guð­mund sagð­ist Heiða Kristín opin fyrir því að sækj­ast eftir for­manns­emb­ætt­inu ef vilji væri fyrir því hjá flokks­mönn­um. Guð­mund­ur til­kynnti í kjöl­far­ið að hann hefði engan áhuga á for­manns­slag og myndi leggja fram til­lögu um að æðstu emb­ætti flokks­ins myndu róter­ast. Þá til­lögu ætlar hann ennþá að leggja fram á árs­fundi Bjartrar fram­tíðar í byrjun sept­em­ber. Verði sú til­laga sam­þykkt mun starf for­manns og þing­flokks­for­manns róter­ast á milli sex þing­manna Bjartrar fram­tíðar en aðrir gegna starfi stjórn­ar­for­manns. Guð­mundur hefur nú ákveðið að leggja til­lög­una ekki fram til atkvæða­greiðslu á árs­fund­inum heldur að vísa henni til nýrrar laga­nefndar flokks­ins til umfjöll­un­ar.

Skömmu áður hafð­i Guð­mundur greint frá því að hann ætli að hætta sem for­maður Bjartrar fram­tíðar á árs­fund­in­um. Róbert Mars­hall mun einnig segja af sér sem þing­flokks­for­maður flokks­ins.

Heiða Kristín til­kynnti svo þann 26. ágúst að hún ætli ekki að bjóða sig fram til for­manns flokks­ins. Í bréfi til flokks­manna, sem hún birti einnig á Twitt­er og Face­book, kom fram að breyt­ing­arnar sem flokk­ur­inn sé að ganga í gegnum snú­ist ekki um hana eða hennar metnað heldur um það að flokk­ur­inn geti end­ur­vakið áhuga kjós­enda og fundið neist­ann sem til þarf til að hrífa aðra með.

„Metn­aður minn liggur í því að leggja því verk­efni lið og ég met stöð­una þannig að það verði best gert með því að ég taki sæti á Alþingi í haust í fæð­ing­ar­or­lofi Bjartar Ólafs­dóttur og veiti nýrri for­ystu stuðn­ing til góðra verka. Þar vil ég sjá konu fremsta meðal jafn­ingja.“ Hún sagði einnig að sá dagur kunni að koma að hún bjóði sig fram til for­ystu, en sá tíma­punktur sé ekki núna.