Ótt­arr Proppé, þing­maður Bjartrar fram­tíð­ar, er til­bú­inn að taka að sér for­ystu­störf í flokknum verði hann kall­aður til þess. Guð­laug Krist­jáns­dótt­ir, for­seti bæj­ar­stjórnar í Hafn­ar­firði, seg­ist einnig vera reiðu­búin til að verða for­maður flokks­ins. Þetta kemur fram í Morg­un­blað­inu í dag. 

Í Frétta­blað­inu seg­ist Óttar þó ekki hafa per­sónu­legan metnað fyrir því að verða for­maður þótt hann sé opinn fyrir því að "taka ábyrgð á Bjartri fram­tíð". Þar er einnig rætt við Bryn­hildi Pét­urs­dótt­ur, þing­mann Bjartrar fram­tíð­ar, sem seg­ist ekki vera búin að ákveða hvort hún sæk­ist eftir for­mennsku en neiti því ekki að það hafi verið rætt.

Það bæt­ast þar með í hóp með Heiðu Krist­ínu Helga­dótt­ur, ann­ars stofn­anda Bjartrar fram­tíðar og vara­for­manns flokks­ins, sem hugsar það nú stíft að bjóða sig fram til for­manns.

Greint var frá því um helg­ina að Guð­mundur Stein­gríms­son þing­maður muni hætta sem for­maður Bjartrar fram­tíðar þann 5. sept­em­ber næst­kom­andi þegar árs­fundur flokks­ins verður hald­inn í Reykja­vík. Róbert Mars­hall mun einnig segja af sér sem þing­flokks­for­maður flokks­ins. Er þetta sam­eig­in­leg ákvörðun þeirra og vilja þeir með þessu veita öðrum svig­rúm til að stýra flokkn­um.

Síð­ast­lið­inn fimmtu­dag hélt flokk­ur­inn fund þar sem staða flokks­ins var rædd. Um sjö­tíu manns mættu á fund­inn og þar til­kynnti Guð­mundur að hann myndi ekki bjóða fram krafta sína áfram sem for­maður flokks­ins.

Gagn­rýni Heiðu Krist­ínar setti allt af stað

Nokkur óánægja hefur verið með gang mála innan Bjartrar fram­tíðar und­an­farin miss­eri, og gagn­rýndi Heiða Kristín Helga­dótt­ir, sem áður var í for­ystu flokks­ins, Guð­mund for­mann ­vegna slæmrar stöðu flokks­ins í við­tali við Kjarn­ann, en flokk­ur­inn mælist nú með aðeins 4,4 pró­sent fylgi.

Miðað við það fylgi myndi Björt fram­tíð ekki ná inn manni í kom­andi kosn­ing­um. ­Flokk­ur­inn mæld­ist með um 20 pró­sent fylgi í könn­unum  í fyrra­haust.

Í kjöl­far gagn­rýni sinnar á Guð­mund sagð­ist Heiða Kristín opin fyrir því að sækj­ast eftir for­manns­emb­ætt­inu ef vilji væri fyrir því hjá flokks­mönn­um. Guð­mundur til­kynnti í byrjun síð­ustu viku að hann hefði engan áhuga á for­manns­slag og myndi leggja fram til­lögu um að æðstu emb­ætti flokks­ins myndu róter­ast. Þá til­lögu ætlar hann að leggja fram á árs­fundi Bjartrar fram­tíðar í byrjun sept­em­ber. Verði sú til­laga sam­þykkt mun starf for­manns og þing­flokks­for­manns róter­ast á milli sex þing­manna Bjartrar fram­tíðar en aðrir gegna starfi stjórn­ar­for­manns.

Heiða Krist­ín til­kynnti síðan um helg­ina að hún ætli sér að taka sæt­i ­Bjartar Ólafs­dóttur þing­manns sem er komin í fæð­ing­ar­or­lof. Hún tók þá ákvörðun í kjöl­far þess að Guð­mundur ákvað að stíga til hlið­ar. Heiða Kristin hugsar það nú stíft að bjóða sig fram til for­manns.