Það var merki­legt að sjá það í tíu fréttum RÚV í gær­kvöldi, að dagar Íbúða­lána­sjóðs (ÍLS) gætu brátt verið tald­ir, ef EFTA felst á það með Sam­tökum fjár­mála­fyr­ir­tækja (SFF) að ÍLS eigi ekki að vera í sam­keppni við banka og spari­sjóði á einka­mark­aði. Spurn­ingin sem vakn­ar, er ein­fald­lega þessi: Hvað telst vera einka­mark­aður þegar kemur að fjár­mála­mark­aðn­um? Ríkið er ekki ein­ungis eig­andi ÍLS heldur á einnig Lands­bank­ann, og eign­ar­hluti í Íslands­banka, ­Arion banka og spari­sjóðum sömu­leið­is. Svo er það stóra atriðið sjálft, að í gildi er ennþá yfir­lýs­ing stjórn­valda um ábyrgð á inn­stæðum hjá bönk­un­um. Það liggur líka fyr­ir, að ríkið mun stíga inn í og bera ábyrgð á inn­stæðum í bönkum eftir bank­arnir lenda í vand­ræð­um. For­dæmið fyrir því er þegar komið fram. Er til eitt­hvað sem getur með réttu kall­ast einka­mark­að­ur­inn þegar kemur að banka­kerf­inu? Þegar stórt er spurt, er leitað til EFTA um svör. Það verður spenn­andi að sjá útkom­una...

Pæl­ing dags­ins er hluti af dag­legum frétta­pósti Kjarn­ans, þar sem farið er yfir það helsta í inn­lendum og erlendum frétt­um. Í pæl­ingu dags­ins er athygl­is­verðum hlutum velt upp.

Frétta­póstur Kjarn­ans kemur í póst­hólfið þitt á hverjum morgni.