Her­toga­hjón­unum af Cambridge, Vil­hjálmi prins og Katrínu Midd­leton, fædd­ist dóttir í morg­un. Fæð­ing barns­ins er aðal­frétt fjöl­miðla víða um heim, en greint var frá því í morgun að hjónin hefðu farið á fæð­ing­ar­deild­ina á St. Mar­y´s spít­ala í London klukkan sex í morg­un, fimm að íslenskum tíma. Barnið fædd­ist svo um 8:30 í morgun að breskum tíma.

Svona var til­kynnt um fæð­ingu barns­ins í morg­un.

Það er ýmis­legt fleira en stærð barns­ins og það hvenær fjöl­skyldan fer heim af spít­al­anum sem rætt er um í Bret­landi í dag. Þar hefur verið hægt að veðja svo mán­uðum skiptir um það hvort barnið yrði stelpa eða strák­ur, og tals­maður veð­fyr­ir­tæk­is­ins William Hill sagði í morgun að margir hefðu veðjað á síð­ustu klukku­stund­un­um, eftir að til­kynnt var að von væri á barn­inu.

Síð­ast þegar hjón­unum fædd­ist barn varð mikil aukn­ing í veð­málum eftir fæð­ing­una, og þá um það hvað barnið myndi heita. Búist er við því að það verði sama sagan núna. Mestu lík­urnar eru nú taldar á því að stúlkan verði skírð Charlotte, en lengi vel var Alice talið lík­leg­ast.

Þá er hægt að veðja um ýmis­legt ann­að, eins og það hver mun halda á barn­inu þegar hjónin yfir­gefa spít­al­ann og það hver lit­ur­inn á kjól her­toga­ynj­unnar verð­ur.

Her­e's the BT Tower in central London htt­p://t.co/wHYs­d­Wm­hPQ #Royal­Baby pic.twitt­er.com/sa­JU­am0rZZ

— BBC News (UK) (@BBC­News) May 2, 2015

Af hverju eru ekki öll börn fædd jöfn?

Ekki eru þó allir jafn ánægðir með fæð­ingu prinsessunnar og þá athygli sem hún hefur vak­ið. ­Sam­tökin Repu­blic, eða lýð­veldi, berj­ast fyrir afnámi kon­ungs­veld­is­ins. Þau hafa sent frá sér yfir­lýs­ingu um fæð­ingu barns­ins þar sem gagn­rýnt er hversu mikla athygli fæð­ing barns­ins hlýt­ur. Fjöl­miðlar eru sér­stak­lega gagn­rýnd­ir.

Gra­ham Smith, leið­togi sam­tak­anna seg­ir: „Þetta eru kannski frétt­ir, en þetta eru ekki stórar frétt­ir, þetta eru ekki aðal­frétt­irnar og þetta eru ekki þær fréttir sem flest fólk hefur áhuga á, nema fyrir for­vitn­issakir í stutta stund.“ Nú væru afskap­lega mik­il­vægar kosn­ingar á næsta leyti og þá væru ýmis­legt í gangi ann­ars staðar í heim­in­um, og það að eyða meiru en 30 sek­úndum í fréttir af fæð­ingu prinsessunnar væru mjög yfir­drifin við­brögð.

„Af hverju er þetta barn að fara að verða þjóð­höfð­ingi? Af hverju eru ekki öll börn fædd jöfn? Hvað segir þessi fæð­ing um rétt­indi kon­ung­bor­inna barna og allra ann­arra barna? Um 2.200 börn fæð­ast á hverjum degi í Bret­landi - setjum þetta nú í sam­hengi og ein­beitum okkur að alvar­legu vanda­mál­unum sem erfða­réttur og for­rétt­indi eru.“

Hér fyrir neðan má fylgj­ast með beinni útsend­ingu Sky News.

https://yout­u.be/sw4hmqVPe0E