Vladímir Pútín, for­seti Rúss­lands, segir rúss­neska auð­kýf­inga, sem eiga miklar pen­inga­legar eignir utan Rúss­lands, þurfa að  koma aftur með féð heim til Rúss­lands. Landið sé í vanda statt efna­hags­lega og þurfi á pen­ing­unum að halda.  Gaf hann til kynna að ann­ar­s yrðu sjóðir þeirra er­­lend­is fryst­ir, en þetta kom fram á fundi í Moskvu í dag.

Pútín skír­­skot­aði til refsi­að­gerða Banda­­ríkj­anna og ríkja Evr­­ópu­­sam­­bands­ins (ESB) gegn Rúss­landi, vegna hern­að­ar­að­gerða Rúss­lands í Úkra­ínu, og sagði að auð­kýf­ing­arnir gætu lítið notað fjár­magnið ef þeir kæm ekki heim með það.

Pen­inga­flótti mik­ill hef­ur verið frá Rúss­landi og fóru meira en 1.500 millj­arða Banda­ríkja­dala, fá land­inu í fyrra. Í des­em­ber sl. bauð Pútín auð­mönn­um frið­helgi sem fól í sér að þeir sem sneru með pen­inga til baka til Rús­s­lands þyrftu eng­um spurn­ing­um að svara gagn­vart skatt­in­um eða öðrum yf­ir­völd­­um.

Rúss­land hefur átt í miklum efna­hags­vanda eftir að verð á olíu tók að lækka. Í júlí í fyrra var það 110 Banda­ríkja­dalir á tunn­una, en í dag er það um 60 Banda­ríkja­dal­ir. Seðla­banki Rúss­lands spáir því að efna­hagur Rúss­lands falli saman um 3,5 til fjögur pró­sent á þessu ári.