Reykjavíkurborg styður brottfall laga um Kristnisjóð

Í umsögn sinni segir borgin það eðlilegt að sveitarfélög hafi sjálfsákvörðunarrétt yfir eigin landsvæði og að gætt sé að jafnræði milli trú- og lífsskoðunarfélaga með brottfalli laga um Kristnisjóð. Biskupsstofa ekki jafn hrifin af brottfalli laganna.

9555631404_e663c5b735_z.jpg
Auglýsing

Engin rök standa til þess að sveit­ar­fé­lögum sé skylt að láta af hendi lóðir án end­ur­gjalds til trú- eða lífs­skoð­un­ar­fé­laga að því er segir í umsögn frá Reykja­vík­ur­borg við frum­varp til laga um brott­fall laga um Kristni­sjóð. „Því er að mati Reykja­vík­ur­borgar rétt að fella brott ákvæði 5. gr. laga um Kristni­sjóð o.fl. til að gæta jafn­ræðis milli trú- og lífs­skoð­un­ar­fé­laga,“ segir í umsögn borg­ar­inn­ar.

Frum­varpið sem um ræðir miðar að því að fella úr gildi lög um Kristni­sjóð en fimmta grein þeirra laga stendur ein eft­ir. Í henni er kveðið á um að sveit­ar­fé­lögum kaup­staða og kaup­túna sé skylt að leggja til ókeypis lóðir undir kirkjur og und­an­skilja þær gatna­gerð­ar­gjaldi.

Reykja­vík­ur­borg hefur á und­an­förnum árum úthlutað fjórum lóðum til trú­fé­laga og ákveðið að ekki þurfi að greiða gatna­gerð­ar­gjald af bygg­ingum umræddra trú­fé­laga. Þessar ákvarð­anir voru teknar á grund­velli jafn­ræð­is­reglu stjórn­ar­skrár­innar en í henni er meðal ann­ars kveðið á um að allir skuli vera jafnir fyrir lögum og njóta mann­rétt­inda án til­lits til trú­ar­bragða.

Auglýsing

Í umsögn­inni er þessi rúma túlkun á lögum um Kristni­sjóð sögð umdeild og að mikið hafi verið rætt hvort að borg­inni hafi verið skylt að und­an­skilja lóðir allra skráðra trú­fé­laga með þeim hætti sem gert var. Þar er einnig sagt eðli­legt að sveit­ar­fé­lög hafi sjálfs­á­kvörð­un­ar­rétt yfir eigin land­svæði. Borgin tekur enn fremur undir þau sjón­ar­mið að engin rök standi til þess að sveit­ar­fé­lögum sé skylt að láta af hendi lóðir án end­ur­gjalds til trú- eða lífs­skoð­un­ar­fé­laga.

Ein­faldasta lausnin sé að fella lögin brott

Lög um Kristni­sjóð byggj­ast á til­lögum presta­kalla­nefndar sem kirkju­mála­ráð­herra skip­aði árið 1965. Í grein­ar­gerð frum­varps­ins segir að þá hafi trú­ar­líf þjóð­ar­innar verið mun eins­leit­ara en nú og að þá hafi ríkt meiri sátt um þátt­töku opin­berra aðila í rekstri trú­fé­laga.

Færð eru rök fyrir því að hægt sé að túlka lög um kirkju­sjóð á fleiri en einn veg í grein­ar­gerð, líkt og dæmi eru um. Sam­kvæmt 62. grein stjórn­ar­skrár nýtur Hin evang­el­íska lút­erska kirkja stöðu þjóð­kirkju á Íslandi og skal ríkið að því leyti styðja hana og vernda. Í stjórn­ar­skránni er einnig kveðið á um að allir skuli vera jafnir fyrir lögum og njóta mann­rétt­inda án til­lits til kyn­ferð­is, trú­ar­bragða, skoð­ana, þjóð­ern­is­upp­runa, kyn­þátt­ar, lit­ar­hátt­ar, efna­hags, ætt­ernis eða stöðu að öðru leyti.

Lögin nefna ekki sér­stak­lega kirkjur þjóð­kirkj­unn­ar, heldur kirkjur almennt. „Því verður ekki í fljótu bragði séð að 5. gr. lag­anna grund­vall­ist á 62. gr. stjórn­ar­skrár­innar sem veitir þjóð­kirkj­unni sér­staka vernd og stuðn­ing. Þetta atriði er þó umdeilt og er það eitt vanda­mál­anna við túlkun ákvæð­is­ins,“ segir í grein­ar­gerð.

Að mati flutn­ings­manna frum­varps­ins eru trú- og lífs­skoð­un­ar­fé­lög í eðli sínu umdeild að því er fram kemur í loka­orðum grein­ar­gerð­ar­inn­ar. Stutt geti verið í hat­urs­fulla orð­ræðu þegar mál þeirra eru til umræðu. Þar er það einnig sagt ótækt að íslensk lög séu þess vald­andi að mis­jafn skiln­ingur á mark­miði og túlkun laga geti valdið nún­ingi milli trú­ar­hópa. Ein­faldasta og skyn­sam­leg­asta lausnin á vand­anum sem fylgir þessum lögum sé því að fella þau á brott að mati flutn­ings­manna frum­varps­ins. Fyrsti flutn­ings­maður frum­varps­ins er Helgi Hrafn Gunn­ars­son þing­maður Pírata.

Bisk­ups­stofa mót­fallin frum­varp­inu

„Óskað er eftir að Alþingi virði það, sem um hefur verið samið og unnið hefur verið eftir af hálfu bæði meiri hluta lög­gjaf­ar­valds og fram­kvæmda­valds ann­ars vegar og kirkj­unnar hins veg­ar, frá gerð við­bót­ar­samn­ings­ins. Því fái frum­varp þetta ekki fram­gang,“ segir í nið­ur­lagi umsagnar Bisk­ups­stofu um frum­varp­ið.

Við­bót­ar­samn­ing­ur­inn sem um ræðir er samn­ingur íslenska rík­is­ins og þjóð­kirkj­unnar sem und­ir­rit­aður var í sept­em­ber árið 2019. Samn­ing­ur­inn felur í sér end­ur­skoðun á sam­komu­lagi frá árinu 1997 um kirkju­jarðir og launa­greiðslur presta og starfs­manna þjóð­kirkj­unn­ar. Mark­mið samn­ings­ins var að ein­falda fram­kvæmd þessa sam­komu­lags og auka sjálf­stæði þjóð­kirkj­unnar í fjár­málum og starfs­manna­málum meðal ann­ars með því að ein­falda lög­gjöf um þjóð­kirkj­una. Í vilja­yf­ir­lýs­ingu samn­ings­að­ila sem fylgir samn­ingum var kveðið á um að annar kafli laga um Kristni­sjóð skyldi felldur úr gildi. Það var gert í júlí 2020 og vilja­yf­ir­lýs­ing­unni þar með fylgt eftir að mati Bisk­ups­stofu.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Víðir Reynisson, Þórólfur Guðnason og Kamilla Rut Jósefsdóttir á upplýsingafundi dagsins.
Aukið bóluefnaframboð mun auka hraða bólusetninga á næstunni
Bóluefni Janssen verður dreift í næstu viku og 16 þúsund skammtar af AstraZeneca bóluefni eru á leiðinni frá Norðmönnum. Óljóst hvernig frumvarp um aðgerðir á landamærum verður endanlega afgreitt að sögn sóttvarnalæknis.
Kjarninn 21. apríl 2021
Skúli Skúlason og félagar hans eru áfram stærstu eigendur Play.
Hluthafalisti Play birtur – Hópur Skúla enn stærsti eigandinn
Í nýjum hluthafahópi flugfélagsins Play er að finna umsvifamikla einkafjárfesta, lífeyrissjóði og fagfjárfestingasjóði. Til stendur að skrá félagið á First North og gefa almenningi tækifæri á að kaupa.
Kjarninn 21. apríl 2021
Jóhannes Stefánsson er handhafi sænsku sjálfbærniverðlaunanna WIN WIN árið 2021.
Jóhannes Stefánsson í hóp með Kofi Annan og Al Gore
Uppljóstrarinn Jóhannes Stefánsson fær tæpar 15 milljónir króna í verðlaunafé fyrir að vinna sænsku sjálfbærniverðlaunin WIN WIN Gothenburg. Heimsþekkt fólk hefur hlotið þessi verðlaun á fyrri árum.
Kjarninn 21. apríl 2021
Peningum á Íslandi er áfram sem áður stýrt af körlum
Áttunda árið í röð framkvæmdi Kjarninn úttekt á því hver kynjahlutföll séu á meðal þeirra sem stýra peningum á Íslandi. Fyrirtækjunum sem úttektin náði til fjölgaði lítillega á milli ára og samsetning þeirra breyttist aðeins.
Kjarninn 21. apríl 2021
Samtal við samfélagið – English
Samtal við samfélagið – English
Tæknivarpið - Apple kynnir skífur fyrir utangátta, nýjan iMac og iPad Pro
Kjarninn 21. apríl 2021
Stefán Jón Hafstein
Óttast um Elliðaárnar
Kjarninn 21. apríl 2021
Sigríður Á. Andersen sagði af sér sem dómsmálaráðherra vegna málsins
Enn ekki upplýst um kostnað ríkislögmanns vegna ólöglegrar skipunar dómara í Landsrétt
Kostnaður ríkissjóðs vegna þess að þáverandi dómsmálaráðherra sinnti ekki rannsóknarreglu stjórnsýslulaga þegar hún lagði fyrir Alþingi lista yfir dómara sem ætti að skipa við Landsrétt var 141 milljónir króna í lok síðasta árs. Hann er enn að aukast.
Kjarninn 21. apríl 2021
Armin Laschet og Annalena Baerbock. Telja má nánast öruggt að annað þeirra verði næsti kanslari Þýskalands.
Armin eða Annalena?
Sextugur karl og fertug kona eru talin þau einu sem möguleika eiga á að taka við af Angelu Merkel og verða næsti kanslari Þýskalands. Græningjar með Önnulenu Baerbock í fararbroddi eru á flugi í skoðanakönnunum.
Kjarninn 20. apríl 2021
Meira úr sama flokkiInnlent