Ríkir Banda­ríkja­menn hafa að und­an­förnu flutt til Púertó Ríkó, eftir að hafa tekið til­boði stjórn­valda í land­inu um að flytja lög­heim­ili sitt til lands­ins. Þar býr fólkið í vellyst­ingum og nýtur skatta­legra fríð­inda. Einn þeirra er Ben Eiler, 38 ára gam­all verð­bréfa­miðl­ari, en í við­tali við Inc.com, seg­ist hann njóta þess að ­búa í land­inu og ekki síst njóta góða veð­urs­ins.

En af hverju að flytja til Púertó Ríkó frá Banda­ríkj­un­um? Ástæðan er meðal ann­ars lægri skattar en í Banda­ríkj­un­um, í bland við ævin­týra­mennsku. Þrátt fyrir að landið hafi búið við efna­hags­legar þreng­ingar í meira en ára­tug, og atvinnu­leysi mælist ríf­lega 13 pró­sent, þá hafa stjórn­völd freistað þess að ná til lands­ins ríku fólki sem er til­búið að stofna til rekstrar og skapa þannig störf. Áætlun var hrint í fram­kvæmd árið 2012 sem mið­aði að því að trekkja að vel stætt fólk, bjóða því góð skatta­leg skil­yrði - þar er lít­inn sem engan tekju­skatt - og von­ast til þess að það hafi góð áhrif á við­skipt­in.

Að minnsta kosti 250 manns hafa flutt til Púerto Ríkó frá Banda­ríkj­unum síðan áætl­un­inni var hrint í fram­kvæmd, og hafa við­skipti sem tengj­ast þessum hópi numið allt að 200 millj­ónum Banda­ríkja­dala, eða sem nemur um 26 millj­örðum króna, að því er fram kemur í umfjöllun Inc.com.

Púertó Ríkó er sér­stakt sam­bands­svæði Banda­ríkj­anna, stað­sett austan við Dóminíska lýð­veldið og vestan við Jóm­frúa­eyjar í norð­aust­ur­hluta Karí­ba­hafs. Íbúum hefur fækkað þar um fimm pró­sent frá árinu 2010, en í byrjun árs í fyrra voru íbú­arnir 3,5 millj­ónir manna.