„Frek­ari gagna­öflun ákæru­valds­ins eftir útgáfu ákærunnar leiddi til þess að ekki er unnt að úti­loka að í meiri hluta til­vika hafi upp­flett­ing­arnar tengst starfi ákærða. Ákæru­valdið taldi málið því ekki lengur lík­legt til sak­fellis hvað þennan ákæru­lið varð­ar.“

Svo hljóðar yfir­lýs­ing frá Rík­is­sak­sókn­ara vegna ákvörð­unar emb­ætt­is­ins um að falla frá veiga­mesta ákæru­liðnum í máli á hendur lög­reglu­mann­inum Gunn­ari Schev­ing Thor­steins­syni sem sak­aður var um að hafa flett upp nöfnum 45 kvenna í mála­skrá lög­regl­unnar í heim­ilda­leysi. Um er að ræða LÖKE-­málið svo­kall­aða sem var tölu­vert til umfjöll­unar í fjöl­miðlum á sínum tíma. Kjarn­inn greindi fyrstur frá ákvörðun Rík­is­sak­sókn­ara í dag.

Gunnar hefur ávallt haldið fram sak­leysi sínu og lög­maður hans Garðar Steinn Ólafs­son hefur gagn­rýnt lög­regl­una á Suð­ur­nesjum harð­lega fyrir með­ferð ­máls­ins og sakað emb­ættið um að hafa van­rækt rann­sókn þess. Sig­ríður Björk Guð­jóns­dóttir var þá lög­reglu­stjóri á Suð­ur­nesjum en for­ræði rann­sókn­ar­innar var í höndum Öldu Hrannar Jóhanns­dótt­ur, þáver­andi aðstoð­ar­lög­reglu­stjóra á Suð­ur­nesj­um. Alda Hrönn starfar nú við hlið Sig­ríðar Bjark­ar ­sem aðstoð­ar­lög­reglu­stjóri hjá emb­ætti lög­reglu­stjóra höf­uð­borg­ar­svæð­is­ins.

Í yfir­lýs­ingu Rík­is­sak­sókn­ara segir enn­frem­ur: „Þau gögn sem lágu fyrir við útgáfu ákærunn­ar, að lok­inni umfangs­mik­illi rann­sókn, bentu ein­dregið til þess að lög­reglu­mað­ur­inn sem um ræðir hefði flett upp nöfnum 41 konu í mála­skrár­kerfi lög­regl­unnar og skoðað þar upp­lýs­ingar um þær án þess að upp­flett­ing­arnar tengd­ust starfi hans sem lög­reglu­manns, og þannig hefði hann mis­notað stöðu sína í því skyni að afla sér upp­lýs­inga um kon­urn­ar. Var þessi hátt­semi talin varða við 139. gr. almennra hegn­ing­ar­laga.“

Nú hefur sem sag­t komið í ljós við nán­ari skoðun að ákæra máls­ins var byggð á veikum grunni.