Björn Leví Gunn­ars­son þing­maður Pírata og nefnd­ar­maður í und­ir­bún­ings­nefnd fyrir rann­sókn kjör­bréf segir að sér heyr­ist það vera ríkj­andi skoðun hjá meiri­hluta nefnd­ar­manna að seinni taln­ing atkvæða í Norð­vest­ur­kjör­dæmi skuli gilda.

Reikna má með að nefndin ljúki vinnu sinni fyrir helgi, eftir að hafa verið að störfum frá því í upp­hafi októ­ber­mán­að­ar.

Inga Sæland for­maður Flokks fólks­ins á sæti í nefnd­inni rétt eins og Björn Leví og hún sagði við Kast­ljós í gær­kvöldi að hún sæi ekk­ert annað í stöð­unni en að önnur taln­ing yrði tekin gild. „Eins og mín staða er akkúrat núna þá sé ég ekk­ert annað í kort­inu, ekki neitt,“ sagði Inga í Kast­ljósi, en full­trúar í und­ir­brún­ings­kjör­bréfa­nefnd hafa ekki tjáð sig með svo afger­andi hætti um skoð­anir sínar á mála­vöxtum fram til þessa.

Þessa skoðun ítrek­aði Inga í sam­tali við mbl.is í dag, engin ástæða væri til að grípa til upp­kosn­ing­ar.

Spurður hvort hann telji það við­horf sem kom fram hjá Ingu, að fátt komi í veg fyrir að svokölluð seinni taln­ing atkvæð­anna í Borg­ar­nesi verði látin gilda, sé ríkj­andi hjá meiri­hluta nefnd­ar­manna svarar Björn Leví því til að já, það sé hans mat.

Þetta segir hann þó ekki vera ein­róma álit nefnd­ar­manna, en að lín­urnar liggi á þessum slóðum sem sem stend­ur. „Að með­al­tali er skoð­unin nær seinni taln­ing­unni, en allir eru með fyr­ir­vara um að skoðun sín geti breyst,“ segir Björn Leví og leggur áherslu á hið síð­ar­nefnda.

„Við getum ennþá skipt um skoðun fram á síð­ustu stundu og Inga sagði það nú sjálf í Kast­ljós­inu í gær að ef það kæmi fram eitt­hvað stjarn­fræði­legt gæti þetta breyst, en ég held að lín­urnar séu dálítið þar nún­a,“ segir Björn Leví og vísar þá til þess að meiri­hluti nefnd­ar­innar hall­ist frekar að því að mæla með því að seinni taln­ingin gild­i.

Sjálfur seg­ist Björn Leví ekki vera á þeirri skoð­un. Hann segir ekki alveg ljóst hvernig þeir nefnd­ar­menn sem ekki verða sam­mála meiri­hlut­anum muni koma þeirri skoðun sinni á fram­færi við þing­ið, en und­ir­bún­ings­nefndin er ekki að fara að skila hefð­bundnum meiri­hluta- og minni­hluta­á­litum til þings­ins, heldur verður loka­af­urð nefnd­ar­innar í formi skýrslu sem lögð verður fyrir kjör­bréfa­nefnd.

Und­ir­bún­ings­nefndin á sam­kvæmt verk­lags­reglum sínum að nálg­ast verk­efni sitt og þar með talið til­lögu­gerð á grund­velli mál­efna­legra sjón­ar­miða og lög­fræði­legs mats. Vinna nefnd­ar­innar er þó hvorki bind­andi fyrir kjör­bréfa­nefnd né þing­menn, sem hafa að end­ingu það stjórn­ar­skrár­bundna hlut­verk að skera úr um hvort að þeir og sam­þing­menn þeirra séu lög­lega kosn­ir.