Milljarðs króna tap af reglulegri starfsemi hjá útgáfufélagi Fréttablaðsins á tveimur árum

Tekjur Torgs, útgáfufélags Fréttablaðsins og tengdra miðla, drógust saman í fyrra og rekstrartap útgáfufélagsins jókst gríðarlega. Hlutafé var aukið og tengdir aðilar lánuðum hundruð milljóna í reksturinn. Viðskiptavild jókst milli ára.

Helgi Magnússon er aðaleigandi og stjórnarformaður Torgs, útgáfufélags Fréttablaðsins.
Helgi Magnússon er aðaleigandi og stjórnarformaður Torgs, útgáfufélags Fréttablaðsins.
Auglýsing

Rekstr­ar­tap Torgs ehf., útgáfu­fé­lags Frétta­blaðs­ins, Hring­braut­ar, DV og tengdra miðla, var 688,7 millj­ónir króna í fyrra. Árið áður var rekstr­ar­tap félags­ins 197,3 millj­ónir króna og því nemur sam­eig­in­legt rekstr­ar­tap þess á tveimur árum 886 millj­ónum króna. 

Þegar vaxta­gjöldum vegna lána sem Torg hefur þurft að borga af og geng­is­mun er bætt við kemur í ljós að tap af reglu­legri starf­semi fyrir skatta var um 750 millj­ónir króna á síð­asta ári og rúm­lega einn millj­arður króna á síð­ustu tveimur áður.

Áður hafði verið upp­lýst í frétt í Frétta­blað­inu að Torg hefði tapað um 600 millj­ónum króna á árinu 2020. í árs­reikn­ingi félags­ins, sem gerður var aðgengi­legur í árs­reikn­inga­skrá í dag, kemur fram að mis­mun­ur­inn á end­an­legu tapi og því tapi sem varð af reglu­legri starf­semi Torgs sé að uppi­stöðu fólgin í því að tekju­skattsinn­eign vegna taps­ins á 150 millj­ónir króna var tekju­færð.

Torg er í eigu tveggja félaga, Hof­garða ehf. og HFB-77 ehf. Eig­andi fyrr­nefnda félags­ins er fjár­festir­inn Helgi Magn­ús­son og hann á 82 pró­sent í því síð­ar­nefnda. Helgi er auk þess stjórn­ar­for­maður Torgs. Aðrir eig­endur þess eru Sig­urður Arn­gríms­son, fyrr­ver­andi aðal­eig­andi Hring­brautar og við­skipta­fé­lagi Helga til margra ára, Jón G. Þór­is­son, fyrr­ver­andi rit­stjóri Frétta­blaðs­ins, og Guð­­­­­mundur Örn Jóhanns­­­­­son, fyrr­ver­andi sjón­­­­­varps­­­­­stjóri Hring­brautar og nú fram­­­­­kvæmda­­­­­stjóri sölu, mark­aðs­­­­­­mála og dag­­­­­­skrár­­­­­­gerðar hjá Torg­i. 

Keyptu DV og tengda miðla á 300 millj­ónir

Hóp­ur­inn keypti Torg í tveimur skrefum á árinu 2019. Kaup­verðið var trún­að­ar­mál en í árs­reikn­ingi HFB-77 ehf. fyrir árið 2019 má sjá að það félag keypti hluta­bréf fyrir 592,5 millj­­­ónir króna á því ári. Torg var og er eina þekkta eign félags­ins. 

Auglýsing
Hlutafé í Torgi var svo aukið um 600 millj­ónir króna í lok síð­asta árs. Skuldir við tengdan aðila voru auk þess 440 millj­ónir króna um ára­mót en voru engar í byrjun árs 2020. Sam­an­lagt juk­ust skuldir við tengda aðila, eig­endur Torgs, og hlutafé um rúman millj­arð króna á síð­asta ári. 

Á árinu 2020 var gengið frá kaupum á DV og tengdum miðlum frá Frjálsri fjöl­miðl­un, félags sem skráð er í eigu Sig­urðar G. Guð­jóns­sonar en var alla tíð fjár­magnað með vaxta­lausum lánum frá fjár­fest­inga­fé­lagi Björg­ólfs Thors Björg­ólfs­son­ar.  Frá því að Frjáls fjöl­miðlun eign­að­ist miðl­anna haustið 2017 og þangað til að þeir voru seldir til Torgs í apríl 2020 tap­aði útgáfu­fé­lagið um 745 millj­ónum króna. Torg greiddi samt sem áður 300 millj­ónir króna fyrir miðl­anna en sam­kvæmt árs­reikn­ingi voru 100 millj­ónir króna greiddar með fjár­munum úr rekstr­inum og 200 millj­ónir króna með nýjum lang­tíma­lán­um. Frjáls fjöl­miðlun virð­ist hafa lánað að minnsta kosti 150 millj­ónir króna af þeirri upp­hæð í formi selj­enda­láns, en eina fasta­fjár­muna­eign þess félags er skulda­bréf upp á þá tölu sem varð til í fyrra.

Tekjur dreg­ist saman

Flagg­skipið í útgáfu Torgs er Frétta­blað­ið. Útgáfu­dögum þess var fækkað úr sex í fimm á viku í fyrra þegar hætt var með mánu­dags­út­gáfu blaðs­ins. Lestur Frétta­blaðs­ins, sem er frídreift í 80 þús­und ein­tökum á höf­uð­borg­ar­svæð­inu og Akur­eyri, mæld­ist 31 pró­sent í síð­asta mán­uði. Hann hefur dalað jafnt og þétt und­an­farin ár en í apríl 2007 var hann 65,2 pró­sent og hélst yfir 50 pró­sent þangað til í des­em­ber 2015. Síð­sum­ars 2018 fór lest­ur­inn svo undir 40 pró­sent í fyrsta sinn og stefnir nú undir 30 pró­sent á næstu mán­uð­um, en frá byrjun árs 2018 hefur lestur Frétta­­blaðs­ins auk­ist á milli mán­aða í sex skipti en dalað 39 sinn­­um.

Auglýsing
Í ald­­ur­s­hópnum 18 til 49 ára mælist lest­­ur­inn nú 22,2 pró­­sent og er nú um þriðj­ungur þess sem hann var fyrir tólf árum. 

Þrátt fyrir að Hring­braut, DV og ýmsum tengdum miðlum hafi verið bætt við sam­stæð­una þá hafa rekstr­ar­tekjur Torgs dreg­ist umtals­vert saman á und­an­förnum árum. Þær voru tæp­lega 2,6 millj­arðar króna á árinu 2018 en voru rétt yfir tvo millj­arða króna í fyrra. Þar af skil­aði sala, aðal­lega aug­lýs­inga, 1.923 millj­ónum krónum í fyrra en 2.574 millj­ónum króna tveimur árum fyrr. Tekjur af sölu hafa því dreg­ist saman um fjórð­ung þrátt fyrir að fjöl­miðl­unum í sam­stæð­unni hafi fjölgað umtals­vert á tíma­bil­inu.

Óvissa um mat á við­skipta­vild

Hluta­fjár­aukn­ingin sem fram­kvæmd var undir lok síð­asta árs gerði það að verkum að eigið fé Torgs var jákvætt um síð­ustu ára­mót um 290 millj­ónir króna. Án hennar hefði það verið nei­kvætt um mörg hund­ruð millj­ónir króna. Það er nán­ast sama eig­in­fjár­staða og var undir lok árs 2019, en á því ári hafði eigið fé helm­ing­ast vegna tap­rekst­ur­s. 

Í árs­reikn­ingi Torgs segir að ástæða hins mikla tap­rekst­urs í fyrra hafi verið sam­dráttur í aug­lýs­inga­tekjum ásamt því að kostn­aður vegna launa og dreif­ingar jókst. „Á vor­mán­uðum hefur rekstr­ar­um­hverfi Torgs ehf. hefur breyst mjög hratt til hins betra með auk­inni aug­lýs­inga­sölu þannig að stjórn­endur félags­ins gera sér vonir um að jafn­vægi verði í rekstri þess á árinu 2021.“

Þar segir þó einnig að eignir og skuldir félags­ins séu metnar með hlið­sjón af því að for­senda um rekstr­ar­hæfi félags­ins sé fyrir hendi. Sú óvissa um rekstr­ar­hæfi snýst fyrst og síð­ast um mat á við­skipta­vild sem metin er á 943,5 millj­ónir króna. Í áliti end­ur­skoð­anda Torgs í árs­reikn­ingi félags­ins vegna árs­ins 2020 er gerð sér­stök ábend­ing vegna þess­arar óvissu, en sér­stak­lega tekið fram að það sé gert án þess að fyr­ir­vari sé gerður við reikn­ing­inn.  

Heild­ar­skuldir komnar í 1,5 millj­arð króna

Við­­skipta­vild er mat á virði hug­lægra eigna fyr­ir­tæk­­is. Með því er til að mynda sett mat á fjár­­hags­­legu verð­­mæti þess að eiga hóp fastra við­­skipta­vina, eins og þeirra sem kaupa aug­lýs­ingar af miðlum Torgs og þeirra sem lesa eða horfa á þá. 

Í árs­reikn­ingi Torgs kemur fram að við­skipta­vild félags­ins hafi hækkað mikið í fyrra, alls um 191,1 milljón króna í 943,5 millj­ónir króna, þrátt fyrir að tekjur Torgs hafi dreg­ist saman og rekst­ur­inn skilað 750 millj­óna króna tapi af reglu­legri starf­semi fyrir skatta. 

Við­skipta­vild og tekju­skattsinn­eign vegna upp­safn­aðs taps voru um 61 pró­sent af öllum eignum Torgs í lok síð­asta árs og rúm­lega öll ástæða hækk­unar á virði heild­ar­eigna á því ári. 

Heild­ar­skuldir Torgs juk­ust um 318,5 millj­ónir króna í fyrra og stóðu í 1,5 millj­arði króna um síð­ustu ára­mót. þær hafa auk­ist um 740 millj­ónir króna á tveimur árum, eða nán­ast tvö­fald­ast. Í fyrra mun­aði mestu um að áður­nefnd skuld við tengda aðila fór úr því að vera engin í að vera 440 millj­ónir króna.

Pappír hækkar vegna far­ald­urs­ins

Torg er á meðal þeirra fjöl­miðla­fyr­ir­tækja sem fengið hefur styrk úr rík­is­sjóði sem veittur er til einka­rek­inna fjöl­miðla. Félagið fékk 50 millj­ónir króna á árinu 2019 og rúm­lega 81 milljón króna vegna árs­ins 2020. 

Þeir miðlar sem gefa út í prenti hafa orðið fyrir umtals­verðum kostn­að­ar­hækk­unum und­an­farið sem rekja má til aðfanga­skorts vegna kór­ónu­veiru­far­ald­urs­ins. Sér­stak­lega þeir sem prenta stór upp­lög af blöðum í viku hverri, eins og Frétta­blað­ið.

Stundin greindi frá því í lok sept­em­ber að 40 pró­­sent verð­hækkun eða meiri væri yfir­­vof­andi á dag­­blaða­­pappír og vitn­aði þar í til­­kynn­ingu sem Lands­­prent, prent­smiðju í eigu Árvak­­urs, hafði sent við­­skipta­vinum sínum en Lands­­prent prentar meðal ann­­ars Stund­ina.

Kjarn­inn er á meðal þeirra fjöl­miðla sem þiggja rekstr­­ar­­styrki úr rík­­is­­sjóði og fékk 14,4 millj­­ónir króna við síð­­­ustu úthlut­un. Þau fyr­ir­tæki sem hér eru til umfjöll­unar eru sam­keppn­is­að­ilar Kjarn­ans.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Eyþór Arnalds var oddviti Sjálfstæðisflokksins í Reykjavík.
Félag Eyþórs hagnaðist um 388,4 milljónir vegna afskriftar á láni frá Samherja
Eigið fé félags Eyþórs Arnalds fór úr því að vera neikvætt um 305 milljónir í að vera jákvætt um 83,9 milljónir í fyrra. Félag í eigu Samherja afskrifaði seljendalán sem veitt var vegna kaupa í útgáfufélagi Morgunblaðsins.
Kjarninn 4. október 2022
Neyðarúrræði en ekki neyðarástand
Fjöldahjálparstöð fyrir umsækjendur um alþjóðlega vernd hefur verið opnuð í skrifstofuhúsnæði í Borgartúni þar sem Vegagerðin var áður til húsa. Hægt verður að taka á móti 150 manns að hámarki og miðað er við að fólk dvelji ekki lengur en þrjár nætur.
Kjarninn 4. október 2022
Örn Bárður Jónsson
Um skjálífi og skjána
Kjarninn 4. október 2022
Þrjú félög voru skráð á markað í sumar. Þeirra stærst er Alvotech, sem var skráð á First North markaðinn í júní. Hér sést Róbert Wessman, stofnandi og stjórnarformaður félagsins, hringja inn fyrstu viðskipti með bréfin.
Virði skráðra félaga í Kauphöllinni lækkað um 254 milljarða króna á tveimur mánuðum
Það sem af er ári hefur Úrvalsvísitala Kauphallarinnar lækkað um 28,3 prósent. Hún hækkaði um rúmlega 20 prósent árið 2020 og 33 prósent í fyrra. Leiðrétting er að eiga sér stað á virði skráðra félaga.
Kjarninn 4. október 2022
Steingrímur J. Sigfússon
Einu sinni var Póstur og Sími
Kjarninn 4. október 2022
Svandís Svavarsdóttir er matvælaráðherra og fer með málefni sjávarútvegs.
Svandís boðar frumvarp um tengda aðila í sjávarútvegi á næsta ári
Samkvæmt lögum mega tengdir aðilar í sjávarútvegi ekki halda á meira en tólf prósent af úthlutuðum kvóta á hverjum tíma. Skiptar skoðanir eru um hvort mikil samþjöppun í sjávarútvegi sé í samræmi við þetta þak.
Kjarninn 4. október 2022
Ein orðan sem Plaun skartaði, en hún reyndist eftirlíking.
Tvöfaldur í roðinu
Hugo Plaun hefur lengi verið ein helsta stríðshetja Dana, og var vel skreyttur hermaður sem hitti fyrirmenni og sagði ótrúlegar sögur sínar víða. Fyrir nokkrum árum kom í ljós að Plaun laug öllu saman.
Kjarninn 4. október 2022
Eitt og annað ... einkum danskt
Eitt og annað ... einkum danskt
Tvöfaldur í roðinu
Kjarninn 4. október 2022
Meira úr sama flokkiInnlent