Helstu veð­bankar spá fram­lagi Svía í Eurovision, lag­inu Her­oes í flutn­ing­i Måns Zel­merlöw, sigri í úrslitum söngvakeppn­innar sem fram fara í Vín­ar­borg í kvöld.

Sam­kvæmt veð­mála­síð­unni Oddschecker, sem heldur utan um veð­mála­stuðla helstu veð­banka heims, hafnar Svíar í efsta sæt­inu, Rússar öðru, Ítalir í því þriðja og Ástr­al­ir, sem fá nú að taka þátt í keppn­inni í til­efni af 60 ára afmæli Eurovision, hafna í því fjórða. Þá kemur Belgía fast á hæla Ástr­alíu í fimmta sæt­inu.

Sænska lagið hefur fengið sinn skerf af gagn­rýni, en Svíar hafa verið sak­aðir um að senda stolið lag til keppn­inn­ar.

Sænska lagið þykir svipa vand­ræða­lega mikið til lags­ins Lovers on the Sun með tón­list­ar­mann­inum David Guetta, sem hélt tón­leika hér á landi þann 16. júní síð­ast­lið­inn. Umrætt lag Guetta má sjá og heyra hér að neð­an, dæmi hver fyrir sig.

Þá er söngv­ari sænska lags­ins sömu­leiðis umdeild­ur, en hann hefur í gegnum tíð­ina látið meið­andi ummæli falla í garð sam­kyn­hneigðra. Til að mynda neydd­ist Zel­merlöw til að biðj­ast afsök­unar á ummæl­u­m ­sem hann lét falla í mat­reiðslu­þætti í heima­land­inu, þar sem hann sagði að það væri ekki nátt­úru­legt fyrir tvo karl­menn að vilja sofa sam­an, að sam­kyn­hneigð væri afbrigði­leg og að sam­kyn­hneigðir ættu ekki að vera for­eldr­ar. Sjá umfjöllun The Independent um málið.

Hvort for­dómar Zel­merlöw í garð hinsegin fólks muni verða honum að falli í kvöld er erfitt að spá fyr­ir. Í það minnsta eru helstu veð­bankar heims á því að hann muni fara með sigur úr býtum í Söngvakeppni Evr­ópskra sjón­varps­stöðva, en hann verður tíundi flytj­and­inn á sviðið í Vín í kvöld.