Saknar samráðs við íbúa og spyr hvað verði um bílastæðin á Hlemmtorgi

Borgarfulltrúi Flokks fólksins segir lipurð og sveigjanleika skorta hjá meirihlutanum í skipulagsmálum. Að hennar sögn hafa íbúar í grennd við Hlemm áhyggjur af því að komast ekki að húsum sínum á bíl, til dæmis til að afferma vörur.

Kolbrún Baldursdóttir segir íbúa í grennd við Hlemm hafa áhyggjur af því að komast ekki að húsum sínum á bíl eftir að Hlemmtorg verður að veruleika.
Kolbrún Baldursdóttir segir íbúa í grennd við Hlemm hafa áhyggjur af því að komast ekki að húsum sínum á bíl eftir að Hlemmtorg verður að veruleika.
Auglýsing

Íbúar sem búa í grennd við Hlemm­torg hafa áhyggjur af því að hafa ekki mögu­leika á því að leggja bíl við hús sín, ti dæmis til þess að afferma vör­ur. Þetta segir Kol­brún Bald­urs­dóttir í sam­tali við Kjarn­ann um fram­tíð­ar­skipu­lag svæð­is­ins umhverfis Hlemm. „Þarna býr fólk sem ég hef verið að heyra dálítið í sem hefur áhyggjur af því þegar verið er að koma með vör­ur, þegar það er að koma úr verslun og er kannski með lítil börn. Fólk hefur verið að spyrja mig: „Er búið að ræða við íbúa til dæmis á Rauð­ar­ár­stíg?“,“ segir Kol­brún.

Hún saknar þess að sam­ráð hafi verið haft við íbúa. „Það þarf að tala við íbú­ana. Hugn­ast þeim þessi breyt­ing? Sjá þeir fyrir sér ein­hver vanda­mál við þetta? Ég veit alveg hvernig það er að koma heim með fjóra poka úr Bón­us. Þú hefur ekki leyfi til þess að fara og stoppa fyrir framan dyrnar þínar og þú ert kannski með lítil börn á hand­leggn­um. Það eru þessir hlutir sem er kannski ekki alveg búið að hugs­a.“

„Ég vil samt segja að mér finnst myndir af þessu mjög flott­ar. Ég sé alveg fyrir mér að þetta geti orðið ótrú­lega kósý og skemmti­legt torg,“ bætir Kol­brún við.

Auglýsing

Fram­kvæmdir hafnar á Rauð­ar­ár­stíg

Nýlega hófust fram­kvæmdir við fyrsta áfanga að nýju Hlemm­torgi og nú þegar hefur Rauð­ar­ár­stíg milli Lauga­vegar og Brí­et­ar­túns verið lok­að. Á vef Reykja­vík­ur­borgar má sjá hvernig útlit þessa veg­ar­spotta mun líta út að fram­kvæmdum lokn­um. Gert er ráð fyrir að akst­urs­rýmið verði hellu­lagt og að Rauð­ar­ár­stígur verði lok­aður til suð­urs við gömlu Gas­stöð­ina en þar verður snún­ings­hringur fyrir fólks­bíla. Næst Brí­et­ar­túni verða fjögur stæði fyrir raf­bíla, fyrir miðju austan megin verða skamm­tíma bíla­stæði en vestan megin verða sleppi­stæði fyrir leigu­bíla. Þá verða tvö stæði fyrir hreyfi­haml­aða við snún­ings­hring­inn, nær Hlemmi.

Líkt og áður segir er búið að loka fyrir bíla­um­ferð en á vef borg­ar­innar segir að aðgengi að göngu­leiðum verði gott að aðgengi að gang­stétt haldi sér „mest allan tím­ann“.

Fólk kvartað yfir sér­m­kerktum stæðum í hlið­ar­götum Lauga­vegar

Þrátt fyrir að finn­ast fyr­ir­hugað torg flott veltir Kol­brún engu að síður fyrir sér til­gangi þess. „Fyrir hverja er þetta? Kannski aðal­lega túrista?“ spyr hún. „Nú er fólk að segja mér sem býr í efri hverfum að það kemur ekki lengur þarna niður á þetta svæði, nema kannski á hátíð­is­dög­um.“

Þegar Kol­brún er spurð hvers vegna svo sé nefnir hún að aðgengi geti átt þar hlut að máli, fólk sé mistil­búið til þess að labba. „Ég hef mikið verið að fylgja þessum málum eftir hvað varðar aðgengi og sér­stak­lega hvað varðar þá sem eru fatl­aðir eða með skerta hreyfi­færni. Þau finna rosa­lega mikið fyrir því núna að geta ekki lagt sínum stæð­is­bíl­um, sínum P-merktu bíl­um, nálægt versl­unum og þjón­ustu eins og var hægt að gera. Ef við horfum til dæmis á Lauga­veg­inn, þá er ekki hægt að leggja bíl þar. Sér­merktu stæðin eru í hlið­ar­götum og fólk hefur verið að kvarta yfir því. Hvernig á það að kom­ast að, kannski inn í verslun eða á veit­inga­stað inn á sjálfum Lauga­veg­in­um“ segir Kol­brún. „Þetta er eitt af því sem fólk hefur verið að láta mig vita af að það sé ósátt við.“

Einnig þurfi fút­a­fúnir að leggja leið sína upp fyrir eða niður fyrir göngu­göt­una Á Lauga­vegi til þess að kom­ast í leigu­bíl.

Spyr hvað verði um bíla­stæðin

Breyt­ing­arnar við Hlemm ein­skorð­ast ekki bara við Rauð­ar­ár­stíg milli Lauga­vegar og Brí­et­ar­túns. Umferð einka­bíla verður til að mynda engin um Lauga­veg milli Snorra­brautar og Katrín­ar­túns. Ein­ungis stræt­is­vagnar munu aka niður Lauga­veg frá Katrín­ar­túni og um Hverf­is­götu niður á Snorra­braut. Þá verður Rauð­ar­ár­stíg einnig lokað sunnan við Hlemm að Stór­holti.

Við þessar breyt­ingar verður bílaplan sem stendur við hús­næði gamla Bún­að­ar­bank­ans, þar sem nú er Center Hot­el, hluti af nýju Hlemm­torgi. Kol­brún veltir því fyrir sér hvað bíl­eig­endur muni gera í kjöl­farið „Þau fara öll, þessi bíla­stæði. Þú þarft að fara með bíl­inn annað ef þú býrð þarna. Ég veit ekki hvar fólk á Rauð­ar­ár­stíg á að geyma bíl­ana, það þarf að fara inn í önnur hverfi. Fólk er farið að kvarta yfir því að það sé farið að þurfa að leggja út fyrir hverfi sitt.“

Að sögn Kol­brúnar ríkir ákveð­inn skortur á sam­ráði við íbúa í skipu­lags­málum og hún efast um að íbúar svæð­is­ins séu sáttir við þetta. „Það vantar sveigj­an­leik­ann. Það vantar lip­urð í kerfið hjá meiri­hlut­anum í skipu­lag­inu. Það vantar þessa lip­urð og skiln­ing á mis­mun­andi þörfum fólks,“ segir Kol­brún Bald­urs­dóttir borg­ar­full­trúi Flokks fólks­ins.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Meghan og Harry kynntust á Instagram. Hljómar kannski ekki eins og ævintýri, enda hafa þau sagt skilið við slík, að minnsta kosti konungleg ævintýri.
Sannleikur Harrys og Meghan – frá þeirra eigin sjónarhorni
Harry og Meghan fundu sig knúin til að segja „sinn eigin sannleika“ af samskiptum þeirra við konungsfjölskylduna og ákvörðun þeirra að segja skilið við allar konunglega skyldur. Sannleikurinn er nú aðgengilegur á Netflix en sitt sýnist hverjum.
Kjarninn 9. desember 2022
Ingrid Kuhlman
Sjö tegundir hvíldar
Kjarninn 9. desember 2022
Tillaga Andrésar Inga Jónsson, þingmanns Pírata, um að fresta umræðu um breytingu á lögum um útlendinga fram yfir áramót var felld við upphaf þingfundar. Stjórnarandstaðan sakar meirihlutann um að setja fjölda mála í uppnám með þessu.
Segja stjórnarmeirihlutann stilla öryrkjum upp á móti útlendingum
Tillaga þingmanns Pírata um að taka af dagskrá frumvarp um alþjóðlega vernd var felld á Alþingi. Stjórnarandstöðuþingmenn segja það fáránlegt að afgreiða eigi frumvarpið áður en eingreiðsla til öryrkja verði tekin fyrir á þingi.
Kjarninn 9. desember 2022
Katrín Jakobsdóttir, formaður Vinstri grænna og forsætisráðherra.
Ekki upplýst formlega en leitað til hennar „í krafti vináttu og persónulegra tengsla“
Forsætisráðherra segir að hún hafi ekki verið upplýst formlega um að ráðherra hafi sýnt af sér vanvirðandi framkomu. Þegar leitað sé til hennar sem trúnaðarvinar sé um persónuleg málefni að ræða sem kalli ekki á að hún setji þau í farveg stjórnsýslumála.
Kjarninn 9. desember 2022
Hægt er að horfa á sjónvarp með ýmsum hætti.
Myndlyklum í útleigu fækkað um 25 þúsund á fimm árum
Þeim sem leigja myndlykla fyrir nokkur þúsund krónur á mánuði af fjarskiptafyrirtækjum til að horfa á sjónvarp hefur fækkað um tíu þúsund á einu ári. Fleiri og fleiri kjósa að horfa á sjónvarp í gegnum app.
Kjarninn 9. desember 2022
Hér sést annar mannanna vera leiddur inn í héraðsdóm eftir handtöku í september.
Búið að birta ákæru gegn tveimur mönnum fyrir að skipuleggja hryðjuverk
Í september voru tveir menn handteknir grunaðir um að hafa ætlað að fremja hryðjuverk á Íslandi. Þeir eru taldir hafa ætlað að ráðast að Alþingi og nafngreindum stjórnmálamönnum. Búið er að birta lögmönnum þeirra ákæru.
Kjarninn 9. desember 2022
Litla-Sandfell stendur um 95 metra upp úr Leitahrauni í Þrengslunum.
Náma í Litla-Sandfelli veldur „miklum neikvæðum umhverfisáhrifum“
Skipulagsstofnun telur Eden Mining vanmeta umhverfisáhrif námu í Litla-Sandfelli. Að fjarlægja fjall velti upp þeirri hugmynd „hvort verið sé að opna á þá framtíðarsýn að íslenskar jarðmyndanir verði í stórfelldum mæli fluttar út til sementsframleiðslu“.
Kjarninn 9. desember 2022
Katrín Jakobsdóttir, formaður Vinstri grænna og forsætisráðherra.
Fullyrt að stjórnvöld hafi breytt reglugerð til að aðstoða Pussy Riot eftir beiðni Ragnars
Mikil leynd hefur ríkt yfir því hverjir hafa fengið útgefin sérstök íslensk vegabréf á grundvelli reglugerðarbreytingar sem undirrituð var í vor. Nú er fullyrt að hennii hafi verið breytt eftir að Ragnar Kjartansson leitaði til Katrínar Jakobsdóttur.
Kjarninn 9. desember 2022
Meira úr sama flokkiInnlent