Sam­fylk­ingin vill auka þrepa­skipt­ingu í skatt­kerf­inu, draga úr hlut­falls­legu vægi flatra skatta og auka hlut­deild skatt­lagn­ingar á fjár­magn. Flokk­ur­inn telur einnig sterk rök hníga að upp­töku stór­eign­ar­skatts.

Þetta kemur fram í nýrri end­ur­skoð­aðri stefnu Sam­fylk­ing­ar­innar, sem kynnt var á þriðju­dag­inn. Sam­kvæmt frétta­til­kynn­ingu frá flokknum hefur und­ir­bún­ingur hennar tekið þrjú ár og var hún unnin í víð­tæku sam­starfi almennra flokks­fé­laga.

Lægri skattar á launa­fólk en hærri skattar á fjár­magn

Í nýju stefn­unni seg­ist flokk­ur­inn vilja lækka skatta á vinnu almenns launa­fólks en hækka þess í stað hlut­deild skatt­lagn­ingar á fjár­magn. „Við viljum draga úr hlut­falls­legu vægi flatra skatta og gjalda sem leggj­ast þyngra á fólk eftir því sem það hefur lægri tekjur en inn­heimta fullt gjald fyrir nýt­ingu nátt­úru­auð­linda í þjóð­ar­eign,“ segir í stefn­unni.

Flokk­ur­inn bætir við að skerpa megi á og auka þrepa­skipt­ingu í skatt­kerf­inu, auk þess sem sterk rök hnígi að upp­töku „hóf­legs stór­eigna­skatts með háu frí­tekju­marki“.

Tíma­bundin ráð­stöfun eftir hrunið

Auð­legð­ar­skattur var síð­ast settur á í rík­is­stjórn VG og Sam­fylk­ing­ar­innar árið 2009, þegar Stein­grímur J. Sig­fús­son, for­seti alþingis og þing­maður VG, var fjár­mála­ráð­herra. Þegar Oddný Harð­ar­dótt­ir, þing­maður Sam­fylk­ing­ar­inn­ar, var orð­inn fjár­mála­ráð­herra árið 2012, sagði hún skatt­inn vera hugs­aðan sem tíma­bundna ráð­stöfun og að hún legði áherslu á að end­ur­nýja hann ekki.

Guð­rún Helga Lár­us­dótt­ir, einn eig­enda og stofn­enda fjár­fest­inga­fé­lags­ins Stál­skips., stefndi íslenska rík­inu fyrir álagn­ingu auð­legð­ar­skatts árin 2010, 2011 og 2012. Guð­rún taldi skatt­lagn­ing­una ólög­mæta, þar sem hún væri brot á eign­ar­rétti og færi í bága við mann­rétt­inda­sátt­mála Evr­ópu. Skatt­lagn­ingin var hins vegar lög­mæt sam­kvæmt dómi Hér­aðs­dóms árið 2013 og var því ríkið sýknað af kröfum Guð­rún­ar. Hæsti­réttur stað­festi svo sýknu­dóm­inn ári síð­ar.