Þing­menn í neðri deild breska þings­ins sam­þykktu í dag laga­frum­varp sem heim­ilar vís­inda­mönnum að búa til fóst­ur­vísa úr erfða­efni þriggja ein­stak­linga. 382 þing­menn greiddu atkvæði með mál­inu en 128 voru  mót­falln­ir, sam­kvæmt frétt BBC.

Lávarða­deild breska þings­ins þarf nú einnig að greiða atkvæði um mál­ið, en ef það verður sam­þykkt verður um tíma­mót að ræða í lækn­is­fræði. Þá verður Bret­land fyrsta ríkið til að fram­kvæma tækni­frjóvgun af þessu tagi. Sam­kvæmt breskum fjöl­miðlum er talið lík­legt að lávarða­deildin sam­þykki frum­varpið og þá gæti fyrsta barnið sem fæð­ist með erfða­efni þriggja ein­stak­linga fæðst í heim­inn á næsta ári.

Ali­son Mur­doch, yfir­maður Newcastle Fer­tility Centre at Life sem er frum­kvöð­ull þess­arar tækni, sagði við fjöl­miðla í dag að sam­þykkt þings­ins væru góðar fréttir fyrir fram­sækna lækn­is­fræði. And­stæð­ingar til­lög­unnar ætla að halda áfram að berj­ast gegn því að tæknin verði leyfð, vegna þess að hún veki of margar sið­ferð­is- og örygg­is­spurn­ing­ar.

Tæknin er breytt útgáfa af tækni­frjóvg­un, þar sem erfða­efni tveggja for­eldra eru notuð en jafn­framt hvat­berar (e. mitochondria) úr annarri kon­u. ­Börn sem myndu fæð­ast með þessum hætti hefðu því 0,1 pró­sent erfða­efni úr þeirri konu. Ætl­unin er að koma í veg fyrir að ólækn­andi erfða­sjúk­dómar ber­ist frá móður til barns.

Sjáðu skýr­ing­ar­myndir á vef BBC. 

Talið er að erfða­sjúk­dómar sem ber­ast með hvat­berum hafi áhrif á um 100 börn í Bret­landi á ári. Í 10 til­vikum valdi sjúk­dóm­arnir mjög alvar­legum sjúk­dómum eins og lifr­ar­bil­um, vöðva­rýrn­un, blindu og heilaskaða, sam­kvæmt frétt Guar­dian.

Málið hefur vakið gríð­ar­mikla athygli í Bret­landi og víð­ar­. ­Meðal þess sem kom fram í þing­inu og víðar í dag voru áhyggjur af því að aðferðin væri ekki örugg og því hvort hún væri upp­hafið að víð­tækum breyt­ing­um. Þing­kona Íhalds­flokks­ins, Fiona Bruce, sagði meðal ann­ars að það væri ein­fald­lega ekki hægt að spá fyrir um afleið­ing­arnar af þessu. „En eitt er víst, þegar búið er að gera þessa breyt­ingu ... þá verður ekki aftur snú­ið.“ Í sama streng tók David King hjá hópnum Human Genet­ics Alert, við BBC í dag. „Þegar búið er að fara yfir sið­ferð­is­legu lín­una, er mjög erfitt að taka ekki næsta skref í því að hanna börn.“

Þing­menn kusu frjálst í mál­inu en ekki sam­kvæmt flokkslín­um. For­víg­is­menn bæði íhalds­manna og Verka­manna­flokks­ins sögðu þó að þeir litu á málið sem mik­il­vægt vís­inda­legt skref en alls ekki gena­breyt­ing­ar.