Peg­ida, „sam­tök fólks gegn islam­væð­ingu Evr­ópu“, hafa verið stofnuð á Íslandi. Face­book-­síða hefur verið stofnuð og tæp­lega 270 manns hafa látið sér líka við hana. Sam­tökin segj­ast ætla að birta frétta­tengt efni sem teng­ist inn­reið og upp­gangi Íslams í Evr­ópu, efni sem þau segja að fjöl­miðlar á Íslandi birti ekki vegna þögg­unar og póli­tísks rétt­trún­að­ar.

Peg­ida á Íslandi hefur stofnað Face­book-­síð­u.

Sam­tökin hafa staðið fyrir viku­legum mót­mælum gegn áhrifum Íslams í evr­ópskum löndum í Dres­den frá því þann 20. októ­ber, en þá mættu um 350 manns. Fjölgað hefur hægt og rólega en met­fjöldi mætti á mót­mælin í gær, eða um 25 þús­und manns, en mót­mælin voru haldin til minn­ingar um þá sem lét­ust í hryðju­verka­árás­unum í París í síð­ustu viku. Þetta var gagn­rýnt af ráða­mönnum í Þýska­landi og dóms­mála­ráð­herr­ann Heiko Maas hvatti til dæmis til þess að mót­mæl­unum yrði aflýst. „Fórn­ar­lömbin eiga ekki skilið að vera mis­notuð af svona áróð­urs­mönn­um,“ sagði Maas við þýska blaðið Bild.

Margir aðrir hafa talað gegn sam­tök­un­um. Ang­ela Merkel kansl­ari hefur sagt að þótt allir hafi rétt á að tjá skoð­anir sínar þá sé ekki rými í Þýska­landi fyrir áróður gegn inn­flytj­end­um. Hún hefur einnig sagt að sam­tökin beri for­dóma, kald­lyndi og jafn­vel hatur í hjörtum sín­um.

Met­fjöldi fólks mætti á mót­mælin í gær. Fólk hefur einnig mætt til að mót­mæla sam­tök­un­um.