Mario Drag­hi, banka­stjóri Seðla­banka Evr­ópu, mun að öllum lík­indum til­kynna miklar örvandi aðgerðir seinna í dag ­sem ætlað er að örva hag­kerfi evru­svæð­is­ins. Sam­kvæmt fréttum stendur til að  kaupa rík­is­skulda­bréf fyrir allt að 50 millj­arða evra á mán­uði út árið 2016, um tvö­falt hærri upp­hæðir en áður hafði verið talið. 50 millj­arðar evra jafn­gilda 7.633 millj­örðum króna.

Mario Drag­hi, banka­stjóri Seðla­banka Evr­ópu.

Fyrr í þessum mán­uði sýndu tölur að verð­hjöðnun væri á evru­svæð­inu. Aðgerð­irnar eiga að lækka lána­kostn­að, og hvetja banka þannig til þess að lána meira til fyr­ir­tækja og ein­stak­linga og örva hag­kerf­ið.

Talið er að þessar aðgerðir hefj­ist í mars, en loka­á­kvörð­unin verður tekin á fundi stjórnar seðla­bank­ans í dag. Enn er talið mögu­legt að full­trúi Þýska­lands í stjórn­inni muni mót­mæla þessum aðgerð­um, að því er fram kemur í frétt BBC.

Þjóð­verjar vilja frekar að ef ráð­ist verður í stór­tæk kaup á rík­is­skulda­bréfum verði það í höndum ríkj­anna ­sjálfra frekar en að þau séu í höndum bank­ans. Þýskir sér­fræð­ingar hafa varað við verð­lækk­unum og minnkand­i fjár­fest­ing­um, en rík­is­stjórn Þýska­lands hefur reynt að fjar­lægja sig ákvörðun bank­ans.

Í gær­kvöldi gekk Markus Fer­ber, einn áhrifa­mesti Evr­ópu­þing­maður Þýska­lands, þó lengra en aðrir stjórn­mála­menn hafa gert opin­ber­lega í gagn­rýni á ætl­aðar aðgerðir bank­ans. Fer­ber er vara­for­maður í efna­hags- og pen­inga­mála­nefnd Evr­ópu­þings­ins.

„Ég held að það sé ekki á ábyrgð Seðla­banka Evr­ópu að taka póli­tískar ákvarð­anir og það er það sem mun ger­ast,“ með fyr­ir­hug­uðum rík­is­skulda­bréfa­kaup­um, eða magn­bund­inni íhlut­un, sagð­i ­Fer­ber við Evr­ópu­frétta­vef­inn euract­i­v.com.

Hann seg­ist telja aðgerð­irnar ganga lengra en seðla­bank­anum sé heim­ilt. „Stærsta verk­efnið er verð­stöð­ug­leiki, og núna er bank­inn að berj­ast gegn ein­hverju sem er ekki að ger­ast. Það er ekki verð­hjöðn­un, ef við minnkum áhrif olíu- og gasverðs er verð­bólga í Evr­ópu­sam­band­inu og mér sýn­ist að Seðla­banki Evr­ópu sé að berj­ast gegn því sem ekki á sér stað.“

Efna­hags- og fram­fara­stofn­unin hvatti seðla­banka­stjór­ann Mario Draghi hins vegar til þess að halda sig við þessar aðgerð­ir. Angel Gurria, fram­kvæmda­stjóri stofn­un­ar­inn­ar, tal­aði um málið í gær á fundi Alþjóða­efna­hags­ráðs­ins, sem nú fer fram í Davos í Sviss. „Leyfið Mario ganga eins langt og hægt er. Ég held ekki að það ætti að setja tak­mörk. Ekki segja 500 millj­arðar evra. Segið bara „förum eins langt og við get­um, eins mikið og við þurf­um.““