Segir ríkisstjórn stefna að „sérstöku óskaskuldahlutfalli“ frekar en minnkuðu atvinnuleysi

Formaður Samfylkingar segir skuldastöðu ríkisins afleiðingu atvinnuástandsins og kallar eftir frekari aðgerðum til að minnka atvinnuleysi. Ríkisstjórnin hefur beitt sér til að milda höggið á efnahagslífið frá upphafi faraldurs að mati forsætisráðherra.

Logi Einarsson og Katrín Jakobsdóttir ræddu um efnahagslegar aðgerðir ríkisstjórnarinnar og atvinnuleysi í óundirbúnum fyrirspurnatíma á Alþingi í dag.
Logi Einarsson og Katrín Jakobsdóttir ræddu um efnahagslegar aðgerðir ríkisstjórnarinnar og atvinnuleysi í óundirbúnum fyrirspurnatíma á Alþingi í dag.
Auglýsing

Ekki verður hægt að vinna bug að skulda­stöðu rík­is­sjóðs nema atvinnu­leys­inu verði náð niður að mati Loga Ein­ars­sonar for­manns Sam­fylk­ing­ar­inn­ar. Þetta sagði Logi í óund­ir­búnum fyr­ir­spurna­tíma í þing­inu í dag en hann beindi fyr­ir­spurn sinni til Katrínar Jak­obs­dóttur for­sæt­is­ráð­herra. Logi gaf lítið fyrir nýbirta fjár­mála­ætlun en sam­kvæmt henni verða á árinu fimm þús­und fleiri ein­stak­lingar atvinnu­lausir heldur en gert var ráð fyrir í síð­ustu fjár­mála­á­ætlun sem sam­þykkt var fyrir jól.

„Í kynn­ing­unni skautar rík­is­stjórnin svo algjör­lega fram hjá því að það er gert ráð fyrir fimm pró­senta atvinnu­leysi í lok tíma­bils­ins, árið 2023. Það er fimm­tíu millj­arða kostn­aður fyrir rík­is­sjóð á hverju ári og sá kostn­aður mun hald­ast um ókomna tíð ef ekki verður ráð­ist að rót vand­ans, sem er fjölda­at­vinnu­leysið,“ sagði Logi.

Auglýsing

Logi vakti í kjöl­farið athygli á orða­notkun í fjár­mála­á­ætl­un­inni en þar er sagt að ef svart­sýn­ustu spár ganga eftir þá verði gripið til „af­komu­bæt­andi“ ráð­staf­ana. „Á skýr­ari íslensku heitir það nið­ur­skurður eða skatta­hækk­anir eða hvort tveggja. Það er ekk­ert sér­lega geðs­leg póli­tísk sýn sem felst í því að sætta sig við áfram­hald­andi atvinnu­leysi en hóta svo með ótil­greindum nið­ur­skurð­ar­til­lögum í lok tíma­bils­ins til þess eins að ná ein­hverju sér­stöku óska­skulda­hlut­fall­i,“ sagði Logi og bætti við að skulda­staðan væri afleið­ing atvinnu­á­stands­ins.

Segir aðgerðir rík­is­stjórnar hafa minnkað sam­drátt

Katrín sagði rík­is­stjórn­ina hafa beitt sér til þess að milda höggið á efna­hags­lífið í kjöl­far kór­ónu­veiru­far­ald­urs­ins. „Rík­is­stjórnin hefur frá fyrsta degi beitt sér fyrir aðgerðum til að draga úr efna­hags­legum og sam­fé­lags­legum afleið­ing­um. Það eru póli­tískar ákvarð­an­ir, póli­tískar ákvarð­anir sem til að mynda snú­ast um að leggja áherslu á að halda skólum opnum þannig að atvinnu­lífið gæti haldið áfram að ganga sinn gang eins og mögu­legt var, þannig að ekki félli aukin byrði á konur umfram karla út af heims­far­aldri, póli­tískar ákvarð­anir sem fel­ast í því að kynna til sög­unnar bæði hluta­starfa­leið, lok­un­ar­styrki tekju­falls­styrki, við­spyrnu­styrki, hækkun atvinnu­leys­is­bóta og svo mætti lengi telja. Aðgerðir sem hafa skilað því að sam­drátt­ur­inn er minni en áður var spáð.“

Einka­neysla hafi þó að vegið að ein­hverju leyti upp á móti þeirri erf­iðu stöðu sem upp er komin og hún dregið úr sam­drætti að sögn Katrín­ar. Hún sagði rík­is­stjórn­ina hafa beitt sér fyrir því að fólk hafi getað haldið ráðn­ing­ar­sam­bandi með hluta­starfa­leið­inni en nú stæði til að draga úr lang­tíma­at­vinnu­leysi með nýjum aðgerðum undir yfir­skrift­inni „Hefjum störf.“

„Það er risa­stórt verk­efni sem mun skipta veru­legu máli til að draga úr lang­tíma­at­vinnu­leysi, koma fólki aftur út á vinnu­mark­að­inn því það er sam­fé­lags­legt böl ef hér verður áfram lang­tíma­at­vinnu­leysi,“ sagði Katrín undir lok fyrri ræðu sinn­ar.

Verið sé að „sætta sig við lang­tíma­at­vinnu­leysi“

Logi steig í pontu öðru sinni og sagði aðgerð­irnar ekki nógu mikl­ar. „Þær aðgerðir sem gripið er til, þær eru ekki nógu miklar og það er verið að sætta sig við lang­tíma­at­vinnu­leysi hér í land­i,“ sagði hann.

Þá sagði Logi efna­hags­sam­drátt­inn bitna fyrst og fremst á kon­um, ungu fólki og fólki af erlendum upp­runa. Hann sagði fjórð­ung launa­fólks eiga í vanda með að láta enda ná saman og helm­ingur atvinnu­lausra. Hann spurði Katrínu loks hvort hún deildi þeirri sýn með fjár­mála­ráð­herra, Bjarna Bene­dikts­syni, að sjálf­bærni rík­is­bú­skapar snú­ist um til­tekna skulda­stöðu til skamms tíma frekar en að ná niður atvinnu­leysi „og skapa örugga atvinnu fyrir fólk og minnka ójöfnuð í þessu land­i.“

Atvinnu­leysi ógni jöfn­uði

Katrín sagði að það væri ótíma­bært að tala um hvaða áhrif kór­ónu­kreppan hefði haft á stöðu jafn­aðar hér á landi en að hann hafi verið mestur í Evr­ópu fyrir heims­far­ald­ur. Mesta hættan fyrir jöfnuð stafi hins vegar af lang­tíma­at­vinnu­leysi og því hafi aðgerðir rík­is­stjórn­ar­innar snú­ist um að tryggja ráðn­ing­ar­sam­band fólks, tryggja afkomu þessu og að tryggja að hér séu sköpuð fleiri störf að sögn Katrín­ar.

„Við munum sjá núna aukn­ingu Í fjár­fest­ingu rík­is­ins, það hefur tölu­vert verið rætt um opin­bera fjár­fest­ingu og hlut ríkis og hlut sveit­ar­fé­laga í henni, þar sem við erum líka að skapa störf,“ sagði Katrín.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Trausti Baldursson
Og hvað svo?
Kjarninn 28. september 2021
Sigrún Sif Jóelsdóttir og Grant Wyeth
Hæstiréttur leiðir dómstóla á hættulega braut í málum barna
Kjarninn 28. september 2021
Þorkell Helgason
Kosningakerfið þarf að bæta
Kjarninn 28. september 2021
Seðlabankinn stendur við Kalkofnsveg sem kenndur er við kalkofn sem þar var í notkun á síðari hluta 19. aldar.
Varaseðlabankastjórar gerast ritstjórar
Kalkofninn er nýr vettvangur fyrir greinar um verkefni og verksvið Seðlabanka Íslands sem finna má á vef bankans. Kalkofninum er ætlað að höfða til almennings, atvinnulífs, fjölmiðla og fræðasamfélags.
Kjarninn 28. september 2021
Árni Páll Árnason.
Árni Páll skipaður í stjórn Eftirlitsstofnunar EFTA
Fyrrverandi formaður Samfylkingarinnar hefur gengt starfi varaframkvæmdastjóra Uppbyggingarsjóðs EES undanfarið. Hann hefur nú verið skipaður í stjórn ESA.
Kjarninn 28. september 2021
Þau fimm sem duttu inn á þing sem jöfnunarmenn síðdegis á sunnudag verða að óbreyttu þingmenn.
Listar yfir nýkjörna þingmenn sendir á yfirkjörstjórnir
Þeir fimm frambjóðendur sem duttu skyndilega inn á þing sem jöfnunarmenn eftir endurtalningu atkvæða í Norðvesturkjördæmi á sunnudag munu verða þingmenn á næsta kjörtímabili, nema Alþingi ákveði annað.
Kjarninn 28. september 2021
Raddir margbreytileikans
Raddir margbreytileikans
Raddir margbreytileikans – 9. þáttur: „Íkarus virti ekki viðvörunarorðin og hélt af stað“
Kjarninn 28. september 2021
Kristján Þór Júlíusson, sjávarútvegs- og landbúnaðarráðherra úthlutaði úr Matvælasjóði í liðinni viku.
Síldarvinnslan og félag í meirihlutaeigu Samherja fengu milljónir úr Matvælasjóði
Vel á sjötta hundrað milljóna var úthlutað úr Matvælasjóði fyrr í mánuðinum. Stór fyrirtæki í sjávarútvegi á borð við Síldarvinnsluna og Útgerðarfélag Reykjavíkur á meðal styrkþega.
Kjarninn 28. september 2021
Meira úr sama flokkiInnlent