Segir ríkisstjórnina hafa sofið á verðinum í baráttunni við skipulagða glæpastarfsemi

Þingmaður Samfylkingar gerði Kompásþátt um skipulagða glæpastarfsemi að umtalsefni sínu á þingi og sagði að auka þyrfti fjárveitingar til löggæslu í landinu. Þingmaður Sjálfstæðisflokks tók undir varnaðarorð en sagði margt hafa verið gert í málaflokknum.

Helga Vala Helgadóttir, þingmaður Samfylkingarinnar, skoraði á ríkisstjórnina að bregðast við skipulagðri glæpastarfsemi.
Helga Vala Helgadóttir, þingmaður Samfylkingarinnar, skoraði á ríkisstjórnina að bregðast við skipulagðri glæpastarfsemi.
Auglýsing

Auka þarf fjárveitingar til almennrar löggæslu að mati Helgu Völu Helgadóttur, þingmanns Samfylkingarinnar. „Enda hefur lögreglumönnum fækkað mikið þrátt fyrir aukin og flóknari verkefni,“ sagði Helga Vala í þinginu í dag en hún gerði löggæslu að umfjöllunarefni sínu í ræðu sinni í umræðum um störf þingsins.

„Ríkisstjórnin hefur sofnað á verðinum þegar kemur að því að tryggja öryggi borgaranna og berjast gegn skipulögðum glæpum. Er það í besta falli kæruleysi en í versta falli afglöp ríkisstjórnarinnar. Þetta varðar mannslíf, herra forseti, öryggi borgaranna og heilbrigt samfélag,“ sagði Helga Vala en hún hafði áður bent á að í stjórnarsáttmála ríkisstjórnarinnar segði að öflug löggæsla væri ein af forsendum þess að öryggi borgaranna sé tryggt.

Auglýsing

Helga Vala vísaði í Kompásþátt Vísis sem fjallaði um manndrápið í Rauðagerði. „Margeir Sveinsson, yfirlögregluþjónn hjá miðlægri rannsóknardeild lögreglunnar á höfuðborgarsvæðinu, segir þar aðspurður að lögreglan hafi að sjálfsögðu viljað vakta ferðir einstaklings sem grunaður var um að bera skammbyssu með hljóðdeyfi, en að lögreglu skorti hvort tveggja mannafla og tíma til að geta sinnt slíkum verkefnum. Maður ferðast sem sagt um landið vopnaður skammbyssu með hljóðdeyfi með vitneskju lögreglu sem getur ekki aðhafst vegna fjárskorts,“ sagði Helga Vala.

Hún skoraði á ríkisstjórnina að bregðast við áður en það yrði um seinan.

Margt verið gert til að stemma stigu við glæpastarfsemi

Birgir Ármannsson, þingmaður Sjálfstæðisflokksins, sagði fulla ástæðu til taka undir viðvörunarorð Helgu Völu í ræðu sinni undir sama dagskrárlið. Hann sagði það vera rétt sem komið hefði fram hjá lögregluyfirvöldum að skipulögð glæpastarfsemi væri vaxandi vandamál.

Birgir Ármansson þingmaður Sjálfstæðisflokks og þingflokksformaður flokksins. Mynd: Birgir Þór Harðarson

„Hins vegar held ég að rétt sé að halda því til haga að ríkisstjórnin hefur ekki, eins og háttvirtur þingmaður lét í veðri vaka, setið aðgerðalaus og látið þessa þróun eiga sér stað án þess að bregðast við með einhverjum hætti. Það er langt því frá,“ sagði Birgir í kjölfarið.

Hann sagði að fjallað hefði verið um þessi mál á vettvangi allsherjar- og menntamálanefndar. Farið hafi verið í sérstakt átak til að auka samvinnu lögregluembætta auk þess sem auknu fjármagni hafi verið varið í rannsóknir á þessu sviði. Í þriðja lagi hefðu verið gerðar ýmsar breytingar á löggjöf á þessu sviði.

„Hér hafa verið lagabreytingar sem hafa falið í sér breytingar sem varða peningaþvætti, vinnslu persónuupplýsinga í löggæsluskyni, framsal sakamanna. Við hér í þinginu erum með breytingu á lögreglulögum sem meðal annars á að svara þörf að þessu leyti. Við erum að breyta Schengen-reglum til að auðvelda okkur að nýta upplýsingakerfi í þessu skyni og svo má lengi telja,“ sagði Birgir

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kolbrún Benediktsdóttir varahéraðssaksóknari í dómsal í dag.
„Hér er ekki um leikaraskap, slysni eða eitthvað grín að ræða“
Það er mat ákæruvaldsins að Marek sé ekki að segja nákvæmlega allt sem hann muni frá deginum sem bruninn á Bræðraborgarstíg varð. Verjandi fer fram á að ef hann verði fundinn sekur og ósakhæfur verði hann ekki dæmdur til öryggisgæslu.
Kjarninn 5. maí 2021
Birna Einarsdóttir bankastjóri segir ljóst að spennandi tímar séu framundan, vegna fyrirhugaðrar sölu ríkisins á hluta af hlut sínum í Íslandsbanka.
Íslandsbanki hagnaðist um 3,6 milljarða á fyrsta ársfjórðungi
Eigið fé Íslandsbanka nam 185 milljörðum króna í lok mars. Bankastjórinn segir spennandi tíma framundan, í ljósi þess að stefnt sé að skráningu bankans á verðbréfamarkað að undangengnu útboði á hluta af hlut ríkisins í honum.
Kjarninn 5. maí 2021
Höfuðstöðvar Arion banka í Borgartúninu
Arion hagnast um 6 milljarða á þremur mánuðum
Þrátt fyrir lága vexti og efnahagssamdrátt var hagnaður Arion banka á fyrsta fjórðungi þessa árs mun meiri en á sama tímabili í fyrra.
Kjarninn 5. maí 2021
Björn Leví Gunnarsson, þingmaður Pírata.
„Þeirra er ævintýralega ósanngjarna lýðræðið sem við búum við“
Björn Leví segir að skipting sæta milli þingflokka sé mjög ójöfn. Auðveldasta lausnin til að leysa vandamálið sé að fjölga jöfnunarsætum – það sé ekki flókið né ósanngjarnt.
Kjarninn 5. maí 2021
Samkvæmt því sem segir í nafnlausum skoðanadálki Morgunblaðsins í dag „gæti orðið bið á því“ að blaðið sendi fulltrúa sinn á fund félaga í BÍ til þess að ræða umdeilda skoðanaauglýsingu Samherja sem beindist gegn fréttamanninum Helga Seljan.
Morgunblaðsmenn ekki spenntir fyrir því að ræða auglýsingu Samherja við félagsmenn BÍ
Í ritstjórnardálki í Morgunblaðinu segir að það „gæti orðið bið á því“ að yfirmenn blaðsins þekkist boð um að mæta á fund félaga í Blaðamannafélaginu til að ræða siðferðileg álitaefni í tengslum við birtingu umdeildrar auglýsingar frá Samherja á mbl.is.
Kjarninn 5. maí 2021
Lilja Rafney Magnúsdóttir, þingmaður VG.
Umræða um málefni innflytjenda gengur fram af þingmanni – Skömm að tala málið niður
Þingmaður Vinstri grænni segir að Íslendingar eigi að sýna þann þroska að geta sinnt útlendingamálum með almennilegum hætti og gera það sem best – „við sem rík þjóð“. Umræða Miðflokksmanna hafi gengið fram af henni í gær.
Kjarninn 5. maí 2021
Þriðjungur fyrstu ferðagjafarinnar fór til tíu fyrirtækja
Nú stendur til að endurnýja ferðagjöf stjórnvalda til að örva eftirspurn innanlands. Rúmur helmingur þeirra sem áttu rétt fyrstu ferðagjöfinni hafa nýtt hana. Á meðal þeirra sem fengu mest í sinn hlut voru eldsneytissalar og skyndibitakeðjur.
Kjarninn 5. maí 2021
Hluti þingliðs Miðflokksins á björtum og fallegum sumardegi fyrr á kjörtímabilinu.
Stillt upp á lista hjá Miðflokknum í öllum kjördæmum
Fimm manna uppstillingarnefndir munu setja saman framboðslista Miðflokksins í öllum kjördæmum landsins fyrir komandi kosningar, en ekki kosið í sæti á lista á félagsfundum. Fylgi flokksins hefur verið í nokkurri lægð að undanförnu.
Kjarninn 5. maí 2021
Meira úr sama flokkiInnlent