Sig­urður Ingi Jóhanns­son sjáv­ar­út­vegs- og land­bún­að­ar­ráð­herra við­ur­kennir að hafa gert mis­tök við áætl­aðan flutn­ing sinn á Fiski­stofu til Akur­eyr­ar. Sig­urður Ingi sagð­ist í kvöld­fréttum RÚV í kvöld vera sam­mála áliti umboðs­manns Alþingis og eng­inn sé yfir það haf­inn að læra af verkum sín­um.

Umboðs­maður Alþingis gagn­rýndi fram­göngu ráð­herr­ans vegna máls­ins í áliti sínu sem gert var opin­bert í gær. Sagði umboðs­maður að áform hans hafi ekki verið í sam­ræmi við vand­aða stjórn­sýslu­hætti. Umboðs­maður tekur ekki afstöðu til lög­mætis ákvörð­unar ráð­herra, og hvaða rétt­ar­á­hrif yfir­lýs­ingar og bréf hans um flutn­ing Fiski­stofu kann að hafa á hags­muni starfs­manna stofn­un­ar­inn­ar. Það sé dóm­stóla að meta.

„Ja, ég tek undir með umboðs­manni um að betur hefði mátt standa að ýmsum þátt­um, enda hef ég sagt það áður. Ég taldi að ég væri að gera hlut­ina eins og best væri, en umboðs­maður hefur nú sent ráðu­neyt­inu álit, eins og þú nefn­ir, hvernig gera má betur og ég er sam­mála honum um það. Það er eng­inn yfir það haf­inn að læra af því sem hann hefur gert og reyna að gera bet­ur,“ segir Sig­urður Ingi.

Í sam­tali við RÚV sagði Sig­urður Ingi að á næstu dögum verði farið vel yfir álit umboðs­manns með starfs­mönnum ráðu­neyt­is­ins. Reynt verði að koma til móts við til­mæli umboðs­manns.

Umboðs­maður gagn­rýn­inn á ráð­herra

Í áliti umboðs­manns frá því í gær seg­ir: „Með til­liti til þess eft­ir­lits sem umboðs­manni Alþingis er sam­kvæmt lögum ætlað að hafa með stjórn­sýsl­unni tel ég hins vegar til­efni til að lýsa þeirri afstöðu minni að yfir­lýs­ingar og bréf ráð­herra sem beint var til starfs­manna Fiski­stofu og þar með hvernig staðið var að upp­lýs­inga­gjöf um þetta mál gagn­vart þeim af hálfu ráð­herra, þ.á.m. um hvaða ákvörðun hafi verið tekin í raun um flutn­ing­inn, hafi ekki verið í sam­ræmi við vand­aða stjórn­sýslu­hætt­i.“

Þá gagn­rýnir umboðs­maður sjáv­ar­út­vegs­ráð­herra fyrir vinnu­brögð hans í mál­inu. „Þá er það álit mitt að það hafi ekki sam­rýmst þeim skyldum ráð­herra sem leiða af (lögum um Stjórn­ar­ráð Íslands, að láta hjá líða að fá um það ráð­gjöf innan ráðu­neyt­is­ins eða með öðrum hætti hvort gild­andi laga­heim­ildir stæðu til þess að ráð­herra gæti tekið ákvörðun um flutn­ing höf­uð­stöðva Fiski­stofu frá Hafn­ar­firði til Akur­eyrar áður en hann kynnti starfs­mönnum Fiski­stofu mál­ið.“