Skattar gætu hækkað vegna öldrunar þjóðar

Breytt aldurssamsetning þjóðarinnar í framtíðinni mun leiða til viðvarandi halla á opinberum fjármálum og hærra skuldahlutfalli Íslands ef ekkert verður að gert, samkvæmt fjármálaráðuneytinu.

Eldri kona
Auglýsing

Hærra hlutfall aldraðra hérlendis mun auka fjárþörf hins opinbera á næstu áratugum. Verði skattar og opinber þjónusta í óbreyttri mynd má búast við viðvarandi 4 prósenta halla á opinberum fjármálum og 87 prósenta skuldahlutfall vegna öldrunar þjóðarinnar árið 2050.

Þetta kemur fram í skýrslu fjármálaráðuneytisins um langtímahorfur í efnahagsmálum og opinberum fjármálum.

Fleiri eldri borgarar

Í skýrslunni er fjallað um hækkandi meðalaldur á heimsvísu, þar sem lífslíkur hafa aukist og frjósemi hefur minnkað. Þetta leiði til hærra hlutfalls aldraðra sem standa utan vinnumarkaðarins, en samkvæmt spátölum frá Efnahags- og framfarastofnuninni gæti það hækkað úr 28 prósentum í 43 prósent á næstu þremur áratugum.

Auglýsing

Með auknum fjölda eldri borgara er búist við að opinber útgjöld aukist, þar sem hlutfallslega fleiri muni þurfa á heilbrigðisþjónustu að halda og ríkissjóður muni þurfa að greiða meira í ellilífeyri. Þó sé mögulegt að aðrir útgjaldaflokkar, til dæmis útgjöld til menntamála, muni minnka, en heilt yfir er búist við aukningu í útgjöldum hins opinbera.

Með auknum útgjöldum og óbreyttum tekjum býst því ráðuneytið við því að viðvarandi halli verði á afkomu hins opinbera næstu áratugina.

Meiri halli og hærri skuldir kalla á skattahækkun

Þessi halli mun svo auka skuldir hins opinbera og mun því hlutfall þeirra af landsframleiðslu stöðugt vaxa. Innan þriggja áratuga er búist við því að hlutfallið, sem er núna tæplega 50 prósent, verði komið upp í 87 prósent árið 2050. Verði framtíðarhagvöxtur minni en gert er ráð fyrir núna megi búast við að skuldahlutfallið gæti farið upp fyrir 100 prósent þessu tímabili, segja skýrsluhöfundar.

Samkvæmt ráðuneytinu þýðir þetta að minna svigrúm verði hjá hinu opinbera til að auka fjárfestingar eða þjónustu í öðrum málaflokkum í framtíðinni, nema að skattar hækki.

Þó segir í skýrslunni að mikil óvissa sé um aldurssamsetningu þjóðarinnar á næstu áratugum. Lítið sé hægt að fullyrða um umfang búferlaflutninga til landsins, að hvaða marki innflytjendur verði tengdir hagsveiflunni og hvernig atvinnuþátttaka þeirra muni þróast.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Losun koldíoxíðs út í andrúmsloftið á stóran þátt í því að þolmarkadagur jarðar er jafn snemma á árinu og raun ber vitni.
Þolmarkadagur jarðarinnar er runninn upp
Mannkynið hefur frá upphafi árs notað þær auðlindir sem jörðin er fær um að endurnýja á heilu ári. Til þess að viðhalda neyslunni þyrfti 1,7 jörð.
Kjarninn 29. júlí 2021
Örn Bárður Jónsson
Ný stjórnarskrá í 10 ár – Viska almennings og máttur kvenna
Kjarninn 29. júlí 2021
Til að fá að fljúga með flugfélaginu Play verða farþegar að skila inn vottorði um neikvæða niðurstöðu úr PCR-prófi eða hraðprófi.
Hafa þurft að vísa vottorðalausum farþegum frá
Flugfélagið Play hefur fengið jákvæð viðbrögð við þeirri ákvörðun að meina farþegum um flug sem ekki hafa vottorð um neikvætt COVID próf. Fyrirkomulagið verður enn í gildi hjá Play þrátt fyrir að vottorðalausum muni bjóðast sýnataka á landamærunum.
Kjarninn 29. júlí 2021
Kamilla Jósefsdóttir og Alma Möller landlæknir.
Sértæk bóluefni gegn delta-afbrigði „okkar helsta von“
Frá því að fjórða bylgja faraldursins hófst hér á landi hafa sextán sjúklingar legið á Landspítala með COVID-19. Tíu eru inniliggjandi í dag, þar af tveir á gjörgæslu.
Kjarninn 29. júlí 2021
Kort Sóttvarnastofnunar Evrópu sem uppfært var í dag.
Ísland orðið appelsínugult á korti Sóttvarnastofnunar Evrópu
Mikil fjölgun greindra smita hér á landi hefur haft það í för með sér að Ísland er ekki lengur grænt á korti Sóttvarnastofnunar Evrópu. Væru nýjustu upplýsingar um faraldurinn notaðar yrði Ísland rautt á kortinu.
Kjarninn 29. júlí 2021
Jóhann Björn Skúlason, yfirmaður smitrakningateymis almannavarna.
Smitrakningunni „sjálfhætt“ ef fjöldi smita vex gríðarlega úr þessu
Miklar annir eru nú hjá smitrakningarteymi almannavarna. Á bilinu 180-200 þúsund notendur eru með smitrakningarforrit yfirvalda í símum sínum og það gæti reynst vel ef álagið verður svo mikið að rakningarteymið hafi ekki undan. Sem gæti gerst.
Kjarninn 29. júlí 2021
Ari Trausti Guðmundsson
Faraldur er ekki fyrirsjáanlegur
Kjarninn 29. júlí 2021
Áslaug Arna Sigurbjörnsdóttir dómsmálaráðherra.
„Ekki má hringla með marklínuna“
Dómsmálaráðherra vonar að stjórnarandstöðunni „auðnist ekki að slíta í sundur þá einingu sem ríkt hefur meðal landsmanna í baráttunni gegn veirunni“. Samhliða útbreiddri bólusetningu þurfi að slá nýjan takt og „leggja grunn að eðlilegu lífi á ný“.
Kjarninn 29. júlí 2021
Meira úr sama flokkiInnlent