Krist­inn Hrafns­son, rit­stjóri Wiki­leaks, skorar á íslenska þing­menn að láta í sér heyra varð­andi mál Julian Assange sem dúsar enn í fang­elsi í London. Ekki er búið að um það ákvörðun í áfrýj­un­ar­rétti í London hvort Banda­ríkja­mönnum verður leyft að áfrýja dómi um að hann verði ekki fram­seldur til Banda­ríkj­anna. Á meðan situr hann í mesta örygg­is­fang­elsi Bret­lands.

Þetta kemur fram í stöðu­upp­færslu Krist­ins á Face­book-­síðu hans í gær.

Hann bendir á í færsl­unni að Jer­emy Cor­byn, fyrrum leið­togi Breska verka­manna­flokks­ins, hafi síð­ast­lið­inn þriðju­dag ásamt tveimur öðrum breskum þing­mönnum farið að Bel­marsh fang­els­inu til að afhenta mót­mæla­bréf frá þverpóli­tískum hópi 20 þing­manna þar sem þess var kraf­ist að þeir fái fund með fang­anum Julian Assange. „Það hefur verið hindr­að,“ skrifar Krist­inn.

Þá bendir rit­stjór­inn enn fremur á að sama dag hafi 11 þing­menn Ástr­alíu úr öllum flokkum sent vid­eo­á­kall til Joe Bidens Banda­ríkja­for­seta um að fella málið gegn Assange nið­ur.

„Deutsche Welle segir fréttir af því í dag að þing­menn allra þýskra flokka (að und­an­skyldum öfga­flokknum AfD) hafi sent frá sér yfir­lýs­ingu þar sem vitnað er í fréttir Stund­ar­innar og sagt að hún sýni að ásak­anir á hendur Julian séu til­bún­ing­ur. Skorað er á Biden að stöðva þessar ofsóknir og á Merkel að beita sér fyrir því,“ skrifar Krist­inn.

Cor­byn tísti í dag, á afmæl­is­degi Assange, og sagði að Bret­land og Banda­ríkin væru ákveðin í að kveða niður óhentug sann­indi – það sýndi fang­elsun Assange.