For­sala á nýj­ustu útgáfu iPho­ne, snjall­síma App­le, hefur farið vel af stað og til­kynntu tals­menn fyr­ir­tæk­is­ins í dag að ef fram fer sem horfir verði sölu­metið frá fyrra ári sleg­ið. Í fyrra seld­ust tíu milljón ein­tök af iPhone 6 snjall­símum fyrstu helg­ina eftir að hann fór í sölu.

Í síð­ustu viku kynnti Tim Cook, for­stjóri App­le, nýj­ustu útgáfu iPho­ne. Forpöntun á sím­an­um, sem kemur í versl­anir þann 25. sept­em­ber næst­kom­andi, hófst nú um helg­ina. Því hefur verið spáð að um 4,5 millj­ónir ein­tök hafi verið pöntuð á fyrstu 24 klukku­stund­un­um, sam­an­borið við 4 millj­ónir ein­taka þegar iPhone 6 fór í for­sölu. Fram kemur í frétt Reuters um málið í dag að Apple hafi ekki gefið upp nákvæmar sölu­töl­ur, aðeins sagt að salan sé á góðri leið með að slá fyrra sölu­met auk þess sem not­endur hafi sér­stak­lega sýnt stærri útgáfu sím­ans, iPhone 6S Plus, aukin áhuga.

Meðal nýj­unga í upp­færðri útgáfu iPhone er svokölluð 3D Touch snert­iskjá­s­tækni, sem skynjar hversu fast ýtt er á skjá­inn, auk þess sem mynda­vél sím­ans hefur verið upp­færð. Umsjón­ar­menn Tækni­varps­ins fóru yfir iPhone og aðrar nýj­ungar frá Apple í síð­asta hlað­varps­þætti sem hlusta má á hér.