Sóttvarnalæknir leggur upp næstu mánuði

Þórólfur Guðnason sóttvarnalæknir hefur lagt fram minnisblað til ráðherra þar sem hann fer yfir framtíðarsýn sína á aðgerðir á landamærum og innanlands næstu mánuði. Hann sér ekki fyrir sér takmarkanalaust Ísland á meðan faraldurinn geisar.

Þórólfur Guðnason sóttvarnalæknir teiknar í minnisblaði sínu upp ákveðna framtíðarsýn um faraldurinn og aðgerðir vegna hans innanlands.
Þórólfur Guðnason sóttvarnalæknir teiknar í minnisblaði sínu upp ákveðna framtíðarsýn um faraldurinn og aðgerðir vegna hans innanlands.
Auglýsing

Þórólfur Guðna­son sótt­varna­læknir seg­ist telja ólík­legt að hægt verði að búa við tak­marka­laust sam­fé­lag á Íslandi á meðan COVID-19 geisar í heim­inum og hefur lagt til við Svandísi Svav­ars­dóttur heil­brigð­is­ráð­herra bæði aðgerðir inn­an­lands og á landa­mærum til næstu mán­aða hið minnsta.

Það gerði hann í minn­is­blaði til ráð­herra sem sent var þann 11. ágúst, fyrir viku síð­an. Þar kemur fram að hann telji mik­il­væg­asta þátt sótt­varna gegn COVID-19 að lág­marka flutn­ing veirunnar hingað til lands með far­þeg­um. Landamæra­að­gerðir eru að hans mati sömu­leiðis for­senda þess að hægt verði að við­hafa lág­marks­tak­mark­anir inn­an­lands. Aðgerð­irnar sem Þórólfur leggur til inn­an­lands eru keim­líkar þeim sem eru nú í gildi.

Tekið skal fram að ekki er búið að taka neinar ákvarð­anir sem byggja á þessu skjali, en rík­is­stjórnin ræddi það þó á fundi sínum fyrir hádegi í dag og í fram­hald­inu var það afhent fjöl­miðl­um.

Svan­dís Svav­ars­dóttir heil­brigð­is­ráð­herra kall­aði þessar til­lögur sótt­varna­læknis umræðu­grund­völl til lengri tíma, í umræðu­þætt­inum Pall­borð­inu á Vísi í dag.

„Þetta er rosa­lega mik­il­vægt plagg frá sótt­varna­lækni inn í umræð­una og við eigum að horfa á þetta með þeim augum að þarna talar maður sem hefur mesta þekk­ingu af okkur öllum á far­öldrum, hvernig þeir virka og hvar við erum stödd í þess­ari bylgju núna og hvers að vænta inn í næstu mán­uð­i,“ sagði Svan­dís í þætt­in­um.

Allir komu­far­þegar verði skimaðir

Þórólfur segir að hafa þurfi í huga að ekki sé hægt að úti­loka alveg með aðgerðum á landa­mærum að kór­ónu­veiran ber­ist hingað til lands. Áhætt­una sé hins vegar hægt að lág­marka með aðgerð­unum sem hann leggur til, sem „ekki ættu að vera of íþyngj­and­i.“

Sótt­varna­lækn­ir­inn leggur til að far­þegar sem hingað koma verði allir krafðir um nei­kvæða nið­ur­stöðu úr ýmist PCR-­prófi eða hrað­prófi, óháð því hvort þeir séu bólu­settir eða ekki.

Svandís Svavarsdóttir heilbrigðisráðherra segir minnisblað Þórólfs mikilvægt plagg inn í umræðuna. Mynd: Bára Huld Beck.

Þá verði allir far­þegar sem hingað koma, börn þar með tal­in, skimuð við kom­una til lands­ins. Þeir sem ekki geti fram­vísað vott­orðum um nei­kvæð próf við kom­una til lands­ins þurfi að und­ir­gang­ast tvö PCR-­próf með 5 daga sótt­kví á milli.

Að auki leggur Þórólfur til að skoðað verði hvort ástæða gæti verið til að taka í notkun hrað­próf í stað PCR-­prófa á landa­mær­un­um, ef sýnt þykir að grein­ing­ar­geta vegna PCR-­prófa muni ekki duga við skimanir á landa­mær­um.

„Ef ekki verður hægt að anna ofan­greindum skimunum vegna fjölda ferða­manna þá legg ég til að leitað verði leiða til tak­marka fjölda ferða­manna við þann fjölda sem okkar sótt­varna­ráð­staf­anir ráða við,“ segir Þórólfur í minn­is­blaði sínu.

Leggur til svip­aðar aðgerðir og eru nú í gildi inn­an­lands

„Ég tel ólík­legt að hægt verði að búa hér við tak­marka­laust sam­fé­lag á meðan að COVID-19 geisar í heim­in­um. Aldrei verður hægt að tryggja til fulls að SAR­S-CoV-2 ber­ist ekki inn erlendis frá þrátt fyrir góðar sótt­varna­að­gerðir á landa­mær­un­um. Ef engar tak­mark­anir eru til staðar inn­an­lands þá mun hver og ein veira sem sleppur yfir landa­mærin geta sett af stað far­aldur í slíku umhverfi. Auk þess verða aldrei allir bólu­settir og vörn hjá bólu­settum getur dvínað með tím­an­um. Því tel ég að ákveðnar tak­mark­anir þurfi ætíð vera til staðar til að koma í veg fyrir að slíkt ger­ist. Slíkar tak­mark­anir þurfa ekki að vera íþyngj­andi og eiga að geta tryggt hér eðli­legt líf,“ segir í minn­is­blaði Þór­ólfs um þær ráð­staf­anir sem hann leggur til inn­an­lands næstu mán­uði.

Þar er margt mjög svipað því sem er í gildi í dag og þar til að minnsta kosti 27. ágúst.

Þórólfur leggur til almenn fjölda­tak­mörk, sem gætu mið­ast við 200 manns. Stærri við­burðir gætu þó verið leyfð­ir, gegn því að gestir sýni fram á nei­kvætt PCR-­próf eða antigen hrað­próf sem ekki mætti vera eldra en 24-48 klst gam­alt. „Benda má á reynslu Dana af slíku fyr­ir­komu­lag­i,“ segir í minn­is­blaði sótt­varna­lækn­is.

Auglýsing

Hann leggur til að smitrakn­ingu, ein­angrun á smit­aða og sótt­kví hjá útsettum verði áfram beitt og sagði reyndar einnig að til­laga sem fram hefur komið um að hætta sótt­kví bólu­settra yrði að hans mati „meiri­háttar mis­tök“ í sam­tali við mbl.is í dag.

Sótt­varna­læknir segir að eins metra nánd­ar­regla ætti almennt að gilda áfram, nema ef til vill á við­burðum þar sem gestir sitja og eru með grímu.

Grímu­skylda verði svo áfram við ákveðnar aðstæð­ur, sér­stak­lega inn­an­húss þar sem margir koma sam­an, ekki er hægt að tryggja nánd­ar­reglu eða hús­næðið illa loft­ræst.

Þórólfur leggur til að veit­inga­stað­ir, skemmti­staðir og barir verði opnir til kl. 23 á kvöld­in, eins og er í dag. Engar tak­mark­anir verði á skóla­starfi en áhersla lögð á almennar sótt­varnir og sér­stak­lega verði hugað að loft­ræst­ingu og loft­ræsti­kerfum í skóla­starfi og þar sem við­kvæmir hópar eru, t.d. á hjúkr­un­ar­heim­il­um.

Þórólfur leggur til að þessar aðgerðir „verði almennar tak­mark­anir sem verði við líði þar til far­ald­ur­inn verður um garð geng­inn,“ en gera þurfi ráð fyrir því að tíma­bundið þurfi að grípa til hertra aðgerða í sér­stökum til­vikum í stuttan tíma ef upp koma óvænt atvik sem ekki ræðst við með öðrum aðferð­um.

Styrk­ing heil­brigð­is­kerfis

Einnig leggur Þórólfur til að áfalla­þol og geta heil­brigð­is­kerf­is­ins til að ann­ast veika COVID-­sjúk­linga verði efld án þess að það komi niður á þjón­ustu við aðra sjúk­linga­hópa, reglu­lega verði skoðað hvort gefa þurfi örv­un­ar­skammta af bólu­efni gegn COVID-19 eða bólu­setja með nýjum bólu­efn­um.

Þá þurfi að gera leið­bein­ingar um reglu­bundnar skimanir með PCR eða antigen hrað­grein­ing­ar­prófum í fyr­ir­tækjum og á vinnu­stöðv­um. Skylda þurfi reglu­bundnar skimanir á stöðum þar sem við­kvæm starf­semi fer fram, eins og á heil­brigð­is­stofn­unum og hjúkr­un­ar­heim­ilum og styrkja sýkla- og veiru­fræði­deild til þess að þar verði unnt að gera rað­grein­ingar á veirum og bakt­er­í­um. Auk þess þurfi að styrkja almanna­varnir sem og sótt­varnir til að tryggja snörp við­brögð ef útbreitt smit kemur upp.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Ingrid Kuhlman
Að rækta með sér von er lykillinn að farsælu lífi
Kjarninn 28. nóvember 2022
Isabel dos Santos er elsta dóttir fyrrverandi forseta Angóla.
Forríka forsetadóttirin: „Ég er ekki í felum“
Dóttir fyrrverandi forseta Angóla, milljarðamæringurinn Isabel dos Santos, segist ekki á flótta undan réttvísinni. Stjórnvöld í heimalandi hennar hafa beðið alþjóða lögregluna, Interpol, um aðstoð við að hafa uppi á henni.
Kjarninn 28. nóvember 2022
Heiðrún Lind Marteinsdóttir er framkvæmdstjóri Samtaka fyrirtækja í sjávarútvegi. Hún skrifar undir umsögnina.
SFS styðja frumvarp Svandísar um að hækka veiðigjöld á næsta ári en lækka þau árin á eftir
Ríkisstjórnin setti inn heimild fyrir útgerðir til að fresta skattgreiðslum á meðan að á kórónuveirufaraldrinum stóð. Sjávarútvegur skilaði methagnaði á meðan. Allt stefndi í að veiðigjöld yrðu fyrir vikið mun lægri en fjárlagafrumvarpið gerir ráð fyrir.
Kjarninn 28. nóvember 2022
Litla-Sandfell í Þrengslum myndaðist í gosi undir jökli fyrir þúsundum ára.
„Til að búa til sement og steypu þarf að fórna“ Litla-Sandfelli
Eden Mining, sem ætlar að mylja Litla-Sandfell niður til útflutnings, er virkilega annt um loftslag jarðar ef marka má svör fyrirtækisins við gagnrýni stofnana á framkvæmdina. „Það er óraunhæft að öll íslensk náttúra verði ósnortin um aldur og ævi.“
Kjarninn 28. nóvember 2022
Ferðamenn við íshellana í Kötlujökli.
Vísa ásökunum um hótanir á bug
EP Power Minerals, fyrirtækið sem hyggur á námuvinnslu á Mýrdalssandi segir engan fulltrúa sinn hafa hótað ferðaþjónustufyrirtækjum svæðinu líkt og þau haldi fram. Skuldinni er skellt á leigjendur meðeigenda að jörðinni Hjörleifshöfða.
Kjarninn 28. nóvember 2022
Gylfi Zoega, prófessor í hagfræði sem situr í peningastefnunefnd Seðlabanka Íslands.
Ætti ríkið að greiða hverri nýrri kynslóð „heimanmund“ til þess að byrja ævina á?
Gylfi Zoega, prófessor í hagfræði, veltir fyrir sér þriðju leiðinni sem sameini hagkvæmni húsnæðismarkaðar og réttlætiskennd okkar gagnvart því að allir eigi rétt á þaki yfir höfuðið.
Kjarninn 27. nóvember 2022
Bjarni Bjarnason, forstjóri Orkuveitu Reykjavíkur, var í viðtali í Silfrinu á RÚV. Mynd / Aðsend.
Hugmyndir um útbreidd vindorkuver „alls ekki raunhæfar”
Bjarni Bjarnason forstjóri Orkuveitu Reykjavíkur varar við því að reist verði mörg vindorkuver á skömmum tíma. Hann segir fyrirtæki sem sækist eftir því að reisa vindorkuver ekki gera það til að bjarga loftslaginu heldur hugsi um ágóða.
Kjarninn 27. nóvember 2022
Búa til vistvæn leikföng og vörur fyrir börn
Tveir Íslendingar í Noregi safna fyrir næstu framleiðslu á nýrri leikfangalínu á Karolina Fund.
Kjarninn 27. nóvember 2022
Meira úr sama flokkiInnlent