Tón­list­ar­veitan Spotify er að und­ir­búa inn­reið á net­mynd­banda­mark­að­inn, sam­kvæmt frétt Wall Street Journal. Þar ætlar sænska fyr­ir­tækið að takast á við risa á borð við Youtube og Face­book.

Í frétt blaðs­ins segir að Spotify hafi átt í við­ræðum við þónokkra stóra aðila innan staf­ræna fjöl­miðla­heims­ins um mögu­legt sam­starf. Á meðal þeirra eru fyr­ir­tæki sem sér­hæfa sig í að búa til og dreifa efni á Youtu­be. Hug­myndin er þá að efni þeirra fari frekar á nýjan vett­vang Spotify auk þess sem fyr­ir­tækin myndu fram­leiða nýtt efni sér­stak­lega í sam­starfi við Spoti­fy. Þá hafa við­ræður einnig átt sér stað við hefð­bundn­ari fjöl­miðla­fyr­ir­tæki.

Á meðal fyr­ir­tækja sem Spotify hefur átt í við­ræðum við eru Time Inc., Tastema­de, Maker Studio og Fullscreen. Búist er við því að Spotify kynni mögu­lega þessa breyt­ingu í þessum mán­uði. Þegar hefur verið boðað til kynn­ingar á vegum sænska fyr­ir­tæk­is­ins þann 20. maí næst­kom­andi en engar upp­lýs­ingar hafa verið gefnar um hvað standi til að kynna.

Mikið tap á rekstri Spotify

Þótt vöxtur Spotify hafi verið gríð­ar­legur und­an­farin ár, og lík­ast til hafa fá ef nokkur fyr­ir­tæki hrist jafn ræki­lega upp í tón­list­ar­geir­anum með jafn afger­andi hætti og það und­an­farin ár, hefur fyr­ir­tækið aldrei skilað hagn­aði.

Í fyrra námu tekjur Spotify 172 millj­örðum króna, en samt tap­aði fyr­ir­tækið 26 millj­örðum króna á árinu. Það var meira tap en árið 2013 þegar tapið nam um níu millj­örðum króna.

Alls eru not­endur Spotify um 60 millj­ónir alls, en greið­andi áskrif­endur eru um 15 millj­ón­ir. Stjórn­endur fyr­ir­tæk­is­ins segja að tapið skýrist fyrst og fremst að kostn­aði vegna vöru­þró­un­ar, aukn­ingu á þjón­ustu og ýmis konar leyf­is­mál­um.

Þessi staða, að Spotify sé enn að tapa stórum fjár­hæð­um, gæti skýrt að hluta áform fyr­ir­tæk­is­ins um að fara inn á net­mynd­bands­mark­að­inn. Í gegnum hann getur fyr­ir­tækið nefni­lega haft miklar aug­lýs­inga­tekj­ur.

Það er þó ekki auð­velt að ná fót­festu á net­mynd­banda­mark­að­in­um. Youtube trónir þar yfir öðrum og tekur 45 pró­sent af öllum aug­lýs­inga­tekjum mynd­banda sem sýnd eru á veit­unni. Alls námu tekjur Youtu­be, sem er í eigu Goog­le, um 528 millj­örðum króna í fyrra. Samt skil­aði fyr­ir­tækið rétt svo hagn­aði. Face­book hefur einnig verið að færa sig mjög upp á skaftið á net­mynd­banda­mark­að­in­um. Það eru því engir smá fiskar sem Spotify ætlar að fara að slást við.