Ótt­ast er að hund­ruð manna hafi lát­ist þegar bát hvolfdi í Mið­jarð­ar­haf­inu í nótt, en um 700 flótta­menn voru á bátnum þegar honum hvolfdi. Umfangs­miklar björg­un­ar­að­gerðir eru í nú í gangi skammt undan ströndum ítölsku eyj­unnar Lampedusa. Josep Musca, for­sæt­is­ráð­herra Möltu, segir að um „stór­slys“ sé að ræða og björg­ung­ar­starfið sé í kappi við tím­ann.

Slysið varð þegar björg­un­ar­skip kom að bátnum þar sem flótt­fólkið var, en bátnum hvolfdi þegar það reyndi í örvænt­ingu að kom­ast nærri björg­un­ar­skip­inu.

Sam­kvæmt til­kynn­ingu frá ítölsku land­helg­is­gæsl­unni, sem breska rík­is­út­varpið BBC vitnar til í umfjöllun sinni, eru fiski­bát­ar, skemmti­ferð­ar­skip og björg­un­ar­skip öll á staðnum til að aðstoða, en 28 hefur verið bjargað þegar þetta er skrif­að.

Algengt er að flóta­fólk reyni að kom­ast yfir Mið­jarð­ar­hafið til Ítal­íu, frá Afr­íku og Mið-Aust­ur­lönd­um. Þetta hefur færst í vöxt að und­an­förnu, sam­hliða vax­andi átökum víða í þessum álf­um. Í fyrra komu 170 þús­und flótta­menn þessa leið yfir Mið­jarð­ar­hafið og upp á land á Ítal­íu.