Pen­inga­stefnu­nefnd Seðla­banka Íslands hefur ákveðið að hækka vexti á lánum bank­ans um 0,25 pró­sentu­stig. Með því verða stýri­vextir bank­ans komnir upp í 1,5 pró­sent. Þetta kemur fram í til­kynn­ingu nefnd­ar­innarsem birt var á vef bank­ans í morg­un.

Útlit fyrir kröft­ugan efna­hags­bata

Sam­kvæmt til­kynn­ing­unni sýna bráða­birgða­tölur að hag­vöxtur á fyrri hluta þessa árs hafi verið nokkuð minni en bank­inn spáði í ágúst. Hins vegar séu vís­bend­ingar um að efna­hags­bati hafi verið kröft­ugur á nýliðnum árs­fjórð­ungi og að hag­vaxt­ar­horfur fyrir árið í heild hafi lítið breyst.

Verð­bólga eykst enn

Nefndin nefnir einnig að verð­bólga hafi haldið áfram að aukast, en hún mæld­ist 4,4 pró­sent í sept­em­ber. Hröð hækkun hús­næð­is­verðs útskýrir stóran hluta af verð­bólg­unni, en sam­kvæmt yfir­lýs­ingu pen­inga­stefnu­nefndar hefur und­ir­liggj­andi verð­bólga haldið áfram að hjaðna. Áhrif tíma­bund­inna fram­boðs­trufl­ana, sem hafa hækkað kostnað við að fram­leiða og dreifa vörur um allan heim, gætu aftur á móti varað lengur en áður var talið að mati nefnd­ar­inn­ar.

„Þótt und­ir­liggj­andi verð­bólga fari minnk­andi er það áhyggju­efni að verð­bólgu­vænt­ingar virð­ast hafa tekið að hækka á ný,“ segir í yfir­lýs­ing­unni. „Of snemmt er þó að segja til um hvort kjöl­festa þeirra við verð­bólgu­mark­mið sé að veikj­ast.“ Nefndin bætir einnig við a hún muni beita þeim tækjum sem hún hefur yfir að ráða til að tryggja að verð­bólga hjaðni aftur í mark­mið „innan ásætt­an­legs tíma“.