Styrkjakerfi fyrir einkarekna fjölmiðla samþykkt á Alþingi

Alþingi afgreiddi í dag frumvarp mennta- og menningarmálaráðherra um styrkjakerfi fyrir einkarekna fjölmiðla. Þorri þeirra 400 milljóna króna sem skipt verður á milli fjölmiðla fer til þriggja stórra fjölmiðlafyrirtækja.

Lilja D. Alfreðsdóttir, mennta- og menningarmálaráðherra.
Lilja D. Alfreðsdóttir, mennta- og menningarmálaráðherra.
Auglýsing

Frum­varp Lilju D. Alfreðs­dótt­ur, mennta- og menn­ing­ar­mála­ráð­herra, um styrkja­kerfi fyrir einka­rekna fjöl­miðla, var sam­þykkt á Alþingi í dag. Alls greiddu 34 þing­menn atkvæði með frum­varp­inu, en ell­efu á móti og tólf þing­menn greiddu ekki atkvæði.

Þeir þing­menn sem greiddu atkvæði gegn frum­varp­inu voru allir þing­menn Mið­flokks­ins auk Sig­ríðar Á. And­er­sen, þing­manns Sjálf­stæð­is­flokks og Guð­mundar Inga Krist­ins­sonar úr Flokki fólks­ins. Þrír stjórn­ar­lið­ar, allir úr Sjálf­stæð­is­flokki, sátu hjá við atkvæða­greiðsl­una. Þeir eru Brynjar Níels­son, Jón Gunn­ars­son og Óli Björn Kára­son. Þing­menn Sam­fylk­ingar voru einu stjórn­ar­and­stæð­ing­ar­innar sem studdu frum­varpið og gerðu það ásamt öllum við­stöddum þing­mönnum Vinstri grænna og Fram­sókn­ar­flokks og ell­efu þing­mönnum Sjálf­stæð­is­flokks.

Í frum­varp­inu felst að 400 millj­ónum króna verður skipt á milli þeirra einka­reknu fjöl­miðla sem upp­fylla skil­yrði fyrir styrkja­greiðsl­unni.

Auglýsing
Upphaflega stóð til að styrkirnir yrðu að hámarki 50 millj­ónir króna til hvers fjöl­mið­ils, en frum­varpið átti í erf­ið­leikum að ná í gengum þing­flokk Sjálf­stæð­is­flokks í því formi. Því var þakið hækkað upp í 100 millj­ónir króna sem þýðir að þrjú stærstu fjöl­miðla­fyr­ir­tæki lands­ins: Árvak­ur, Torg og Sýn, fá rúm­lega 100 millj­ónum krónum meira en í fyrri útgáfu og um 20 minni fjöl­miðlar fyrir vikið um 100 millj­ónum krónum minna.

Styrkja­kerfið verður við lýði út næsta ár og fjöl­miðlar verða að sækja um styrki fyrir 1. ágúst næst­kom­andi.

Frum­varpið byggir á nefnd­ar­á­liti meiri­hluta alls­herj­ar- og mennta­mála­nefnd­ar, sem var birt fyrr í þessum mán­uði.

Sam­kvæmt álit­inu gerði meiri­hlut­inn nokkrar breyt­ingar á frum­varp­inu. Þar ber hæst að sett verði þrengri skil­yrði um til að telj­ast stuðn­ings­hæfur fjöl­mið­ill.

Sú þreng­ing felur í ann­ars vegar í sér að lág­marks­út­gáfu­tíðni prent­mið­ils þar að vera að minnsta kosti 20 útgáfur á ári og aðrir miðlar sem hljóti styrk þurfi að „miðla nýjum frétt­um, frétta­tengdu efni eða umfjöllun um sam­fé­lags­leg mál­efni á virkum dögum í 20 vikur á ári.“

Í frum­varp­inu sem Lilja lagði upp­haf­lega fram í des­em­ber stóð að launa- og verk­taka­kostn­aður allra sem öfl­uðu og miðl­uðu efni væri stuðn­ings­hæf­ur. Meiri­hlut­inn hefur lagt til að þessi skil­yrði verði þrengd veru­lega og að þeir miðlar einir verði stuðn­ings­hæfir sem afli og miðli „frétt­um, frétta­tengdu efni og umfjöllun um sam­fé­lags­leg mál­efn­i.“

Kjarn­inn er einn þeirra fjöl­miðla sem upp­fyllir skil­yrði frum­varps­ins um styrkja­greiðslu.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Bjarni hættir sem forstjóri Orkuveitu Reykjavíkur
Forstjóri Orkuveitu Reykjavíkur, Bjarni Bjarnason, óskaði eftir því á fundi stjórnar Orkuveitu Reykjavíkur að láta af störfum sem forstjóri í mars á næsta ári. Þá verða tólf ár liðin síðan Bjarni tók við forstjórastöðunni.
Kjarninn 26. september 2022
Halla Hrund Logadóttir orkumálastjóri.
Orkumálastýra fer spennt til vinnu á hverjum morgni – Ekki bara dökk ský í loftslagsmálum
„Það sem mun koma okkur á leiðarenda og út úr þessu hættuástandi er heitstrenging þess að vinna saman,“ segir Halla Hrund Logadóttir, forstjóri Orkustofnunar. Koma þurfi hlutunum í verk heima fyrir en ekki síður að beita sér í þágu fátækari ríkja.
Kjarninn 26. september 2022
Þjóðhættir
Þjóðhættir
Þjóðhættir – Hættið þessu fikti strákar!
Kjarninn 26. september 2022
Fyrstu meðalhraðamyndavélarnar hér á landi voru settar upp í fyrra. Ávinningurinn af þeim, í formi lægri slysakostnaðar, er sagður geta verið tífaldur á við kostnaðinn við að halda úti kerfunum.
Meðalhraðaeftirlit gæti verið „arðbærasta“ umferðaröryggismálið
Drög að nýrri umferðaröryggisáætlun stjórnvalda hafa verið birt. Þar segir að innleiðing meðalhraðaeftirlits á vegum landsins gæti talist arðbærasta umferðaröryggisframkvæmdin sem völ er á og að innleiðing slíks eftirlits verði forgangsmál næstu árin.
Kjarninn 26. september 2022
Kallað var eftir auknum kaupmætti í kröfugöngu verkalýðsins 1. maí síðastliðinn.
Kaupmáttur hefur rýrnað um 4,2 prósent á þessu ári og hefur ekki verið minni síðan 2020
Í júní síðastliðnum lauk tólf ára samfelldu skeiði þar sem kaupmáttur launa jókst, sé horft til breytinga milli ára. Á síðasta ári hefur kaupmátturinn himns vegar rýrnað um 1,6 prósent og hefur ekki verið minni síðan í lok árs 2020.
Kjarninn 26. september 2022
Guðmundur Ingi Guðbrandsson er félags- og vinnumarkaðsráðherra.
Vill lengja tímabil endurhæfingarlífeyris úr þremur árum í fimm
Stjórnvöld vilja gera fólki kleift að fá greiddan endurhæfingarlífeyri í lengri tíma en nú er gert ráð fyrir í lögum. Tilgangurinn er að reyna að fækka þeim sem fara á örorku og fjölga þeim sem snúa aftur til vinnu.
Kjarninn 26. september 2022
Tæknivarpið
Tæknivarpið
Tæknivarpið - Google Analytics bann og GTA6 myndbroti lekið
Kjarninn 26. september 2022
„Lukkuriddararnir“ í bakgarðinum
Þrír fyrrverandi þingmenn, fjögur erlend stórfyrirtæki, félag í eigu svokallaðs hrunverja og fólk úr sveitum Vesturlands koma við sögu í frásögn Sunnu Óskar Logadóttur af fundi þar sem vindorkufyrirtæki kynntu áform sín.
Kjarninn 26. september 2022
Meira úr sama flokkiInnlent