Sýn hefur skilað tapi á sjö af síðustu átta ársfjórðungum

Fjarskipta- og fjölmiðlafyrirtækið Sýn hefur tapað um 2,5 milljörðum króna frá byrjun árs 2019. Nær allar tekjustoðir félagsins lækkuðu milli ára. Félagið er að selja innviðaeignir fyrir háar fjárhæðir og ætlar að skila því fé til hluthafa.

Heiðar Guðjónsson er forstjóri Sýnar.
Heiðar Guðjónsson er forstjóri Sýnar.
Auglýsing

Fjarskipta- og fjölmiðlafyrirtækið Sýn hefur skilað tapi á sjö af síðustu átta ársfjórðungum. Eina skiptið sem það hefur skilað hagnaði frá byrjun apríl 2019 er á þriðja ársfjórðungi í fyrra, þegar hagnaðurinn var átta milljónir króna.

Síðasta uppgjör Sýnar var birt í gær, miðvikudag. Þar kom fram að Sýn tapaði 231 milljónum króna á fyrsta ársfjórðungi yfirstandandi árs. 

Sýn tapaði 405 milljónum króna á síðasta ári. Það er töluvert minna tap en félagið skilaði af sér árið 2019, þegar það tapaði 1.748 milljónum króna. Samanlagt tap samstæðunnar á tveimur árum er því tæplega 2,2 milljarðar króna og frá byrjun árs 2019 hefur félagið tapaði um 2,5 milljörðum króna.

Árið 2019 réð mestu að virðisrýrnun viðskiptavildar vegna fjölmiðla samstæðunnar var færð niður um tæplega 2,5 milljarða króna, en á móti kom líka einskiptissöluhagnaður vegna sölu á færeyska félaginu P/F Hey upp á 872 milljónir króna.

Allir tekjustraumar Sýnar drógust saman á fyrsta ársfjórðungi ársins 2021 nema farsímatekjur félagsins, sem jukust um þrjú prósent. Heildartekjur voru 4.962 milljónir króna sem er 33 milljónum króna lægri tekjur en Sýn hafði á fyrstu þremur mánuðum síðasta árs. 

Tap vegna sölu á færeysku félagi

Á síðasta degi fyrsta ársfjórðungs var skrifað undir samninga um að selja það sem kallaðir eru óvirkir farsímainnviðir Sýnar á 7,1 milljarð króna. Söluhagnaður Sýnar vegna þessa er yfir 6,5 milljarðar króna. Um er að ræða meðal annars sendaturnar í farsímakerfi félagsins. Sýn leigir svo innviðina til baka. Söluhagnaðurinn er ekki færður nema að hluta í gegnum rekstur á söludegi og eftirlitsstofnanir eiga enn eftir að samþykkja kaupin. 

Auglýsing
Í tilkynningu vegna uppgjörsins kemur einnig fram að þann 31. mars hafi verið undirritaður samningur um sölu á 49,9 prósent hlut í færeyska hlutdeildarfélaginu P/F 20.11.19. Þar segir að kaupverðið hafi verið 52,5 milljónir danskra króna. „Bókfært verð fjárfestingar í hlutdeildarfélaginu var hærra en söluverð og því var gjaldfært tap af sölunni að fjárhæð 189 m.kr. Kaupverðið var greitt að fullu til félagsins þann 21. apríl. Áfram verður til staðar þjónustusamningur á milli félaganna.“

Heildarfjárfestingar Sýnar á fyrstu þremur mánuðum ársins 2021 námu 807 milljónum króna. Þar af voru fjárfestingar í varanlegum rekstrarfjármunum og óefnislegum eignum 231 milljónir króna. Fjárfesting í sýningarréttum var 576 milljónir króna. 

Í fjárfestakynningu Sýnar kemur fram að ákvörðun um að færa Stöð 2 alfarið í læsta dagskrá, sem fól í sér að fréttatíma stöðvarinnar var læst snemma á þessu ári, hafi haft jákvæð áhrif á áskriftartekjur. „Þær voru sambærilegar í janúar 2021 og desember 2020, sem alla jafna er tekjuhæsti mánuður ársins. Áskrifendum Stöðvar 2 fjölgaði um 12 prósent á milli 1F 2021 og 1F 2020.“

Ætla að ráðast í meiri sölu innviða

Heiðar Guðjónsson, einn stærsti einkafjárfestirinn í félaginu með 9,16 prósent eignarhlut, settist sjálfur í forstjórastól þess snemma árs 2019 og var formlega ráðinn í starfið í apríl á því ári. Hann hefur því stýrt Sýn í tvö ár og skilað taprekstri í sjö af þeim átta ársfjórðungum sem hann hefur gegnt starfinu. 

Í fréttatilkynningu vegna uppgjörs fyrsta ársfjórðungar er haft eftir Heiðari að árið 2020 hafi verið ár viðsnúnings í rekstri og að yfirstandandi ár sé ár viðsnúningur í efnahag Sýnar. „Við stefnum á meiri sölu innviða á árinu en nú þegar er ljóst að skuldirnar sem við tókum á okkur við kaup á eignum 365 verða greiddar upp á þessu ári auk þess sem mikið svigrúm myndast til endurkaupa hlutabréfa.“

Hann segir uppgjör fyrsta ársfjórðungs litast af árstíðarsveiflu sem jafnan sé í rekstrinum. „Við sjáum að Fjölskyldupakkinn sem við hleyptum af stokkunum í lok tímabilsins selst framar vonum en hefur ekki áhrif á uppgjörið. Viðsnúningur í rekstri er því í fullum gangi. Á móti kemur að sölutap er innleyst af eign í Færeyjum uppá tæpar 200 milljónir.“

Stærstu eigendur Sýnar eru Gildi lífeyrissjóður með 12,73 prósent hlut, Lífeyrissjóður vezlunarmanna með 10,73 prósent hlut og Kvika banki sem er skráður fyrir 9,85 prósent hlut, en þar er að öllum líkindum um framvirka samninga að ræða og raunverulegir eigendur þeirra aðrir. Lífeyrissjóðir eiga að minnsta kosti um helming hlutafjár Sýnar samanlagt.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
N1 er vinsælasti viðkomustaður þeirra sem hafa notað nýju ferðagjöf stjórnvalda.
Bensínstöðvar, baðlón og skyndibitastaðir vinsælust hjá notendum nýrrar ferðagjafar
Yfir 10 þúsund manns hafa nýtt nýja ferðagjöf stjórnvalda og um 50 milljónir króna verið greiddar út. Kunnugleg nöfn raða sér í efstu sæti þeirra fyrirtækja sem tekið hafa við mestu en baðlónið Sky Lagoon kemur nýtt inn á lista og tyllir sér í annað sæti.
Kjarninn 17. júní 2021
Guðjón Sigurðsson
Alþjóðlegur MND dagur 20. júní 2021
Kjarninn 17. júní 2021
Már Guðmundsson, fyrrverandi seðlabankastjóri.
Fyrrverandi seðlabankastjóri fékk fálkaorðuna
Forseti Íslands sæmdi fjórtán manns fálkaorðunni á Bessastöðum í dag.
Kjarninn 17. júní 2021
Gunnar Smári Egilsson, formaður framkvæmdastjórnar Sósíalistaflokksins.
Vilja endurvekja sjálfstæðisbaráttuna
„Eins og fyrri kynslóðum tókst að umbreyta íslensku samfélagi með sjálfstæðisbaráttu almennings þá mun okkur takast það einnig. Þeim tókst það og okkur mun líka takast það.“ Sósíalistaflokkurinn sendi frá sér tilkynningu í tilefni af 17. júní.
Kjarninn 17. júní 2021
Ólafur Ólafsson
Mannréttindadómstóll Evrópu vísar kæru Ólafs Ólafssonar frá
MDE hafnaði í morgun með afgerandi hætti að Rannsóknarnefnd Alþingis hefði brotið gegn rétti Ólafs Ólafssonar til réttlátar málsmeðferðar.
Kjarninn 17. júní 2021
Dánartíðni var hærri í öllum öðrum EES-löndum, ef miðað er við sögulegt meðaltal.
Umframdánartíðnin minnst á Íslandi
Minnsti munur var á mánaðarlegri dánartíðni og sögulegu meðaltali hennar hér á landi af löndum EES.
Kjarninn 17. júní 2021
Sjúkratryggingar Íslands greiða stærstan hluta af þjónustu sem veitt er á Heilsustofnuninni í Hveragerði.
Lítið gerst í úttekt á Heilsustofnun í Hveragerði og óvíst hvort henni verði haldið áfram
Fyrir rúmum tveimur árum var gerður nýr þjónustusamningur við Heilsustofnunina í Hveragerði. Skömmu síðar var upplýst um rekstrarkostnað sem vakti upp spurningar. Ráðist var í úttekt á starfseminni í kjölfarið. Hún hefur engu skilað.
Kjarninn 17. júní 2021
Eimskip viðurkennir brot sín og greiðir einn og hálfan milljarð í sekt.
Eimskip viðurkennir alvarleg samkeppnislagabrot og fær 1,5 milljarða sekt
Eimskip hefur viðurkennt að hafa viðhaft ólögmætt samráð við Samskip árum saman og greiðir 1,5 milljarð króna í sekt vegna máls sem hefur verið til rannsóknar frá 2013. Samskip eru enn til rannsóknar hjá Samkeppniseftirlitinu.
Kjarninn 16. júní 2021
Meira úr sama flokkiInnlent