Eina útfærða aðgerð nýrrar rík­is­stjórnar til að bæta hag líf­eyr­is­þega er tvö­földun á sér­stöku frí­tekju­marki vegna atvinnu­tekna elli­líf­eyr­is­þega. Markið á að hækka úr 100 í 200 þús­und krónur um kom­andi ára­mót. 

Helgi Pét­urs­son, for­maður Lands­sam­bands eldri borg­ara, sagði við Vísi í fyrra­dag að til­tölu­lega fáir úr hópi líf­eyr­is­þega muni geta nýtt sér þetta úrræði, sem á sam­kvæmt fjár­laga­frum­varp­inu að kosta um 540 millj­ónir króna á ári. 

Ef for­sendur fjár­laga ganga út frá því að allir sem nýttu sér frí­tekju­markið myndu gera það að fullu þá myndi það þýða að 5.400 manns myndu skipta þeirri upp­hæð á milli sín. Til sam­an­burðar mun áfram­hald­andi nið­ur­fell­ing á gistin­átta­gjaldi kosta rík­is­sjóð um 860 millj­ónir króna á næsta ári og yfir einn millj­arð króna á árinu 2023. 

Í band­orms­frum­varpi sem lagt hefur verið fram sam­hliða fjár­laga­frum­varpi, til að tryggja þær breyt­ingar á lögum sem nauð­syn­legar eru til að tryggja virkni þess, er ákvörð­unin um tvö­földum frí­tekju­marks­ins rök­studd. 

Þar segir að óum­deilt sé að áfram­hald­andi vinna eftir að elli­líf­eyr­is­aldri er náð eykur mögu­leika aldr­aðra til að bæta kjör sín, einkum þeirra sem lægstar hafa tekj­urn­ar. Þá hafa rann­sóknir sýnt fram á að vinna og virkni á efri árum stuðlar að betri heilsu, dregur úr ein­angrun og hefur almennt mikið félags­legt gildi fyrir eldri borg­ara.“