Face­book kynnti nið­ur­stöðu þriðja árs­fjórð­ungs í rekstri fyr­ir­tæk­is­ins í gær. Alls voru tekjur Face­book á tíma­bil­inu 1. júlí til 30. sept­em­ber 2014 3,2 millj­arðar dala, eað um 387 millj­arðar króna. Þar af voru 358 millj­arðar króna aug­lýs­inga­tekjur og juk­ust þær um 64 pró­sent frá sama árs­fjórð­ungi 2013.

Á kynn­ing­unni sögðu Dave Wehner, fjár­mála­stjóri Face­book, og Mark Zucker­berg, for­stjóri fyr­ir­tæk­is­ins, einnig frá því að kostn­aður Face­book myndi lík­lega aukast um 70 pró­sent á næsta ári, 2015. Ástæðan væri sú að fyr­ir­tækið ætl­aði sér að ráð­ast í umsvifa­miklar ráðn­ingar á hæfi­leika­fólk og upp­kaup á tækni­fyr­ir­tækjum sem hent­uðu starf­semi Face­book.

Zucker­berg opin­ber­aði líka þriggja ára, fimm ára og tíu ára áætl­anir Face­book. Í mjög grófum dráttum vill hann að ýmsar Face­book vör­ur,WhatsApp, Messen­ger, Search, Vid­eo, News­Feed, Oculus og Instagram), muni hver um sig tengja um einn millj­arð not­enda. Þegar því tak­marki verði náð ætlar Zucker­berg sér, af mik­illi áræðni, að búa til pen­inga úr öllum þessum tengsl­um.

Zuckeberg vill líka bæta aug­lýs­inga­upp­lifun, sér­stak­lega á snjall­sím­um. Til að gera þetta mun Face­book miða út og mæla mark­hópa með nákvæm­ari hætti í gegnum þær upp­lýs­ingar sem fyr­ir­tækið býr yfir. Í dag eyða aug­lýsendur í Banda­ríkj­unum ein­ungis ell­efu pró­sent af aug­lýs­ingafé sínu í að birta á snjall­sím­um. Í því sér Face­book mikil tæki­færi.

Að lokum ætlar Face­book sér að leiða næstu stóru nýj­ung í tölvu­fram­þróun fyrir mass­ann, og er nokkuð ljóst að þar á að veðja á sýnd­ar­veru­leika Oculus, en Face­book keypti Oculus á um 240 millj­arða króna í mars síð­ast­liðn­um. Fyr­ir­tækið ætlar líka að færa fleira fólki aðgang að inter­net­inu í gegnum www.inter­net.org, sem á að lækka kostnað vegna slíks aðgangs mik­ið.

Hægt er að lesa útskrift af áætlun Zucker­berg á vef Business Insider.