Þrír eru særðir eftir skotárás í bíla­kjall­ara versl­un­ar­mið­stöðv­ar­innar Fields í Kaup­manna­höfn. Lög­reglan í Kaup­manna­höfn hefur stað­fest þetta við danska fjöl­miðla og segir tvo hafa verið hand­tekna vegna skotárás­ar­inn­ar.

„Við vitum ekki meira en þetta. Við munum rann­saka hvað átti sér stað,“ segir Sebast­ian Rickel­sen hjá lög­regl­unni við danska rík­is­út­varpið DR.

Extra Bla­det greinir frá því að skotárásin teng­ist upp­gjöri tveggja hópa, og að átta manns hafi tekið þátt í átök­um.

Tre er ramt af skud i Field's htt­p://t.co/Lj­sYN7wZAG

— Politi­ken (@politi­ken) March 18, 2015

Fyrir rúmum mán­uði framdi 22 ára karl­mað­ur, Omar Abdel Hamid El-Hussein, tvær árásir í Kaup­manna­höfn þar sem tveir lét­ust. Hann hóf fyrst skotárás á menn­ing­ar­húsið Kruttönden á Aust­ur­brú í Kaup­manna­höfn þar sem stóð yfir ráð­stefna um tján­ing­ar­frelsi. Einn lést í þeirri árás og þrír lög­reglu­menn særð­ust. Talið er að skot­mark árás­armanns­ins hafi verið sænski skop­mynda­teikn­ar­innar Lars Vilks, sem var á meðal fyr­ir­les­ara á ráð­stefn­unni. Hann slapp hins vegar ómeidd­ur. Síðar sama dag skaut mað­ur­inn mann sem aðstoð­aði við ferm­ingu við sam­komu­hús gyð­inga í Kaup­manna­höfn í höf­uðið með þeim afleið­ingum að hann lést. El-Hussein var felldur skömmu síð­ar.