„Það hafa verið tíð­ari fundir að und­an­förnu, þrír fundir í síð­ustu viku og síðan hefur verið boðað til fundar í Karp­hús­inu í dag, en það liggur ekk­ert til­boð á borð­inu enn­þá,“ segir Þor­björn Jóns­son, for­maður Lækna­fé­lags Íslands. Ekk­ert til­boð hefur komið fram í launa­deilu Lækna­fé­lags Íslands og stjórn­valda en verk­falls­að­gerðir lækna hafa nú staðið yfir í ríf­lega mán­uð.

Aðgerð­irnar hafa haft alvar­legar og víð­tækar afleið­ingar fyrir fjölda fólks, en vel á fjórða hund­rað aðgerðum hefur verið frestað vegna þeirra, og þjón­ustu­stig verið skert. Aðgerð­irnar standa út næstu viku, en í dag hefst atkvæða­greiðsla þar sem læknar taka afstöðu til þess hvort gripið verði til frek­ari verk­falls­að­gerða eftir ára­mót til að knýja á um launa­hækk­un. Félags­menn sem hafa um atkvæð­is­rétt eru um 900 tals­ins.

Þor­björn Jóns­son, for­maður Lækna­fé­lags Íslands­.

Þor­björn seg­ist ekk­ert vilja tjá sig um kröfur lækna, en það verði að vera veru­leg hækkun á launum sem eigi sér stað núna. Aðstæð­urnar í stétt­inni séu þannig að það sé bein­línis nauð­syn­legt. „Það er grafal­var­leg staða uppi í stétt­inni vegna lækna­skorts og þeirrar stöðu, að ungir læknar skila sér ekki heim úr námi eða vinnu erlend­is. Það verður að sporna við þess­ari þróun og hluti af því er að hækka launin veru­lega á þessum tíma­punkt­i.“

Aðspurður um hvort læknar séu að gera kröfu um mun hærri launa­hækk­anir en aðrar stétt­ir, og hvort það geti haft alvar­legar afleið­ingar fyrir verð­lags­þróun og kom­andi kjara­samn­inga, segir hann þurfa að skoða málin í réttu sam­hengi. „Í fyrsta lagi hefur almenn­ingur á Íslandi sýnt kröfum okkar um veru­lega launa­hækk­un ­mik­inn skiln­ing, sem hefur end­ur­tekið verið stað­festur í könn­un­um. Veru­legar kjara­bæt­ur eru nauð­syn­legar stétt­inni og einnig fyrir heil­brigð­is­þjón­ust­una í heild sinni. Þannig verður að horfa á þetta mál, og á þeim for­sendum eru við í þessum við­ræðum og aðgerðum nún­a,“ segir Þor­björn.