Marg­menni var sam­an­komið á sól­myrkva­há­tíð fyrir framan aðal­bygg­ingu Háskóla Íslands til að sjá tunglið ganga fyrir sól­ina, enda um fátíðan atburð að ræða. Sól­myrkvagler­augu voru af skornum skammti en fólk dó ekki ráða­laust og brá film­um, rafsuðu­glerj­um, geisla­diskum og nammi­bréfum fyrir aug­un.

Full­trúar Stjörnu­skoð­un­ar­fé­lags Sel­tjarn­ar­ness leyfðu svo áhuga­sömum að horfa á sigð sól­ar­innar í stjörnu­kíkjum og öðrum mæli­tækj­um. Var ekki að sjá annað en að fólki þættu þessi nátt­úru­undur nokkuð til­komu­mik­il. Sól­myrkva­há­tíðin heldur svo áfram klukkan 17 í hátíð­ar­salnum í aðal­bygg­ingu HÍ.

Anton Brink, ljós­mynd­ari Kjarn­ans, var á ferð­inni og fylgd­ist með gangi him­in­tungl­anna og var við­staddur þegar fyrsta skóflustungan var tekin að hofi Ása­trú­ar­fé­lags­ins í Öskju­hlíð. Mynd­irnar má sjá hér að neð­an.

Ítar­lega var fjallað um sól­myrk­vann í Þætti um kúl hluti á þriðju­dag­inn þegar sjón­auk­arn­ir og annar bún­aður var próf­aður fyrir sjálfan myrk­vann. Þá er bent á Stjörnu­fræði­vef­inn þar sem sól­myrk­vinn í morg­unn er útskýrð­ur.

Jóhanna Harð­ar­dóttir kjal­nes­inga­goði blót­aði guð­unum við skóflustung­una í morg­un. Hilmar Örn Hilm­ars­son alls­herj­ar­goði fylgd­ist með álengd­ar. Mynd: Anton Brink

Hljóm­sveit lék tón­list í Öskju­hlíð að heiðnum sið. Mynd: Anton Brink

Skóflustungan var tekin í morgun í til­efni skól­myrk­vans. Við­staddir mundu eftir geisla­disk­unum og horfðu í gegnum þá til að sjá tunglið ganga fyrir sól­ina. Mynd: Anton Brink

Á sól­myrkva­há­tíð­inni á flöt­inni fyrir framan Háskóla Íslands voru hund­ruð manns, ungir sem aldn­ir, komnir saman til að fylgj­ast með. Sumir föndr­uðu sín eigin sól­myrkvagler­augu. Mynd: Anton Brink

Mynda­vélar sáust víða á lofti og jafn­vel þó mælt sé með að myndir af sól­inni séu teknar með sér­stökum bún­aði þá sak­aði ekki að reyna sól­myrkvagler­augun góðu. Mynd: Anton Brink

Full­trúar frá Stjörnu­skoð­un­ar­fé­lagi Sel­tjarn­ar­ness leyfðu áhuga­sömum að skoða sól­ina og tunglið í sjón­aukum af öllum stærðum og gerð­um. Mynd: Anton Brink

Ólafur Har­alds­son þjóð­garðs­vörður leið­beindi fólki. Mynd: Anton Brink

Stjörnu­skoð­un­ar­fé­lag Sel­tjarn­ar­ness stóð fyrir því að öll grunn­skóla­börn á land­inu fengu gef­ins sól­myrkvagler­augu og hafa frætt kennrar­ana þeirra um stjörnu­fræði á síð­ustu vik­um. Félagið hafði alls­konar skrýtin búnað til að skoða sól­ina og undur henn­ar. Mynd: Anton Brink

Tungið hóf að ganga fyrir sól­ina um tutt­ugu mín­útur fyrir níu í morg­un. Mynd: Anton Brink

Eftir klukkan níu hafði tunglið gengið fyrir megnið af sól­inni og við á Jörð­inni tókum eftir að það rökkvaði örlít­ið. Mynd: Anton Brink

Sól­myrk­vinn náði svo hámarki í Reykja­vík klukkan 9:37 í morg­un. Það kom á óvart hversu björt sólin var þrátt fyrir að aðeins 2,5% hennar næði að skína á mann­fjöld­ann fyrir framan Háskóla Íslands. Mynd: Anton Brink