Und­an­farið hefur tals­vert verið um það deilt hvort tón­list­ar­fólk sem skemmtir á úti­tón­leikum í Tívolí í Kaup­manna­höfn megi auka styrk­inn í hátöl­ur­unum úr 60 desi­bilum í 65. „Al­gjör nauð­syn,“ segir tón­list­ar­fólk­ið, „60 desi­bil er meira en nóg,“ segja nágrannar skemmti­garðs­ins sem segja leir­tauið í eld­hús­inu glamra á hverju föstu­dags­kvöldi.

Allir sem hafa komið í Tívolí í Kaup­manna­höfn (það gerðu 4,5 millj­ónir í fyrra) vita að þar er iðu­lega mik­ill kliður og jafn­vel hávaði. Kven­þjóðin lætur vel í sér heyra þegar rús­sí­ban­inn tekur dýf­urn­ar, karl­kyns ofur­hug­arnir kalla slík and­köf píku­skræki og bretta sjálfir niður ermarnar til að fela gæsa­húð­ina. Þetta eru þó smá­munir miðað við flug­elda­sýn­ing­arnar á laug­ar­dags­kvöld­um, nánar til­tekið þegar klukk­una vantar stund­ar­fjórð­ung í mið­nætti. Þá þýðir lítið fyrir nágranna skemmti­garðs­ins að reyna að halda uppi sam­ræð­um, nema þeir séu því slyng­ari í vara­lestri. Flug­elda­skot­hríðin stendur yfir í um það bil fimmtán mín­út­ur. Sagan end­ur­tekur sig viku síðar og þannig gengur það allt sum­ar­ið, öll laug­ar­dags­kvöld.

Föstu­dags­tón­leik­arnir

Fyrir átján árum, árið 1997, datt ein­hverjum í stjórn Tívolís í hug að upp­lagt væri að efna til föstu­dags­tón­leika á stóra opna svæð­inu, Plænen, skammt innan við aðal­inn­gang­inn á Vester­broga­de. Þar yrði boðið uppá fjöl­breytta tón­list, einkum danska en líka erlenda, af létt­ara tag­inu enda fylgdi upp­á­stung­unni að þetta skyldi kallað „fre­dags­rock.“

Skemmst er frá því að segja að stjórn skemmti­garðs­ins þótti hug­myndin frá­bær og lét ekki sitja við orðin tóm. Þessir tón­leik­ar, sem í lang­flestum til­vikum eru inni­faldir í aðgangs­eyr­inum að Tívolí, hafa notið sívax­andi vin­sælda og í sumar verða föstu­dags­tón­leik­arnir sam­tals 24 tals­ins. Þeir byrja klukkan tíu að kvöldi og standa í klukku­tíma eða svo.

Auk þess eru stund­um, fyrir utan föstu­dags­kvöld­in, tón­leikar á Plænen sem sér­stak­lega er selt inn á. Meðal þeirra sem halda slíka tón­leika í sumar má nefna Mark Knop­fler og Elton John. Þeir sem ekki kaupa miða á slíka tón­leika geta séð í nokk­urri fjar­lægð frá sjálfu svið­inu á stórum skermum það sem fram fer. Og heyrt.

Dönsku Olsen-bræð­urn­ir, sem sigr­uðu Eurovision söngvakeppn­ina árið 2000, eru á meðal þeirra sem hafa troðið upp í Tívolí. Mynd: EPA

Hvað er hæfi­lega hátt?

Það er þetta, að heyra, sem valdið hefur deil­um. Þegar aðsóknin að tón­leik­unum er orðin jafn mikil og raun ber vitni (500 þús­und í fyrra) gefur auga leið að ekki geta allir verið nálægt svið­inu. Þetta hefur orðið til þess að margir, þar á meðal lista­menn­irn­ir, hafa kvartað sáran yfir að mega ekki skrúfa upp í „græj­un­um.“

Stjórn­endur Tívolís hafa tekið undir þetta og ósk­uðu eftir leyfi borg­ar­stjórn­ar­innar til að auka hljóð­styrk­inn um 5 desi­bil, úr 60 desi­bilum í 65. Mæl­ingin fer fram eftir sér­stökum regl­um, desi­bila­fjöld­inn mið­ast við ákveðna fjar­lægð frá svið­inu. Borg­ar­stjórn tók vel í erindið en lögum sam­kvæmt skal leitað umsagnar nágranna í til­vikum sem þess­um.

Nágrannar ósáttir

Ná­grönnum var ekki skemmt yfir þessum hug­mynd­um. Bentu á að flug­elda­sýn­ing­arnar á laug­ar­dags­kvöldum og svo föstu­dags­rokkið valdi miklu ónæði. Ekki sé þá við­lit að tala saman eða fylgj­ast með útvarpi og sjón­varpi.

Maður sem býr í næsta nágrenni bauð borg­ar­stjór­anum að koma í heim­sókn eitt föstu­dags­kvöldið „þar getum við þagað saman meðan tón­leik­arnir standa yfir,“ stóð í boðs­bréf­inu. Borg­ar­stjór­inn þáði ekki boð­ið.

Bentu á aðra mögu­leika

Ná­grannar skemmti­garðs­ins hafa bent á ýmsa mögu­leika varð­andi opna svæð­ið. Einn er sá að breyta Plænen í eins konar skál. Þannig yrði sviðið og áhorf­enda­svæðið neðar og það myndi, að mati nágrann­anna, draga úr hávað­anum í kringum Tívolí. Önnur hug­mynd er sú að færa sviðið í hinn end­ann á Plænen, þá myndi hljóðið ber­ast meira um Tívolí svæðið sjálft.

Hvorug hug­myndin kemur til greina að mati stjórnar skemmti­garðs­ins. Stjórnin seg­ist hins­vegar skilja sjón­ar­mið nágrann­anna, aug­ljóst sé að frá svæði eins og Tívolí ber­ist hávaði en benda jafn­framt á að þar sé öllum reglum fylgt.

Fá leyfi til að hækka en líka skipun um að lækka

Þrátt fyrir mót­mæli nágrann­anna fékk Tívolí leyfi til að auka hljóð­styrk­inn um 5 desi­bil. Þetta leyfi gildir þó aðeins um tíu tón­leika af þeim sem ráð­gerðir eru á Plænen í sum­ar, fyrir hina gildir áfram 60 desi­bila regl­an.

Á móti hefur stjórn Tívolís skuld­bundið sig til að draga aðeins úr rak­ettu­skot­hríð­inni. Nágrann­arnir eru ekki ánægðir með þessi mála­lok en geta fátt gert. Sá sem boðið hafði borg­ar­stjór­anum í heim­sókn sagði í við­tali við danskt dag­blað að „það kæmi sér vel að eyrnatappar væru á hóf­legu verð­i.“