Tugmilljarða skekkja í útreikningum Pírata á helstu tekjuöflunaraðgerð þeirra

Þingmaður Pírata segir að flokkurinn sé að endurskoða útreikninga sína á áhrifum 3,75 prósentustiga hækkunar efsta þreps tekjuskattskerfisins, eftir að bent var á að þar skeikaði tugmilljörðum.

Mikil skekkja er í útreikningum Pírata á helstu tekjuöflunarleiðinni sem flokkurinn sá fyrir að fjármagna kosningaloforð sín með.
Mikil skekkja er í útreikningum Pírata á helstu tekjuöflunarleiðinni sem flokkurinn sá fyrir að fjármagna kosningaloforð sín með.
Auglýsing

Píratar birtu í gær sitt eigið kostn­að­ar­mat á helstu aðgerð­unum sem flokk­ur­inn leggur til í kosn­inga­bar­átt­unni. Fjórar helstu útgjalda­til­lögur sínar verð­mátu Píratar á 93,4 millj­arða króna, en flokk­ur­inn lagði einnig til tekju­öfl­un­ar­til­lögur sem áttu sam­kvæmt útreikn­ingum flokks­ins að skila 83,7 millj­örðum í rík­is­sjóð.

Auk þess gerir flokk­ur­inn ráð fyrir því að 9,7 millj­arðar skili sér í aukna inn­heimtu virð­is­auka­skatts vegna þess að til­lögur flokks­ins auki það fé sem tekju­lægra fólk hafi á milli hand­anna til neyslu.

Í ljós hefur komið að stærsta ein­staka tekju­öfl­un­ar­að­gerð­in, 3,75 pró­sentu­stiga hækkun efsta tekju­skatts­þreps­ins, var rangt út reiknuð hjá flokkn­um, svo skeikar tugum millj­arða króna.

Björn Leví Gunn­ars­son þing­maður flokks­ins við­ur­kennir í sam­tali við Kjarn­ann að fljótt á litið virð­ist skekkjan sem sett var fram af hálfu flokks­ins nema um 25 millj­örðum króna hvað þessa aðgerð varð­ar.

„Ég var kom­inn með töl­una varð­andi hækk­un­ina á efra skatt­þrep­inu, hún var eitt­hvað rétt um 10 millj­arðar en ekki 34,“ segir Björn Leví um nýja útreikn­inga sem nú er verið að vinna í her­búðum Pírata. Hann segir flokk­inn hafa treyst gögn­unum sem flokk­ur­inn var með í hönd­un­um.

Björn Leví Gunnarsson þingmaður Pírata segir að flokkurinn muni laga útreikningana eftir að hafa fengið gagnrýni. Mynd: Bára Huld Beck.

„Við vorum með skjal frá fjár­mála­ráðu­neyt­inu sem skipti niður tekju­skatti á hvern hund­raðs­hluta og vorum að reyna að vinna með það, en ég veit ekki alveg hvernig þetta end­aði, þessi upp­hæð á ein­stak­ling,“ segir Björn Leví við blaða­mann og af honum má ráða að stuðst hafi verið við rangar for­send­ur.

„Við erum enn að reyna að kom­ast að því af hverju þetta var rangt til að byrja með,“ segir Björn Leví. „Þetta er bara eins og gengur og ger­ist þegar maður er að vinna með óná­kvæm gögn,“ bætir þing­mað­ur­inn við.

Hann segir Pírata ekki hafa neinar áhyggjur af því að hafa farið fram með ranga útreikn­inga. Þetta verði bara lag­að.

„Ég held að þetta sé hluti af ástæð­unni fyrir því að stjórn­mála­sam­tök þora aldrei að setja fram nákvæmar töl­ur. Út af því að þá koma þau með rangar töl­ur. En okkur er alveg sama, við fáum gagn­rýni á þetta og þá bara lögum við [töl­urn­ar], þetta er ekk­ert flók­ið,“ segir Björn Leví.

Hag­fræð­ingur vakti máls á ofmat­inu

Kon­ráð S. Guð­jóns­son, hag­fræð­ingur og aðstoð­ar­fram­kvæmda­stjóri Við­skipta­ráðs, vakti máls á skekkj­unni í helstu tekju­öfl­un­ar­leið Pírata á Twitter í dag. Hann reikn­aði sig niður á það að skekkjan væri enn meiri en Björn Leví seg­ist nú telja og að hækkun efsta tekju­skatt­þreps um 3,75 pró­sentu­stig upp í 50 pró­sent, myndi ein­ungis skila rúmum 4 millj­örðum króna auka­lega í rík­is­sjóð á árs­grund­velli, en ekki 34,8 millj­örðum króna eins og Píratar sjálfir kynna á vef sín­um. „Hátt í 9-falt ofmat,“ skrif­aði hag­fræð­ing­ur­inn á Twitt­er.

Kjarn­inn hefur ráð­ist í eigin laus­legu útreikn­inga á þess­ari til­lögu Pírata, miðað við ákveðnar for­send­ur, og gefa nið­ur­stöð­urnar til kynna að skekkjan sé jafn­vel enn meiri en í útreikn­ingum Kon­ráðs.

Í fyrra nam með­al­tal atvinnu­tekna efstu tíund­ar­innar á vinnu­mark­aði um 1,1 milljón á mán­uði. Það leiðir af sér að skatt­stofn­inn fyrir hæsta tekju­skatt­þrepið var um 167 þús­und krónur á mán­uði að með­al­tali fyrir um það bil 20 þús­und manns. Sam­kvæmt þessu er skatt­stofn­inn í efsta þrepi því um 44 millj­arðar á ári.

Hækkun um 3,75 pró­sentu­stig á skatti sem á þessa upp­hæð leggst myndi skila 1,6 millj­örðum á ári auka­lega í tekjur fyrir rík­is­sjóð. Vert er að taka fram að í þessum útreikn­ingum er ekki tekið til­lit til þess að aðrar tekjur en atvinnu­tekjur eru tekju­skatts­skyld­ar, eins og líf­eyrir og bæt­ur.

Útgjalda­til­lög­urnar

Píratar setja fram fjórar til­lögur sem þeir segja að muni hafa mest áhrif á tekjur rík­is­sjóðs. Það er hækkun á per­sónu­af­slætti og útborgun ónýtts per­sónu­af­slátt­ar, hækkun frí­tekju­marks elli­líf­eyris til að draga úr skerð­ing­um, hækkun frí­tekju­marks örorku­bóta til þess að draga úr skerð­ingum og flutn­ingur hluta virð­is­auka­skatts til sveit­ar­fé­laga. Þessir fjórir lið­ir, segja Pírat­ar, munu lækka tekjur rík­is­sjóðs um 93,4 millj­arða sem áður seg­ir.

Auglýsing

Þar af vegur hækkun á per­sónu­af­slætti lang­þyngst, en Píratar hafa lagt til að hækka per­sónu­af­slátt­inn um 20 þús­und krón­ur. Þetta eitt og sé segja Píratar að muni lækka tekjur rík­is­sjóðs um sem nemur 70,9 millj­örðum króna. Síðar meir sjá Píratar fyrir sér að per­sónu­af­sláttur sem ekki er nýttur verði útgreið­an­leg­ur, en það er ekki með inni í þessum útreikn­ing­um.

Til við­bótar þessu segj­ast Píratar vilja draga úr skerð­ingum á elli­líf­eyri eldra fólks og segj­ast áætla að til­lögur sínar muni lækka tekjur rík­is­sjóð um u.þ.b. 10 millj­arða króna. Hækkun á frí­tekju­marki öryrkja segja Píratar að muni lækka tekjur rík­is­sjóðs um u.þ.b. 5,2 millj­arða.

Auk þessa vilja Píratar að sveit­ar­fé­lög fái hlut af þeim virð­is­auka­skatti sem verður til í sveit­ar­fé­lag­inu, til þess að geta betur staðið undir þeim verk­efnum sem flutt hafa verið til þeirra á und­an­förnum árum. „Hægt er að fara nokkrar leiðir að þessu mark­miði, en hér reiknum við með að á næsta ári myndi um 2% af tekjum rík­is­sjóðs vegna skatta á vörur og þjón­ustu renna til sveit­ar­fé­lag­anna. Þar sem gert er ráð fyrir að þær tekjur séu um 366.5 millj­arðar í heild­ina þá mun þessi til­laga Pírata þýða að tekjur rík­is­sjóðs muni lækka um það sem nemur 7.3 millj­örðum – en tekjur sveit­ar­fé­laga auð­vitað aukast á mót­i,“ segir á vef Pírata.

Tekju­öfl­unin

Til þess að mæta þeim til­lögum sem eru til tekju­lækk­unar hafa Píratar sett fram eft­ir­far­andi aðgerðir til tekju­öfl­unar fyrir rík­is­sjóð, sem flokk­ur­inn sagði að ættu að skila 83,7 millj­örðum í auknar tekjur rík­is­sjóðs. Þó það sé reyndar að minnsta kosti 25 millj­arða gat í þeim til­lögum sem settar hafa verið fram.

  • Hækkun mið­þreps tekju­skatts úr 37,95% í 38%
  • Hækkun efsta þreps tekju­skatts úr 46,25% í 50%
  • Þrepa­skipt­ing fjár­magnstekju­skatts og hækkun fjár­magnstekju­skatts á rík­ustu 10% fjár­magns­eig­enda í 30%
  • Bætt skatta­eft­ir­lit, átak gegn skattsvikum og pen­inga­þvætti
  • Hærra auð­linda­gjald á stærri útgerðir
  • Orku­nýt­ing­ar­gjöld á meng­andi stór­iðju
  • Tíma­bundið hærri arð­greiðslur til rík­is­sjóðs úr Lands­bank­anum

Píratar segja að þær breyt­ingar á tekju­skatts­þrep­unum sem þeir leggja til muni, sökum þess að per­sónu­af­sláttur verði einnig hækk­að­ur, ein­ungis hafa „til­finn­an­leg áhrif á ein­stak­linga með hærri en 1.6 millj­ónir í mán­að­ar­tekjur og hjón/­fólk í sam­búð með meira en 2.2 millj­ónir í tekj­ur.“ Þeir áætla að breyt­ingin á mið­þrep­inu muni skila 15 millj­örðum í rík­is­sjóð og að breyt­ingin á efsta þrep­inu myndi skila um 34,8 millj­örðum króna í rík­is­sjóð. Sam­tals yrðu því 49,8 millj­arðar sóttir með hækkun tekju­skatts­þrepa. En þetta er til end­ur­skoð­unar eins og fram hefur kom­ið.

Flokk­ur­inn telur síðan að breyt­ing­arnar á fjár­magnstekju­skatt­in­um, með hækkun efra þreps fjár­magnstekju­skatts­ins upp í 30 pró­sent, muni skila 13,2 millj­örðum auka­lega í tekjur fyrir rík­is­sjóð.

Varð­andi bætt skatta­eft­ir­lit segja Píratar að skýrslan um aflandseignir Íslend­inga sem Bjarni Bene­dikts­son „stakk ofan í skúffu“ fyrir síð­ustu kosn­ingar hafi sýnt fram á að rík­is­sjóður verði árlega af á milli 4,6-15,5 millj­örðum vegna skattsvika í gegnum aflands­fé­lög og að núver­andi rík­is­stjórn hafi auk þess „grafið undan eft­ir­liti með svartri atvinnu­starf­sem­i“. Píratar telja að með stór­efldum rann­sóknum og aðgerðum gegn skattsvikum sé „hæg­lega“ hægt að auka tekjur rík­is­sjóðs um 5 millj­arða á ári.

Hvað auð­linda­gjöld varðar segja Píratar að raun­hæft sé að tekjur af auð­linda­gjaldi í sjáv­ar­út­vegi, sér­stak­lega með hækkun þess á stærri útgerð­ir, skili um 9,6 millj­örðum auka­lega til rík­is­sjóðs.

Orku­nýt­ing­ar­gjöld af þeirri stór­iðju sem mengar mest segja Píratar að geti skilað einum millj­arði inn í rík­is­sjóð strax á næsta ári, en flokk­ur­inn seg­ist sjá fyrir sér að þessi skatt­lagn­ing geti auk­ist þegar líður á kjör­tíma­bilið og hana megi nota sem hvata til að fá meng­andi iðnað til að draga úr útblæstri.

Píratar segja svo að rekstur Lands­bank­ans hafi gengið mjög vel á þessu ári. „Við teljum því raun­hæft að auka arð­greiðslur úr bank­anum sem í dag er að fullu í eigu rík­is­ins,“ segja Píratar og áætla að Lands­bank­inn geti á næsta ári greitt út fimm millj­arða króna ein­greiðslu, ofan á reglu­legar arð­greiðslur bank­ans.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Eggert Gunnþór Jónsson er hér til vinstri í leik gegn Hvíta-Rússlandi á Evrópumóti U-21 landsliða árið 2011.
Eggert Gunnþór segist saklaus
Knattspyrnumaðurinn Eggert Gunnþór Jónsson hafnar ásökunum um kynferðisbrot í Kaupmannahöfn árið 2010 og segist fullkomlega saklaus.
Kjarninn 22. október 2021
Ingrid Kuhlman
Munurinn á dánaraðstoð og sjálfsvígi er mikill
Kjarninn 22. október 2021
Sérfræðingar frá Syndis og Advania hafa tekið þátt í að skoða málið undanfarna daga.
Hætta á að tölvuþrjótar hafi komist yfir tölvupósta frá starfsmönnum HR
Rektor HR tilkynnti starfsfólki skólans það eftir hádegi í dag að möguleiki væri á því að tölvupóstar, jafnvel ár aftur í tímann, væru í höndum tölvuþrjóta. Ekki er þó ljóst hvort svo sé eða ekki, eða hvort afleiðingar af því verði einhverjar.
Kjarninn 22. október 2021
Ari Trausti Guðmundsson
Rafmagnað Grænland og Ísland?
Kjarninn 22. október 2021
Biður hagsmunasamtök að tjá sig ekki um verðhækkanir
Samkeppniseftirlitið brýnir fyrir forsvarsmönnum hagsmunasamtaka að taka ekki þátt í umfjöllunum um hækkandi vöruverð, þar sem samtökin eiga að fara gætilega þegar kemur að umræðu sem hefur áhrif á verðlagningu fyrirtækja.
Kjarninn 22. október 2021
Saga Japans
Saga Japans
Saga Japans – 44. þáttur: Drukkni sjóguninn
Kjarninn 22. október 2021
Samherji hf. er á lista yfir framúrskarandi fyrirtæki og raunar einnig Samherji Ísland ehf. og fleiri dótturfélög Samherja. Hins vegar er Samherji Holding ehf. ekki á lista, líklega þar sem félagið hefur ekki enn skilað ársreikningi fyrir árið 2019.
Bæði Samherji og Init ofarlega á listum yfir „framúrskarandi fyrirtæki“ ársins
Alls eru 878 fyrirtæki á lista CreditInfo yfir Framúrskarandi fyrirtæki árið 2021. Sum þeirra sem skipa efstu sætin á listum hafa verið til umfjöllunar undanfarin misseri fyrir hátterni sem erfitt er að tengja við það að skara fram úr.
Kjarninn 22. október 2021
Hallgrímskirkja
„Við eigum sögu sem við þurfum heldur betur að læra af“
Sam­skipta­stjóri Bisk­ups­stofu segir að það sé skylda kirkj­unnar að læra af sögu hennar er varðar við­brögð við kyn­ferð­is­legri áreitni og ofbeldi. Ein formleg ásökun hefur borist á borð Biskupsstofu frá því Agnes M. Sigurðar­dóttir tók við embætti.
Kjarninn 22. október 2021
Meira úr sama flokkiInnlent