Eitt virtasta tíma­rit heims­ins, Vanity Fair, gagn­rýnir helstu banka­menn Banda­ríkj­anna, einkum þá sem voru við stjórn­völ­inn haustið í fjár­málakrepp­unni, harð­lega í nýjasta tölu­blað­inu. Er þar fjallað ítar­lega um fjár­hags­stöðu þeirra sem voru við stjórn­völ­inn þegar fjár­mála­fyr­ir­tækin sem þeir stýrðu voru þjóð­nýtt eða þau keyrð í kaf.

Fram kemur í ítar­legri úttekt blaðs­ins, að stjórn­endur hjá bönk­un­um Bear Sterns, JP Morgan Chase, Lehman Brothers og Bank of Amer­ica hafi gengið út með meira en 150 millj­ónir Banda­ríkja­dala, eða sem nemur rúm­lega tutt­ugu millj­örðum króna. Þeir lifi flestir í vellyst­ingum í dag, og hafa samið við sak­sókn­ara um að sátta­greiðslur í stað þess að verða sak­sótt­ir. Er tekið dæmi af Stan O'neal, fyrr­ver­andi for­stjóra Merril Lynch, en hann samdi við sak­sóknar­ann í New York um að hann mætti ekki starfa hjá félagi sem skráð væri á markað í þrjú ár, og greiddi síðan sátta­greiðslu, og var fyrir vikið laus allra mála.

Í umfjöllun blaðs­ins, undir fyr­ir­sögn­inni The Wreck­ing Crew, kemur fram að flestir fyrr­ver­andi stjórn­endur bank­anna haldi sig alveg frá sviðs­ljós­inu, en lifi hátt. Enda með fulla vasa fjár.

Rit­stjóri blaðs­ins, Graydon Carter, gagn­rýnir þetta harð­lega og spyr hvernig standi á því að eng­inn af þeim banka­mönnum sem stýrð­u fjár­mála­fyr­ir­tækjum í kaf og brutu gegn lögum hafi verið lög­sótt­ir.