Sam­kvæmt heim­ildum Kjarn­ans horfir Starfs­greina­sam­bandið (SGS) til þess að geta gengið til atkvæða­greiðslu um verk­falls­að­gerðir í seinni hluta þessa mán­að­ar, og verði þær sam­þykktar þá gætu verk­föll haf­ist í kringum 10. apr­íl, það er skömmu eftir pásku. Mikil ein­ing er meðal sextán aðild­ar­fé­laga SGS, víða um land­ið, og er fast­lega reiknað með því að verk­falls­að­gerðir verði sam­þykkt­ar.

Samn­inga­við­ræður SGS og Sam­taka atvinnu­lífs­ins (SA) eru sigldar í strand, og var þeim slitið í gær. SGS hefur sett fram kröfu um lækkun lægstu launa úr 214 þús­und í 300 þús­und, og að launa­menn njóti góðs af því þegar vel geng­ur, meðal ann­ars í gjald­eyr­is­skap­andi grein­um. SA hefur ekki sýnt neinn vilja til þess að verða við þessum kröfu, og hafa sam­tökin ein­blínt að laun geti aðeins hækkað um 3,5 til fimm pró­sent.

Eins og greint var frá á vef Kjarn­ans í morgun, hefur það komið til tals í við­ræðum SA og SGS að gerðar verði breyt­ingar á hús­næð­is­kerfi lands­manna, og sveit­ar­fé­lög og stjórn­völd þannig kölluð að samn­inga­borð­inu. SGS líta á þetta sem algjör­lega aðskilin mál, og að samn­ingar um kaup og kjör snú­ist um launin sjálf en ekki hús­næð­is­mál­in.

Ljóst er að verk­föll hjá stétt­ar­fé­lögum sem til­heyra SGS geta haft víð­tæk áhrif, en félags­menn eru meðal ann­ars fjöl­mennir í bæði sjáv­ar­út­vegi og ferða­þjón­ustu. Félags­menn eru á þrett­ánda þús­und og eru aðild­ar­fé­lög­in AFL Starfs­greina­fé­lag, Aldan stétt­ar­fé­lag, Báran stétt­ar­fé­lag, Dríf­andi stétt­ar­fé­lag, Ein­ing-Iðja, Fram­sýn stétt­ar­fé­lag, Stétt­ar­fé­lagið Sam­staða, Stétt­ar­fé­lag Vest­ur­lands, Verka­lýðs­fé­lag Akra­ness, Verka­lýðs­fé­lag Grinda­vík­ur, Verka­lýðs- og sjó­manna­fé­lag Bol­ung­ar­vík­ur, Verka­lýðs- og sjó­manna­fé­lag Sand­gerð­is, Verka­lýðs­fé­lag Snæ­fell­inga, Verka­lýðs­fé­lag Suð­ur­lands, Verka­lýðs­fé­lag Vest­firð­inga og Verka­lýðs­fé­lag Þórs­hafn­ar.