Nokkur titr­ingur er hjá norskum stjórn­völd­um ­vegna lækk­andi olíu­verðs síð­ustu vikna.  Mik­ill upp­gangur hefur ein­kennt atvinnu­greinar sem tengj­ast olíu­iðn­að­inum í Nor­egi. Sér­stak­lega hefur verið mikið að ger­ast í Stavan­ger og nágrenni, í Roga­land­i.  Nú eru hins vegar blikur á loft­i.  Olíu­verð hefur fallið hratt alla þessa viku og er nú komið í 92 USD/fatið úr rúmum 100 USD/farið fyrir bara rúm­lega mán­uði síð­an.

Hluta­bréf lækka í Nor­egi

Vegna þess hve mörg fyr­ir­tæki í Norsku Kaup­höll­inni (OSE) eru háð olíu­verði hefur úrvals­vísi­talan í OSE lækkað um 3% síð­ustu daga og um tæp 8% frá því í sum­ar. Þetta hefur valdið Har­aldi V Nor­egs­kon­ungi áhyggjum og var­aði hann sam­landa sína í ræðu við setn­ingu Norska Stór­þings­ins í vik­unni um að Norð­menn gætu ekki vænst þess að olíu­iðn­að­ur­inn yrði jafn sterkur mótor í efna­hags­líf­inu og raunin hefur verið síð­ustu ár.  Öystein Olsen seðla­banka­stjóri Nor­egs tók í sama streng í nýlegri ræðu og sagði að ef olíu­verð héldi áfram að falla myndi það þýða að fjár­fest­ingar við ný olíu­leit­ar­svæði myndu drag­ast saman og umsvif í olíu­tengdum greinum því minn­ka, að því er fram kom í Aften­posten. Raunar spáir Östein því að fjár­fest­ingar við olíu­leit í norskri lög­sögu muni drag­ast saman um 10% á árinu 2015 en gætu auk­ist aftur árið 2017.

Minnk­andi eft­ir­spurn frá Asíu og Evr­ópu

Sam­kvæmt grein­endum í Nor­egi eru helstu ástæður þess að olíu­verð hefur gefið eftir minni spurn eftir olíu frá Asíu og hæga­gangur í stóru hag­kerf­unum í Evr­ópu.  Auk þess hefur fram­leiðsla í mörgum af helstu olíu­lönd­unum auk­ist að und­an­förnu. Hag­vöxtur í Evr­ópu er enn mjög lít­ill og lækk­aði Mario Draghi Seðla­banka­stjóri evr­ópska seðla­bank­ans stýri­vexti í 0,05% nýlega til þess að blása lífi í efna­hag land­anna.  Nokkur óvissa er um þróun olíu­verðs á næstu mán­uð­um. Árs­tíð­ar­bundin sveifla vegna vetr­ar­kulda í Evr­ópu og Banda­ríkj­unum getur haft áhrif til hækk­unar og auk þess er óvissa um hvernig ráða­menn í Sádí-­Ar­abíu muni bregð­ast við lækk­andi olíu­verði.