Vig­dís Hauks­dóttir borg­ar­full­trúi Mið­flokks­ins hefur ákveðið að sækj­ast ekki eftir að leiða flokk­inn í kom­andi borg­ar­stjórn­ar­kosn­ingum í vor.

Frá þessu greinir hún á Face­book-­síðu sinni í dag.

Mið­flokk­ur­inn fékk 3.615 atkvæði í síð­ustu kosn­ingum árið 2018 eða 6,1 pró­sent atkvæða. Flokk­ur­inn fékk þar af leið­andi einn full­trúa í borg­ar­stjórn. Kosn­ing­arnar í vor munu fara fram þann 14. maí.

Sér ekki fyrir sér að nokkuð breyt­ist á næsta kjör­tíma­bili

Vig­dís segir að ástæð­urnar fyrir þess­ari ákvörðun séu marg­ar. Í fyrsta lagi hafi kjör­tíma­bilið verið mjög krefj­andi póli­tískt séð. „Ég hef flett ofan af fjár­mála­sukki í fjölda mála­flokka í borg­ar­rekstr­inum án nokk­urra afleið­inga fyrir borg­ar­stjóra og meiri­hlut­ann,“ skrifar hún.

Í öðru lagi sé fjár­hags­staða Reykja­víkur komin langt yfir hættu­mörk. „Skuld­irnar eru stjarn­fræði­legar og áætlað er að þær verði 240 millj­arðar í árs­lok 2026. Þar af er búið að skuld­setja næsta kjör­tíma­bil upp á 92 millj­arða sam­kvæmt lán­töku­á­ætl­un. Það er sér­lega ósvíf­ið.“

Í þriðja lagi hafi við­hald skóla­hús­næðis verið ófull­nægj­andi og segir Vig­dís að grunn­skóla­börn séu á hrak­hólum út um alla borg. „Ekki hefur verið staðið við upp­bygg­ingu leik­skóla og borg­inni er haldið í heima­til­búnum lóða­skorti sem leiðir til fast­eigna­verðs í hæstu hæð­u­m.“

Í fjórða lagi segir hún að ekk­ert bendi annað til þess en að borg­ar­stjóri ætli sér að halda völdum „með ein­hverjum útfærslum að nýjum við­reistum meiri­hluta eins og í kosn­ing­unum 2014 og 2018“.

„Ég sé því ekki fyrir mér að nokkuð breyt­ist á næsta kjör­tíma­bili. Ég met það svo að gagn­rýni mín á rekstur borg­ar­innar með til­lögum til úrbóta fái ekki hljóm­grunn að kosn­ingum lokn­um,“ skrifar Vig­dís í stöðu­upp­færslu sinni.