Meiri­hluti vel­ferð­ar­nefndar leggur til að áfram verði leyfi­legt að selja nikótín­vörur með bragð­efnum hér á landi, en þetta kemur fram í nefnd­ar­á­liti með breyt­ing­ar­til­lögu vegna frum­varps Will­ums Þórs Þórs­sonar heil­brigð­is­ráð­herra um nikótín­vör­ur.

Í því frum­varpi var lagt til að bragð­efni í nikótín­vörum á borð við ník­ótín­púða eða vökva í rafrettur yrðu bönn­uð. Meiri­hluti nefnd­ar­innar rekur að þetta hafi verið gagn­rýnt í nokkrum umsögnum til nefnd­ar­innar og bendir einnig á að rann­sóknir á áhrifum bragð­efna í nikótín­vörum séu af skornum skammti.

„Í umsögnum og umfjöllun um málið í nefnd­inni hafa komið fram mjög skiptar skoð­anir um bann við notkun bragð­efna í nikótín­vör­um. Innan nefnd­ar­innar eru jafn­framt uppi ólík sjón­ar­mið varð­andi bragð­bann. Þrátt fyrir að bann við notkun bragð­efna kunni að skila árangri til að draga úr neyslu barna og ung­menna á ník­ótín­vörum er það nið­ur­staða meiri hlut­ans að frek­ari vinnu þurfi við að greina áhrif slíkra aðgerða og mögu­legar leiðir við að fram­fylgja slíku bann­i,“ segir í umsögn meiri­hlut­ans, sem leggur til að ákvæði um „bragð­bann­ið“ verði fellt út úr frum­varp­inu.

Meiri­hlut­inn segir ljóst að meiri tíma þurfi til að útfæra slíkt bann og skjóta undir það traust­ari stoð­um. Bannið sé ekki nægi­lega vel und­ir­byggt, eins og það hafi verið sett fram í frum­varp­inu.

Þing­menn­irnir átta sem rita undir meiri­hluta­á­litið hvetja því heil­brigð­is­ráðu­neytið og eft­ir­lits­að­ila til að halda áfram að fylgj­ast með „al­þjóð­legum rann­sóknum og stefnu­mótun varð­andi áhrif bragð­efna á neyslu nikótíns og leiðum til að draga úr því.“