Sautján rík­ustu stjórn­endur vog­un­ar­sjóða í Banda­ríkj­unum eru hvítir karlar á eða yfir miðjum aldri. Þetta kemur fram á lista For­bes yfir þá stjórn­endur vog­un­ar­sjóða og miðl­ara á Wall Street sem þén­uðu mest á árinu 2014.

Í efsta sæt­inu er hinn 59 ára gamli sjö barna faðir Steve Cohen (sjá aðal­mynd með frétt), sem þén­aði um 1,3 millj­arð dala (um 142 millj­arða króna) á síð­asta ári. Heild­ar­eignir Cohn, sem stofn­aði vog­un­ar­sjóð­inn Poin­t72 Asset Mana­gement, eru taldar vera 11,4 millj­arðir dala, rúm­lega 1.500 millj­arðar króna. Hann er í sæti 109 yfir rík­ustu menn heims á nýbirtum lista For­bes.

 

Paul Sin­ger stýrir hold­gerv­ingi hrægamma­sjóð­anna, Elliott Mana­gement sjóðn­um.

Soros og Sin­ger

Nokkur vel þekkt nöfn eru á list­anum yfir stjórn­endur vog­un­ar­sjóða sem þén­uðu mest á síð­asta ári. Á meðal þeirra eru George Soros, sem situr í öðru sæti list­ans. Hann þén­aði 1,2 millj­arð dala, 162 millj­arða króna, til að bæta í þá rúm­lega þrjú þús­und millj­arða króna sem hann átti þá þeg­ar.

Í 16. sæt­inu er Paul Sin­ger, stofn­andi og for­stjóri Elliott Mana­gement. Hann er sjö­tugur millj­arða­mær­ingur af gyð­inga­ættum sem hefur meðal ann­ars unnið sér það til frægðar að hafa stutt dyggi­lega við bakið á bar­átt­unni fyrir auknum rétt­indum sam­kyn­hneigðra í Banda­ríkj­un­um.

Sjóður hans er einn sá hatað­asti í ver­öld­inni, enda hefur hann ein­beitt sér að því að fjár­festa í skuldum ríkja, eða fyr­ir­tækja innan ríkja, sem glíma við neyð og jafn­vel greiðslu­þrot. Hann er því hold­gerv­ingur hug­taks­ins hrægamma­sjóð­ur. Elliott-­sjóð­ur­inn hefur til að mynda gert sig mjög gild­andi í Argent­ínu og Kjarn­inn greindi frá því í fyrra­sumar að félög eða sjóðir tengdir honum hefðu verið að eign­ast kröfur á föllnu íslensku bank­anna.

Feroz Dewan situr í átj­ánda sæti á lista For­bes yfir þá stjórn­endur vog­un­ar­sjóða sem þén­uðu best í fyrra.

Alinn upp í Singa­pore

Efsti maður á lista sem er ekki hvítur er Feroz Dewan, sem er af ind­versku bergi brot­inn en er alinn upp í Singa­pore. Hann situr í 18. sæti. Dewan stýrir og er á meðal eig­enda vog­un­ar­sjóðs­ins Tiger Global Mana­gement, sem skil­aði 17 pró­senta ávöxtun á árinu 2014.  Dewan er tal­inn hafa þénað um 200 millj­ónir dala, um 27 millj­arða króna, í fyrra.