Á upp­gangs­ár­unum fyrir hrun höfðu íslenskir athafna­menn, og sér­stak­lega banka­menn, upp­götvað að þeir væru merki­legri og  klár­ari en allir aðrir í heim­in­um. Þeir höfðu auð­vitað rangt fyrir sér, eins og stærsta efna­hags­hrun miðað við höfða­tölu vott­ar. Á þessum árum tókst þeim hins vegar að hlaða í nokkra gjörn­inga sem á þeim tíma hafa ugg­laust þótt nýmóð­ins og til merkis um hvað íslenska el­ítan væri miklir heims­borg­ar­ar. Þegar þeir eru skoð­aðir í bak­sýn­is­spegl­inum eru þessar yfir­gengi­leg­u ­góð­ær­is­at­hafnir þó í besta falli hlægi­leg­ar. Og pínu­lítið sorg­leg­ar.

1. Afmæl­is­tón­leikar Kaup­þings

Sum­arið 2007 fagn­aði Kaup­þing 25 ára afmæli. Af því til­efni hélt bank­inn tón­leika á Laug­ar­dals­velli þar sem allir helstu tón­list­ar­menn þjóð­ar­innar tróðu upp auk stráka­hljóm­sveit­ar­innar Luxor og ann­arra góð­ær­is­skemmti­at­riða á vegum Ein­ars Bárð­ar­son­ar. Veislu­stjóri og kynnir var Páll Óskar, sem kom iðu­lega fram milli atriða til að segja fólki að ein­hvers konar aðsókn­ar­met hefði verið sleg­ið. Tón­leika­hald­ar­arnir héldu því nefni­lega fram að 50 þús­und manns hefðu mætt, sem er rúm­lega þrefalt magn þeirra áhorf­enda sem völl­ur­inn tekur í stúku og stæði. Talan var enda dæma­laust rugl. Í besta falli voru gestir tæp­lega 20 þús­und. RÚV var síðan með allt í beinni útsend­ingu og her­leg­heitin kost­uðu marga tugi millj­óna hið minnsta. Um eina umfangs­mestu ímynd­ar­aug­lýs­ingu allra tíma var að ræða.

Bubbi Morthens stal ann­ars sen­unni þegar hann sagði á milli laga að ef gjald­keri í Kaup­þingi gæfi pen­ing yrði hann rek­inn, en ráð­herrar í rík­is­stjórn­inni gætu gefið hund­ruð millj­óna króna án þess. Bubbi hvatti síðan til þess að ráð­herr­arnir yrðu rekn­ir. Stuð­menn klár­uðu síðan þetta súra kvöld með rauða háls­klúta líkt og litlir gos-­skát­ar. Firr­ingin náði hámarki þegar Bo Hall­dórs tók lagið með þeim í skota­pilsi.

Lestu topp fimm list­ann í heild sinni í nýjasta Kjarn­an­um hér.