Þessi færsla er úr eldra greinasafni Kjarnans og gæti þess vegna birst furðulega.

Nígerísk Nígeríubréf frá nígerískum svindlurum

hafsteinn-gunnar.jpg
Auglýsing

Þann 28. jan­úar síð­ast­lið­inn barst mér skeyti á Fés­bók­inni – eitt af þessum skeytum sem póstsíu bók­ar­innar fannst ekki eiga meira erindi við mig en svo að það end­aði í Other-hólf­inu, heim­kynnum hvers konar furðu­legra vina­beiðna frá fram­andi heims­hlutum og svika­pósta frá Vest­ur­-Afr­íku. Þar sýndi póst­sían reyndar fádæma dóm­greind, því mér varð fljót­lega ljóst að mark­mið send­and­ans var það eitt að hafa af mér fé.

Sagan sem send­and­inn hafði að segja er orðin nokkuð sígilt minni í bréfum af þessu tagi; hann sagð­ist heita Okwy og vera lög­fræð­ingur íslensks manns, Ivory Brian Hauks­son, sem lát­ist hefði af slys­förum og skilið eftir sig tölu­verða fjár­muni, um 4,8 millj­ónir Banda­ríkja­dala, á læstum reikn­ingi. Þar sem ég bæri sama ætt­ar­nafn (Hauks­son-ættin á jú víða rætur að rekja) og væri sam­landi skjól­stæð­ings hans að auki væri ég kjör­inn til þess að aðstoða hinn fróma lög­mann við að leysa féð úr bank­an­um. Og að sjálf­sögðu yrði mér ríku­lega umb­unað fyrir við­vik­ið. Takk fyrir túkall.

Ein­hvern tím­ann hefði mér þótt svo­lítið gaman að fá svona póst, jafn­vel skemmt mér stund­ar­korn yfir til­hugs­un­inni um hvort hugs­ast gæti að sagan væri sönn, en eftir að hafa fengið ótelj­andi sam­hljóða bréf í svo til öll tölvu­póst­hólf sem ég held úti fannst mér það ekki lest­urs­ins virði; það var hluti af síbylj­andi áreit­inu sem er orðið óum­flýj­an­legur fylgi­fiskur þess að eiga sér raf­ræna fram­leng­ingu á alnet­inu.

Auglýsing

Eitt sat hins vegar í mér, sem ég á eftir að minn­ast á. Fyrir utan það hvað sagan var ófrum­leg (óvænti arfur fjar­skylda ætt­ingj­ans er sirka­bát elsta lumman í hand­bók Níger­íu­svindlar­ans) sagð­ist Okwy vera frá Tógó – en það er eitt af algeng­ustu upp­runa­ríkjum svindl­pósta á heims­vísu. Ég móðg­að­ist hálf­part­inn yfir þessu metn­að­ar­leysi; hversu mik­ill kjáni hélt hann eig­in­lega að ég væri? Ég hefði þurft að alast upp í umhirðu úlfa­hjarðar til þess að átta mig ekki á því að tölvu­póstur frá ókunn­ugum lög­manni um óvæntan arf frá vest­an­verðri Afr­íku væri eitt­hvað meira en lítið grugg­ug­ur.

Ég bið bara um lág­mark­s­við­leitni, Okwy. Fyrst þú hafðir fyrir því að ljúga til um menntun þína og jafn­vel nafn, búa til sög­una um Ivory Brian og millj­ón­irnar á banka­reikn­ingn­um, af hverju hafð­irðu þá ekki vit á því að segj­ast vera frá ein­hverjum öðrum heims­hluta en vest­ur­strönd Afr­íku? Það hefði kannski ljáð sög­unni örlítið meiri trú­verð­ug­leika ef þú hefðir verið frá Banda­ríkj­unum eða Bret­landi eða Sviss – eða bara flestum lönd­um, öðrum en Tógó.

[em­bed]htt­p://issu­u.com/kjarn­inn/docs/2014_07_31/49[/em­bed]

En Okwy er vor­kunn. Svona mis­brestir virð­ast vera nokkuð við­loð­andi aðferða­fræði Níger­íu­svindl­ara. Þrátt fyrir að Níger­íu­bréf sé orðið að sam­heiti yfir svindl­skeyti af ýmsum toga eftir 30 ára langa sögu kemur enn fram í meira en helm­ingi slíkra pósta að send­and­inn komi frá­... Níger­íu! Aðeins einn af hverjum tíu póstum á sér send­anda utan Afr­íku. Það er næstum eins og svindl­ar­arnir vilji ekki að við­tak­and­inn falli í gildr­una. En hvað getur skýrt þessa klúð­ur­s­­legu fram­kvæmd á ann­ars snjallri fjár­öfl­un­ar­við­leitni?

Ekki er það heimska, því sann­ast sagna sýn­ist mér Okwy vera tölu­vert snjall­ari náungi en ég. Alla­vega gæti ég ekki búið til for­rit til þess að leita uppi tug­þús­undir ókunn­ugra tölvu­póst­fanga í ríku lönd­un­um, hvað þá sent þeim öllum sér­snið­inn póst sem leggur út af eft­ir­nafni þeirra, þótt líf mitt lægi við. Ég veit ekki einu sinni hvar ég ætti að byrja, og samt finnst mér ég nokkuð flinkur á hvort tveggja tölvu­póst og Face­book.

Það var ekki fyrr en ég rakst á snilld­ar­lega grein­ingu Cor­mac Her­ley, fræði­manns hjá Microsoft sem hefur rann­sakað tölvu­glæpi og vef­ör­yggi, sem ég átt­aði mig á því að Níger­íu­póstar frá Nígeríu eru alls ekk­ert klúð­ur, heldur snilld­ar­leg leikja­fræði.

Fjölda­póstur á borð þann sem rataði í póst­hólfið mitt er nefni­lega aðeins fyrsta skrefið í lengri veg­ferð, en þannig getur svindl­ar­inn lagt net fyrir óhemju­fjölda fólks með litlum sem engum til­kostn­aði. Það er ekki fyrr en ein­hver hefur sam­band sem svindl­ar­inn þarf að leggja á sig raun­veru­lega vinnu til þess að svara við­kom­andi og sann­færa hann um að láta fé af hendi rakna. Og þar komum við að vanda­mál­inu sem Okwy og félagar hans standa frammi fyr­ir.

Mark­mið hans er alls ekki að fá sem flest við­brögð við póst­un­um, enda er einn helsti vandi stétt­ar­innar fölsk svörun (e. false positi­ves); fólk sem verður for­vitið eftir fyrsta póst­inn og hefur sam­band við svika­hrapp­inn, á við hann sam­skipti sem útheimta tíma og orku en ganga á ein­hverjum tíma­punkti úr skaft­inu og milli­færa á end­anum ekk­ert fé. Nei, það er lítið á slíku fólki að græða. Svika­hrapp­ur­inn vill helst ein­ungis svörun frá hinum trú­gjörnustu, þeim sem eru lík­legir til að láta glepjast og milli­færa á hann fé sama hversu und­ar­leg bón hans kann að virð­ast. Þannig hámarkar hann afrakstur þess tíma sem hann eyðir í sam­skipti við fórn­ar­lömb sín.

En það er erfitt að greina á milli þeirra net­verja sem eru trú­gjarnir og þeirra sem eru grand­var­ir. Þess vegna fundu svik­ar­arnir upp á snilld­ar­legri leið til þess að fá fórn­ar­lömbin sjálf til þess að gefa til kynna hvort þau séu auðginnt. Níger­íu­svindl­ar­arnir vita best sjálfir að eng­inn sem býr yfir­lág­marks­kunn­áttu á tölv­ur, eða kann að nota leit­ar­vél (Google stingur upp á leit­ar­orð­inu scam í hvert sinn sem ein­hver slær upp Niger­i­a), eða á vini og ætt­ingja sem bera hag hans fyrir brjósti myndi nokkurn tím­ann svara Níger­íu­bréfi. Þá stendur eftir nákvæm­lega sá hópur sem hrapp­ur­inn vill kom­ast í sam­band við. Hinir auð­trúa.

Með öðrum orðum hafa Níger­íu­svindl­ar­arnir skýrt mark­mið með því að hafa Níger­íu­bréfið eins ófrum­legt og grun­sam­legt og hægt er; nefni­lega að draga úr falskri svör­un. Heimska eða klaufa­skapur kemur þar hvergi nærri.

Herley dregur þá ályktun að þessi við­leitni þeirra bendi til þess að fölsk svörun sé meiri­háttar veik­leiki í við­skipta­lík­ani Níger­íu­svindl­ara, en stærð­fræði­leg grein­ing sem hann hefur útbúið leiðir í ljós að með því að auka falska svörun vilj­andi (t.d. að eyða tíma þeirra í vit­leysu, eins og útvarps­þátt­ur­inn Tví­höfði gerði með nokkrum til­þrifum um árið) sé hægt að draga veru­lega úr gróða­von svika­hrapp­anna og minnka þar með hvatann til þess að stunda svik­in. Það gæti jafn­vel orðið hluti af skipu­lögðum vörnum við slíku.

Hvað sem verður er í það minnsta ljóst að þeir sem deila Níger­íu­bréfum hlæj­andi á Fés­bók­inni, send­and­anum til háð­ung­ar, eru á villi­göt­um. Okwy er eng­inn aukvisi, heldur leikja­fræð­ingur – og hel­víti snjall. Einmitt þess vegna þarf að passa sig á hon­um.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Skjöl sem komu til þinglýsingar í gær hjá Sýslumanninum á höfuðborgarsvæðinu ættu að vera tilbúin 28. júlí næstkomandi.
Þriggja vikna bið eftir þinglýsingu
Mikil ásókn í endurfjármögnun og ný íbúðalán hjá bönkunum hefur skapað tímabundið álag. Afgreiðslutími lánanna litast af því en einnig getur þinglýsing tekið nokkrar vikur.
Kjarninn 8. júlí 2020
Flugfreyjur og flugþjónar fella nýjan kjarasamning
Félagsmenn Flugfreyjufélags Íslands hafa fellt nýjan kjarasamning milli félagsins og SA vegna Icelandair. Niðurstaðan var afgerandi. „Mikil vonbrigði,“ segir forstjóri flugfélagsins.
Kjarninn 8. júlí 2020
Ef veiran getur borist í lofti þarf mögulega að hvetja til þess að  nota andlitsgrímur á mannmörgum stöðum og í lokuðum rýmum.
WHO viðurkennir hættu á smiti í lofti
Alþjóða heilbrigðismálastofnunin hefur brugðist við opnu bréfi yfir 200 vísindamanna sem kalla eftir endurskoðun leiðbeininga WHO um að nýja kórónuveiran geti borist í lofti og smitast manna á milli.
Kjarninn 8. júlí 2020
Sjö sóttu um tvö embætti dómara við Landsrétt
Þann 19. júní 2020 auglýsti dómsmálaráðuneytið laus til umsóknar tvö embætti dómara við Landsrétt.
Kjarninn 8. júlí 2020
Tæknivarpið
Tæknivarpið
Tæknivarpið – Leiðin að stafrænu ökuskírteini
Kjarninn 8. júlí 2020
Ungt fólk á ströndinni í Ísrael.
Brúðkaupsveislur urðu að „útungunarstöðvum“ fyrir veiruna
Ísraelar stóðust ekki freistinguna að safnast saman þegar takmörkunum vegna faraldursins var aflétt í lok maí. Opnun bara og stranda eru þó ekki helsta ástæða stórkostlegrar fjölgunar smita síðustu vikur heldur brúðkaupsveislur.
Kjarninn 8. júlí 2020
Þórður Snær Júlíusson
Ríkisstjórn boðar aðför að fjölbreyttri frjálsri fjölmiðlun
Kjarninn 8. júlí 2020
Tara Margrét Vilhjálmsdóttir
Pólitíkin og eiginhagsmunirnir á bak við stríðið gegn offitu – II. hluti
Kjarninn 8. júlí 2020
Meira úr sama flokkiPistlar
None